¹ Mappojjakka banna hattamma nellattenna, Anna Nahha nappallan nahhobba mannadduk Lahharonna Dagna. ² Manna itte, he iyo marrongngaddad Nellabbarranna hawwu tokka bekko kattongrongngo hawwol nella haddo majjur. Manne banna itteyka hattennadda, Anna Nahha hattokna nellabbarranna tokka bekko, " Haddiddarrakin na attem yo, Annag, dokjallam da opmowwagudka. " ³ Mahhaleggeyakka, hehhawwaddekka Hettoppewwe Ukpatta hattokda neddallo la attedda, " Yinna To MENGHUJAT!" ⁴ Tabbollo, Anna Nahha nattajjayya hangngaddadda, Hattokna, " Abbanneyyom mamhangngaddan kabbokkalla nella attem? ⁵ Gennehhon karreh dohha, tokya, ' Dokjallam hawwalmowwadka, 'monnel tokya,' Koddewka mahhallakkowka'? ⁶ Tabbollo iddokka, tannam neyyom kamtajjayya mannella pontanna Anna Kaddad To mangprehhanna tuthawwallid dokjalla. " Mahhaleggeyakka, Anna Nahha hattokna nellabbarranna tokkabbekko, " Koddewka, kekkettay haddo majjurrum, monno balliwka!" ⁷ Ma mokka, nekkoddennan mannabbalka. ⁸ Tabbollo, mahhe toddangnga daittey nettutna, he iyo madda tonnakmokka madda hammanaddan na Mangngaklang kawwod neppreha nekkahhamerra nella barra kaddad to. Matius Tagkohha Wolkattok Doknanna Anna Nahha ⁹ Mabba tongronna na Anna Nahha yellangngo walnonno, ne Iyo itteyya nahhawwu natto nehhakkamakkonnay Matius tongrongoddobellenan nellahhaddo kohhay hewwolkattok. Mamokka, Anna Nahha hattokna labbarranna, " DokkaYa. " May, Matius deddenan moddoknan na Anna Nahha. ¹⁰ Nebba tongronna Anna Nahha ngoddo muyyo noddallo la umma, ittekiy, dangnga tagkohha wolkattok mohhetto dokjalla nemmed badda mayyo, molka ngoddo muddongngan na Anna Nahha mohhe Annahakkoddo Annahallollenna. ¹¹ Mahhetto, Kawwohhokka itteyya nettutkanna yiyyo, he iyo hattokda nellabbarradda Annahakkoddo Annahallolle, " Abba nenna GURUMU muddongngad hetto tagkohha wolkattok mohhetto dokjalla?" ¹² Tabbollo iddokka, Anna Nahha banna rongngoyakka nettutna ne Ihhattokna, " he ikkaddohha ihda jadda kab attek mangngo to tangkalappa, tabbollo he ikkallawwarra. ¹³ Tabbollo, hallakkokka mohhanuwwakkiy appad godda hiyyo, ' Yahhakab atteg mannawwarra, jammannuttanekma, ' orrongngo Yabagmawwa nejakkamakkongngo kattennakma, tabbollo toddokjalla." Kappattangngo tut Jammumojjain ¹⁴ Mahhaleggeyakka, annahakkoddo annahallollennay Yohanes hemmed baddama nellabbarranna Anna Nahha makkappattanan, " Abbanne yamma mottokkawwohhokka rayyin jammumojjain, tabbollo he Annahakkoddo Annahallollemyo jadda jaddamumojjaddain?" ¹⁵ Ma, Anna Nahha hattokna labbarradda he iyo, " Naddadnekkak he iyo PARA PENGIRING PENGANTIN badda mayyilla nebba tongro honna nap PENGANTIN kabban banna engngahongngo olled he iyo? Tabbollo iddokka, nennarrahna nenna lakkeddakabban badda jekkeyya walla jongngadda, mahhaleggeyakka he iyo daarron jammumojjain." ¹⁶ Jannek mangngo hawwu aktoyyo nekkaddabbarrayya nakkabba bayyo nellakkalebbe kabborrangngo, orrongngo nakkadabbarra hirrayya nakkallebbe memma manna rehbokkollo nammajjirrakkanna. ¹⁷ Molka, jannek mangngo to kabbiwyanna ANGGUR bayyo neddallo lakkallek kallitto kabborrangngo. Bahhekkanna, nakkallek kallitto namma jir rakka, monno ANGGURNYA nabbownengngo, mokkallek kallitto manynyawto. Tabbollo iddokka, he iyo dabbojjolloyya na ANGGUR kabbangngo nellakkalek kallitto kabbadommolngo tannam hekkaddungngo kanna dohhakkiy. " Anna Nahha Koddey Monno Hattoggahhad ¹⁸ Nebba tongronna na Anna Nahha banna tokkiy hettangngadda