Nauta-Nautage Tagu Hamanno Jemaat ¹ Inne patakki natenawe, "Nyibadaka wu ata ka kabbu atege hamannowe inne jemaat, nyi nakabbu atege ha ulla kadahha." ² Oronagge inno, hamanno jemaat wu dahoi ata aika pang otoranna, laiyi walta wu ole umma, maniwola hangada, na pattikiwe tauna, pahha akayi, nabaige banna yi matullu, monno butayi akkalanna banna hanuwa, ³ walle ka enumai weyo hayanna, walle ata ka kuplamaiyi tabollo ata kamawu maloyai, walle kabaimananni pagabbanna, monnolohho walle ata ka ma'kman nanni ammaha. ⁴ Nyi na angta dahogge orha hadahha dauwe til ummana monno karawiai anana tutge manono waige ba dage ha aka. ⁵ Oroge, inne nyi aina tada houwe agalinnawe banna orha dauwe til ummana, agalinda'kkawe nyi banna orhayi jemaat nai Allah? ⁶ Nyi illa ata beru kai abbu kajarra tannam nyi kailla na dadi madehta ate monno monu larta tamma hokuna kabalka. ⁷ Taba walwe, nyi wu dahoi ata kamang ngarana dahha ta jaongada ata ta balhaddu tannam nyi ka illana monu lar ta aika mang hina monno ta dibba nai kabalka. Nauta-Nautage Dadi Bai Ata ⁸ Katauda wi'knagge radde diaken, nyi wu dahoi ata pahha aka, wallena hanga mauwe, walle na kama'kmanna ha enu angngur, monno walle namma yegamanna utu aika waina lurha. ⁹ Yidda da angta dahogge narroge hakabunyi katena ta hatena waige ate kanuddahadda ka murraha. ¹⁰ Yidda wi'kna ha beha kaba ulldahoyi monno nyi bamang tadakagge baaida otora, yidda nadadiwe badda hanukkwe dadi diaken. ¹¹ Katauda wi'kalla nagge radde ole ummada diaken, yidda ata pahha aka dahoyi, walle ata kahha langlira, tabollo ka angtage pattiwe tauna monno na dadiwe ba pahha tenayi ta tangnga ngara hada. ¹² Diakaen lai walta wu ole umma, nadadiwe banna atorai anana monno til ummana waige kadahha. ¹³ Oroge, yidda kabadda hanukwe badda dadi diaken waige kadahha na kole dangngage bahha akayi tuba tau dauda yidda waige mamanne kamadakka nedda tahha teneda tai Yesus Kristus. Ngihigehakabunyi Hatena da Yitta ¹⁴ Nauwa kama'kge tannam nauwa kanna da'kdi baggu kakowa tabaramu, tabollo nauwa ug tolhawe tangngage inne tannam miyo ¹⁵ nauwa baragga aiyig gehadalkawa, miyo umtadawe aga linnadawe yidda badda morha ta umna nai Allah, inne gereja kawal tai Allah kamorha, hari kahha ruwe, monno puge inne katena. ¹⁶ Yitta magakuge ba taukalagge ngihige hatena inne pakabunyi: "Nyi, pahha dedoyi takka na, pahha tija ta Waddi, kahha tingngo wikna ta aro malaikat-malaikat, patakki ta jongada ngaradukkada kabihhu, pahha tena tapammu tana, pa keketa tabara kammanadana."