Filemon Mi Gotai
1
Paulus Yesus Kristus ganei u bisara bo ama ma spir ba mia, gi nuku gi afenai Timotius Filemon,
2
apfia Arkipus wai ma gi serang gi fuhu gowa da ama mi gotai mi gawawa.
3
Lahatal Yesus gi nuka gi hama, gi feng gi foma do towa.
4
Na nom gatela na Lahatal gi nuka ufan.
5
Ya hot yi yom kiding wai ma serang fuhu yo fal upu oho ya osesep Lahatal Yesus ba ge yagal gawin gal.
6
Na nom gatela na Tuhan Yesus uge huhung, mode pi tom nu nuku wei hoko da ten do rumai do feteng. Gi gogamu oho Tuhan Yesus gi nuka gi hama gi birang gi boki oho ten do tohi bohi.
7
Ya Lahatal Yesus gamau kawal ubi sara ule hara bo serang fuhu do u nuka do u hama oho do nohi do u mayahang.
8
Na osesep Kristus gi gaga boho na u e huhung u e mateng.
9
Do bahe om nuka hama bo na ed ba aboho, ned hoko yahot Lahatala Yesus gi goreng bo naspir ba gom mia gena nayang na u kalta.
10
Ni wel Onesimus gi goreng oho nom ed ba oramai.
11
A wola ka a wala nuka, do bahe wer hoko tom yong gorumai.
12
Na ge nom beka oho do na ga boho ap hoka.
13
No ge maki mode da no fukang te bage, dower ya hot Injil gi gareng bo nawei spir ba mimi hoko.
14
Do bahe wer pel ka u tom nuku ra bo dei, mode nuka hama de awei gaten gafup oho kul do osesep om ba mi mar ke ama do ke aboho ra.
15
Moo ge o ho gi gareng bo da ka ap ia mi kabei do bahe wer hoko ayang ogawa gena wailei pa do geya,
16
Ni nom mi mar oho, wei oho yang ke i madal ra do bahe Tuhan Yesus gi gom mia oho yel yang mang mod mang aur, towarai bo wai ed, oho ung mang tew.
17
Gare a ufan ned hoko kil i afenai do he, Onesimus oho ge lela ya not a ned ba ne lela warai.
18
Ge warai da beka ahala ke gaten gafuk ung he ma ned ba nang tau yema nang u wai.
19
Nowe Paulus na natang ba pun sura bilen, fal upu oho na uwau utaleu yahot ge ohodo i birang.
20
Ni nuku, ten ono tai nofana mode nom hoko do rumai do feteng.
21
Ya hot pel tom to rurumai, na e sura bilen wei hoko na en yai, om oho teu nuka.
22
Ohong nuku ne gogahaka , ya hot awei ten nang yau sembayang oho, da mi no a behe, gi go gamu oho moko ama yang nogatan bage
23
Ni nuku Epafras niyel spir ba mia da mi otai ofara wai.
24
Markus, aristarkhus, Demas, Lukas da ufan.
25
Lahatal gi nuka hama, gi ten gi terang mi ma yi tow mia yi tenang tau