¹ Nyiwe, nauwa puhtabewe tuba taudaugu ina nauwa wale hilug maimawa lagge tabaramu lari tamaropo ate. ² Nyiwe nauwa bagu rayige miyo hamaropo ate dangami, iyaknage karayigage halagahara dangagu, heleni nyiyo harayi begu hamaropo ate dangada ? ³ Nauwag, tolhawe, tauna nauwa harayigu, kole nauwa bagu maiwa, nauwa wale engag kole mage maropo ate wali tayidda kapahadahowa nauwa halagahara danga. oro, nauwag pada mannege tabaramu miyo tangami. ⁴ Wali batadi mayilla mayilla mono pakha ate, nauwa gutulha mige tabrami waige butadi majoku we'mata, wale tutu rayi maguge hamaropo ate danga, waledakma tanyiduwe miyo kana dadiwe tada manawara hakolegu, tabaram miyo. ⁵ Tabollo, nyi badaka kahaoro mana maropoyi atemi, wale nyimak kahaoro hamaropo ate dangagu, tabollo tawatte kayannana--dajalage nauwa waLegu harehi magimi--tutu miyo tangan. ⁶ Tubada ataq katujana nadda, haapena wali tamiyo kabuta tutuwe tubana. ⁷ Oroge, kabalige rehina dahoge hawalidi mono Aguateyi dajalage ata kataudana nada illa talaluna tamaropo ate kalojakko. ⁸ Nyi, nauwa duharagimi miyo tutu pahiragimige manawara tabarami. ⁹ Oronage, tutu ine dumowe nauea igu tulahamige tabarami, haluguna dajalage nauwa kana dadiwe bagu tadawe tadage, dadikawe miyo bamu manuddu lari tangage. ¹⁰ Wuata hawalimi, nauwag hawali jalani. oro. agawe nauwa hawali begu, nyibadaka hawali dangahogu, nauwag rayige oro miyo taaronai Kristus, ¹¹ Waige, bataudage kabalka wale hautukmayi wali tayita oro yita tadawe tangage hakabu atena. ¹² Kole bagu dikiwa ta Troas tutu talarage Li'i ege ate Kristus mono kole Binna mabugerawe tutugu lar taiMori, ¹³ Wale lakmahoge malogana Waddigu oro aigu tabokahoi Titus, Anguwugu. nyidawe, nauwag hanuwa tabarada yida mono kako ta Makedonia. ¹⁴ Tabollo, waiyi tabarai Allah. ka'irru juwama nami tatailo larr tai Kristus hade'lage kabau burata tutu tadayi Nyiyo ta dihha padau, lede'ma nami. ¹⁵ Oro, namiduna bau burratai Kristus tubai Allah tajongada yidda pahamane marabe mono tajongada katamrana liloko. ¹⁶ Tubana wuyo, namik'dunage bau kamate tutu kamate, mono tubada wadeka bau hamorha danga tutu morha. tabollo, iyadui katahige tutuge hada inne? ¹⁷ Oronage, nami wale tujjamai ata buta wadeka kamalajage Linai Allah. gabbage, larr tai Kristus nami hanewe taaronai Allah waige murraha, tujjada tangada ata pahalewnai Allah.