labbarradda, ittekya, nahhawwu kahha rehha umma dokkawojjo nemmen bannama manna Kawwojjonan, mahhattokna, " Anna mawwinneg ubmatte nehhingna. Tabbollo, nemmegma monno bojjollayya Nallimmam labbarranna, manne iyo kanna morho." ¹⁹ Ma mokka, na Anna Nahha koddenan manna dokkun nenna to, heddommonan he Annahakkoddo Annahallollenna. ²⁰ Ma, ittey, nahhawwu mawwinne mayyilla bowwongngo kabbuldu donna naddohhekkayya na Anna Nahha wallakka beddo monna jojjayya na lobbo Borna, ²¹ orrongngo nenna mawwinne hattokna labbarra pollatto dagna, " ney ya bag jojja nehhing kannan nabborna, yag togga hawwa. " ²² Tabbollo iddokka, Anna Nahha potterranan manna kaddurrayya nenna mawwinne, mahhatokna, " haddiddarrayya na attem, hey Annag, hattennam ikkahhatoggahhag. " Nommemma, toggahha nammawwinne. ²³ Manne bannaduk, na Anna Nahha la umma KEPALA nenna umma dokkawwojjo manna ittey hekkattagngo pikko SERULING mallaggebbor natto iyo orronna nakka wihhakka, ²⁴ Ne Iyo hattokna labbarradda hetto, " Hallakkom, orrongngo nenna lakkedda mawwinne janna matte, tabbollo majjur hennan." Mahhe, iyo maktoddan na Anna Nahha. ²⁵ Tabbollo, nebbat tongrodda hetto dangnga badda pojjayka nehhawwuggay lohhongngo, na Anna Nahha tammanan manna kette nallim manna nenna lakkedda, mannenna lakkedda mawwinne dommol nakkodde. ²⁶ Yinnali namma tallarra nellattang kohhanna nollakka lingngorra. Anna Nahha Nahha Toggahhad Heddu To Morro ²⁷ Mahhaleggeyakka na Anna Nahha hallakkonan yellangngo wal nonno, heddu to morro ne Iyo daddokkun halleggedad madda haddu dukka wullo, " Mannawwarra kiggamma yamma, Annay Daud. " ²⁸ Mappojjakka ne Iyo banna tamman nenna umma, heddu tommorro nemmed badda Mallabbarranna maddakappat tangngo labbarradda, " Manneyyom hattennak manney Ya bag rayyid yittutna?" Mahheppa tokda Labbarranna, " Ngo Morri! " ²⁹ Mahhaleggeyakka, na Anna Nahha nahha jammey hemmattadda, Hattokna, " Naddadka labbarram dokkun nahha tennam. " ³⁰ Madda, mabbuggerray hemmattadda. Anna Nahha nahhattep pijjangngo banna ha apped, " Hammattarrakin, abnek kangngo hawwu akto yikkattajjayya. " ³¹ Tabbollo iddokka, he iyo lohhoddad moddatallarran nalliyyo nettutna na Anna Nahha nellattang kohhanna nakka lingngorra. Anna Nahha Hattoggahhad Tokkabbongnga ³² Pojjakka hekkaddungngo to dallohhongngo, ittekiy, hetto marrongngaddan nahhawwu tokkabbongnga nehhattammadda mortanna nella arro Anna Nahha. ³³ Mappojjakka nennamortanna bawwuggayya, nenna tokkabbongnga dommol nahhanewwe. Hetto dangnga dahhaddu-dubbangngarra mahhattokda, " Yikka hennengngo jannek mahhongngo ha itte nella Israel." ³⁴ Tabbollo iddokka, hetto kawwohhokka hattokda, " ne Iyo mannawwuggay hemmortanna kappa rehha mortanna." Dangngay Hakkolle Hoddik Karray Ulla ³⁵ Manna, Anna Nahha hallakkonnan nahhiy tangkoh hadda harronna bokkolla mo annakallibbo hanynyong ngangngo hannuwwad hella umma dokka wojjodda iyo, monno tallarran Nallihhanuwwa Kallingngorra Preha, mowwalka nahhattoggahhad hettangnga ngangarra kallawwarra monno hoddu. ³⁶ Manna Anna Nahha banna ittey hetto dangnga, ne Iyo MERASA KASIHAN nellabbarradda orro he iyo baddajjol mojja urhoy kahhamerradad hebbebbe jahhawjawwa. ³⁷ Mahhaleggeyakka nehhattokna labbarradda he Annahakkoddo Annahallollenna, " Heppijjanan, hakkolle dangngay, tabbollo hekka rayulla hoddik." ³⁸ Mannenne, karrew nellabarranna Mor ikkammang hakkollengngo, nettut hangngodngo karray ulla neddallo Hakkollenna."