Bibta Harehanai Paulus Kawali Dawe tai Alla ¹ Nauwa, Paulus, nauwaduna kakariwe tabaramu waige manawara mono manawaranai Kristus nauwa, aika bani ba' haaro matakana danga kagu, tabollo nauwa igu baniwa bamu maraukawu wali tabaragu! ² Nauwa gu karaiwe tabaramu tanamu bagu maikawa, nauwa waleg baimage bani lohhog mannege nauwagu yapu dahoge tanam banigu gabbana pirra ata kahabaningna nami morha waige kana'a. ³ Tanyiduwe, nami mamorhaho tatillu tauwu atama, tanyiduwe nami walema runnmage tutu kadadi kana'a. ⁴ Oronage, Kito-kito kaleka hatauwu nami wale kawlimawe ta tauwu atama, dukadahege kulha waddi katengna kahamauhadi pahatodawai. ⁵ Nami mapahhabewe pahangad'da-pahangad'da mono tangadi tutudi kamadehita harayida ata kaboggangu tanamu kagabbage pahatingonai Allah. nami magabbadi tangadi pahangad'da mono kangaduka tabaranai Kristus, ⁶ mono nami hadinyaka beyi hokuda tangada aika kangaduka bahatengudi kangadukamu. ⁷ Kammu etawe tabarada ba'agayi kadana ta aromu badaka ata kamannege tauwu dawuna nyiduna dauwunai Kristus, Nyammakani kana hangada haagge tutuge inne, nyiduwe kataudadana nyi dauwunani Kristu, tauda jallama dimma. ⁸ Aiwalleka, katuwuna nauwa ba'takki kagage karehigu bibta pareha, hayinai Allah tabarama tutu hakad'demi mono wale tutu pahhamami miyo, nauwa enga walegu makkaema ⁹ Nauwa waleg kabu ate mage de'do meradalinage nauwa bagu hamadautagimi waidi tangadi Jurata-juratagu. ¹⁰ Oronage lid'dage yidda da hanewe, " Juratana na did'darai mono ngangahayi, tabollo badage tauna, nyi na loja mono hatakina wale lak'ma gawudi. " ¹¹ Hahaikana ata kataudana nade kahangadage kataudana inne, yiwe hatakima waige Jurata nami ai'ma ole gimi, katauna pahadama nami bama olegimi. ¹² Oronage, nami walema banima tutuge ublawe aiwaleka hamera wikidauna lohho ba pirra ata ka daiak wiki dauna. tanyiduwe, yid'da bada ukra wiki dauna yid'da dawu mono hamera wiki dauna, yidda walle tadamawe. ¹³ Tanyiduwe, nami walema madaka ate danga mage tutudi rada ngara dukage patutu kawli tai Allah be'habawe tabarama nami loho walli tutu kadikki tabarami. ¹⁴ Oroge, nami walema layimawe gige katuttu ma nami, meranage aima tomage tabarami miyo. nami duna kawunga diki tabaramu waige Li'i ege atei Kristus. ¹⁵ Nami Jalla wale madakka ate danga mage oro we'e kabutta ata heka, tabollo dukadehege haman'nema oro hatenamu katummu, ta'hadauwu haullama nami tajongami miyo hangatage ba halura wlige, ¹⁶ Tanamu nami kana dadiwe bama todo talarage Li'i Bihhanai Mori Tadihha hadawu-dihha hadawu tabilimi miyo, mono wale madaja ate danga mage ba'agayi hawaltab'e ta hadawu ata heka. ¹⁷ "Iyayi kabaige madaka ate, nyammani kana madaka ate lar tai Mori. " ¹⁸ Oronage, wale ata kadaika wiki dak'mana tahi tagorage ka'makaba, dukka hege ata hadaikanai Mori.