Hukuman untuk Guru-Guru Palsu ¹ Nutu huna uluge, dadi nabi-nabi paleka tajonga dalasa ana suhunai Allah, tauma batange dajaladi guru-guru paleka tajonga dalarami loho kawaina kabunyi hamuda hanua kama jiraka dajalage kaballimi Mori ka haneralida di yida kaamwaige kawetara geha tuttauda yida dawu. ² Monno, engabuta ata kadokuge hada marha yida aika mangu paha gadamu, monno oro yidalah, lara katengna hapadda. ³ Waige dadarada yida enga ngalada utu wali labaramu waige haneweda kama tipu; rakada tubada yida paha wali hilu mangatrama dura. ⁴ oroge, Wadai Allah Widawu aina patkawe tauna jonga dalara malaikat kajala, tabolo baitadi yeda ta neraka monno yiyi yida larita kalasi bahi kapangtana tutge bapaduyi kaha yidi Rabada. ⁵ Mono Allah duma aina manawarage pamutana uluge halikemai Nuh, wuyo ata kakadoge ketena oledi pitu ata wadeka, tabelo ami dangage weyo buta tapanutana aika tadui Allah; ⁶ Mono nyiyo Allah bana hukuge hasona Sodom mono Gomora waige hada hawetara sekadudana harona radu kahadadi kabukayi, mono yida hadudi dadi teya tutuwe agawe nimi kadadi tabara da ata kajapata kamorha talado murige; ⁷ Mono nyiyo Allah napa hailayi lot, ata katengna nada, kapaddana mayilla oro Morha ka otora wali ta ata aika tadayi liyo idi pareha, ⁸ (Tutu amo tuduwe, Lot mosha tibu jigada yida diha lado-diha lado, mono urada hida kadena mayilla oro etami mono rageyi parayida kajapata hatena mono haragena;) ⁹ nyidawe Allah natadawe agalina dawe pahalayi ata katena wali tama kabama mo tuyi ata japata tutwe bahukudi talodo bayidi rakada, ¹⁰ Palikeda yida kahabotawe tauna larita malama ka otora, mono katau tai payi kaha reha. waige mono talajrada mono baiboda, guru guru paleka rada waleda madautaknua hamelodi hawai kamanada, ¹¹ Daku dage rada Malaikat, wale ladakma hanewe maduhada kaaroda ka mapudda tabarada yida toromai Mori ¹² Guru-guru paleka rada tujai ranga aika magu pangadana, pahadadi lodoge yapayi mono hamateyi; tidadappadawe, agawe ai hayapada yida, engapudahayi lari kawetara yida wiki dawu. ¹³ yida kapijai kajapata kana hige tangage harayida ada kajapata. Yida daha ngada dage kalngo enu bana lodoge harawedangawe. Yida atoro mono akta, lagadara lari tabalda bada yoyo ole dagagumi miyo. ¹⁴ Yida mang matada ka bamma habai jala olena mono dika ogahu rahige jala, yida dale koyi ata kaloja urana, mono atena yida nadama bewe lari tamorha dadura yida nage lakawa paha katukku. ¹⁵ Yida datamani lara haluruha mono dukumi lara jalora, tauna lara bikam ana beor, kadaidage hiba hiyo ha ulama tutge parawi pajapata. ¹⁶ Tanyiduwe, nyiyo nakalena liyo haape kama wangta tapanu halayida wali wuyo ana bebe kabanga, tabolo kamewe kaliyo kadadi ata dajala ge napangahu we parayi ngade nabi nada itu. ¹⁷ Ata radekataudana tujai mata weyo kamarakota mono hatijai habungu pahabana warata. kapaghata hada kapagtana hinya bede tubada yida. ¹⁸ Waige hamewe kabaiko, tabola lakma ngilige, Yida nakanadi hirra ata kawalota wali tayikda kamorha lari tajalora waige kamahge pola tauda mono waige Manyarha. . ¹⁹ Guru-Guru Paleka dajajige Hoila, Loko Yida wiku dauyoba atak madi liyo loko oroge, agalungkai kahabawai wu ata, Tabasuknage, ata nada ba atai. ²⁰ Oroge, Ayi yida bada malotabe wali tangage ma nayruha panu tana kajapata kdetada rakanai Mori mono hadda manemasada Yitta, Yesus Kristus, Tabolo murige haggawali tapanutana kajapatainna mono haluguna, Nyida hida onga dadi rehi aidaha wali ulage. ²¹ Ana hada hadoge yida aida kali tadai laraka tena nada, bege kolebada sadayi yida da kabali wali liyo ukku moraha yibe tabarada yida. ²² Yidahna mawo wali wehamewe katena inne: "Bagga nahaga tamuttana dauma" monno "Wayi paha murhabe, hagawali nagwe mayoka ta kaiyaka".