¹ apakah yoyo indi pegheni, hei bakku dughu diccogimmi (orona yaya kupneghenge el ndiya el pegheni hukum taurat ), bahwa hukum taurat lak kuaha el pannu poltonna bahtoyo nebbe tenggere mopir panaka a toyo ta'a netu? ² Orona ta'a netu doyaka , rawicoyo el nikah laptanana secara hukum lahdapango el laghina ebe tenggere mopirono; tapi dimoko mbana matika a laghina, ndiya ahbebehoko wali el hukum pernikahan. ³ dadi, nebbe rawicoyaka ta'a netu kabalingo arweyo kabani heke nebbe tengere mopir panaka a laghina, ndiya apngara niki pezina, tapi mbana matika a laghina, ndiya bebehoko wali hukum tanaka ndiya njapa ngaraniki pezina nebbe nikah dengengoko kabani heke. ⁴ orona ta'a netu, dungu kambungu, yo waddi dolli matimuku tangguna a hukum taurat monotoyo akbinna ak Kristus tanaka yoyo kabalingoko tanggu to heke, didoyaka ndiya papdolli pakeddeda wali el matina sehingga yicca ngali wu hahilo tangguna Bramba Allah. ⁵ orona, Ndiya mbana mopir pongoko el lakbinna, hawa nafsu dosa diransang oro hukum taurat lapghili el pil to dollo yicca tanaka hahil wongo wuna tangguna kmati. ⁶ tapi dimoko, henene yicca dolli habebedandakka wali el hukum taurat, dolli matika lahdapango payaka el ulu membelenggu yicca mengeke yicca henene wondi monotoyo a Roh baru, indi monotoyo hukum mndeya el lamturoho. ⁷ dikki ebe henyaka, payaka papenge takindakka yicca? pepenna a hukum taurat ta'a netu dosa ya? hmimihongo njoddo! heddunaka,yaya jakku peghe memini a dosa likkana ebe monotoyo hukum taurat, orona yaya jukku pegheni a artina wali benni tanggu to heke a hukum taurat ebe njana takiyaka, '' amba be'amniki . " ⁸ tapi dimoko, dosa el dekke kesempatan monotoyo apretena ta'a netu tanaka hahil wongo mangana huruna pahbenggu wali el pol tonggu; orona ebe njaniki hukum taurat dosa enge matinaka. ⁹ atu ulu yaya kumopiro tanpa hukum taurat, tapi nebbe mbana emmini hukum ta'a netu, dosa lakbalingoko mopiro mono yaya matika ; ¹⁰ mono prete ayiya, el hepindi pangnguna ngandiya lahdapango el mopir, justru dangganga lahdapango el lakmati. ¹¹ orona, dosa el dekke kesempatan monotoyo hukum ta'a netu tanaka mbolet mono hmatinga. ¹² dikki hukum taurat ta'a netu didoyaka mbiha,mono hukum ta'a netu mbiha, ghana mono ndaha. ¹³ dikki ebe henyaka, pe el ndaha ta'a netu emmedengeniki mati el yaya? hmimihongo njoddo! dosa duyaka el hahil ngo kmati gu monotoyo payaka el ndaha tanaka el nyata bahwa dosa didoyaka dosa, mono monotoyo hukum ta'a netu dosa heluwung ngoko hunda a dosa na. Angabana el poltodda yicca ¹⁴ orona yicca pegheni bahwa hukum taurat laphadda rohani ningi, tapi yaya kuphadda jasmani, pahmahanga el kambu dosa. ¹⁵ orona, yaya njukku pegheni payaka papndahangu orona yaya njukku pndaha pata pahbengu, yaya kupndaha wali moko pata pahmuhungu. ¹⁶ tapi dimoko, yaya nebbe bakku pndahaka suatu hal papnjapa bengu pndaha, yaya ku wawiniki bahwa hukum taurat ta'a netu ndaha. ¹⁷ dikki henene, indi ya walika el lapndahaya, tapi a dosa el mopiro el ndolo gu. ¹⁸ orona, yaya kupegheni bahwa njango patana el ndaha el mopiro el ndodolongu, didoyaka el dolona akbingu, orona kehendak ta'a netu anyi el pol tonggu, tapi dimoko tangguna pndaha el ndaha ta'a netu njoddo. ¹⁹ orona, yaya njukku pndaha papndahamu el ndaha papngaddagu, tapi dimoko yaya kupndaha pata el bokkol, pnjappa ngadangu! ²⁰ dikki, yaya bakku pndahaka pata pnjapap ngadangu, anetu indi ya waliyaka lapndahaya, tapi dimoko el mopir el ndolo gu yaya. ²¹ dikki, yaya kutobokoyo ahukum mon ayi, didoyaka: yaya bakku bengo pndaha el ndaha, abokkolo yi waddini papole gu. ²² orona, yaya kubenyi a hukum mono Ambramba Allah el ihi ndolo gu, ²³ tapi dimoko yaya ku icceye hukum heke el polto dolo gu berjuang ngabani hukum akal budi gu mono menawan gu el hukum dosa el anyi el polto dolo gu. ²⁴ yaya to celaka! garaniki el lahmopir rongo yaya wali el lakmati gu ayi? ²⁵ syukur lahdapango lam Bramba Allah monotoyo Morind yicca, Kristus Yesus! ²⁶ dadi, dengeni ayiya akal budi gu yaya kuwondi hukum mon Bramba Allah, tapi dimoko apoltonggu yaya el wondi hukum dosa.