Wobananki Amopirmu ella Bramba Allah ¹ netu, oro pamnowrono Abramba Allah, yaya el hudoro gu yoyo, bakku lolede gimi, tanaka yoyo pahrakni poltomu hengo pahrakanga el mopir, el bihha mono labghenenge lam Bramba Allah; didoyaka akwodo aktamba mu el hepindi panguna. ² amba mere enge amniki a panu tana, tapi pahekbaniki ahadda mu, tanaka yoyo hamende wanyi payaka pahbenya Ambramba Allah; payaka el ndaha, lamghenenge lam Bramba Allah, mono el ndaha. ³ orona, nebbe monotoyaka aknuru papwonanga, yaya ku takidani ngara a toyo wali el yoyo tanaka amba pangada amngoko ngara baka el rehi mdete walingo papngadanga, tanaka pangada hingirongo monotoko a bokolo a ati wanja papwo danda Ambramba Allah . ⁴ mere bakka a poltomu, yicca heke dangana akbokelond, tapi mbah to to nja ngali tanggu papghilina el mere. ⁵ hewadunakka yicca,pirhebanaka ba danga, tapi hwu pini a ihi el lak Kristus. mono, ngara kehe yicca didokka akbokelda hahwadikongo. ⁶ yicca manga knurunda laphek-hekeng ebbe monotokko amnowor papwonna el yicca. nebbe here yaka, dahaka yicca mbata pghilinimonotoyo a tangguda ati wanja yicca. ⁷ nebbe mbata layan ko, ndahaka diya layan nok, ato ebe pakneke ngoko,dahaka diya pakneke ngoko. ⁸ ato wonni paghahi, wongo ebe wengoko, dahaka diya el wobongoko haramba ati,nebbe yokka lapdandanga, dahaka yoyo danda pndahabniki,nebba pahundoniki a mnowormu, daha pghili daha ati baniki. ⁹ enge hebamniki amnoworumu indpakhelemuni. muhubaniki el njana daha, mono tarabniki el daha. ¹⁰ pamnowor wubmik yemi laploledenge mono tanaka ptaulu wubmiki bipaaka wumi, ¹¹ amba lahmali amoko amnunamu, leruk baka yoyo roh mono layan baniki Mori. ¹² daha ati bakka wali pahmonommu,tahabngoko wali el lakrimu, mono kawodo katamba baka el barana! ¹³ monot bakka deke tanggumu patutubaniki pahperluda to bihha, wuhbaniki phundoni a daha atimu. ¹⁴ pamringi malala baka diyo el pakringu yoyo, pamringi palala baka amba habolani! ¹⁵ ege dengebniki ngara diyo el ege, mono ho engebdiki ngara diyo el ho. ¹⁶ pngadabniki payaka el mere ngara etu. amba pngada amngoko el rehi madete, tapi hmotproni baniki el toyo papngadanga lahdapango el to njap papakang. amba pangada amniki a pol tommu mnundu! ¹⁷ amba ta amniki deluna a toyo el lapndaha njana daha. pghili baniki el daha lahdapana ngra a toyo. ¹⁸ dikki notongo, a netu lamtereng el baramu, mopir bolo dengebniki ngara a toyo. ¹⁹ baku lolede gumi pamnowor gu, amba yo mangu wu wadimoko lakreya delu heng, tapi wo baniki padongo a banina Ambramba Allah. orona anyi lamturoho, " tanyi deluna hak guni Yaya, Ya duyaka el tanyi deluna," linya Mori. ²⁰ "tapi dimoko,mbana klambaka a muhumu, wobaniki diya mu, mono mbana mdokka a muhumu, wobaniki weya. maka buhemuku netu, yoyo lapdimbi-dimbongoko a blanga api el panu katakuna." ²¹ amba kalah amoko lahdapango el njana daha, tapi pklabaka el njana daha wanyi el daha.