Anna Nahha Hattoggahhan Natto Kallawwarra Kattob ¹ Manne bannabur na Anna Nahha walnella lettenna, laggebborra toddangnga Dakdan. ² Ma, ittekya, hawwu tokkallawwarra kattob mannan Nellabbarranna, manna kawwojjo nella Arronna, mahhatokna, " Ha Amma, Neyyo Bamwawwakka, Yomdad bamhattoggahhagga." ³ Ma, Anna Nahha nahhanyokkattad Limmanna manna hajjammeyya, Hattokna, " Yag wawwawwa, toggahhaw." Walnomemma, dahhattoggahhan nenna tokkattob. ⁴ Ma, Anna Nahha hattokna labbarranna, " Hammattarranla, abbum tallarrakkan appa appangngo labbarra garrakkan, tabbollo hallakkow, pattingngowum nella labbarradda IMAM, monno wokkiw marrakka neppahha rehhannay Musa nekkam tok waddan. " Hawwunatto PELAYAN PERWIRA Romawi Dahhatoggahhan ⁵ Mabba tongronna na Anna Nahha banna tamma nella Kapernaum, hawwunna PERWIRA mannan Labbarranna, mannakkawwojjo Labbarranna, ⁶ mahhattokna, " Ha Amma, tolla ummag tongronna kallawwarra kadduddu nella umma, namma yillahijja." ⁷ Ma Anna Nahha hattokna labbarranna, " Yag mannewwa mokkag hattoggahhan iyo." ⁸ Tabbollo iddokka, nenna PERWIRA ballehhanan mohhattokna, " Ha Amma, yajakrokka nekmangngo nettuttum Yoyyo tamma newwawwa larabbog, tabbollo toknek hawwun hannewwenekkak mannenna tolla ummag nattoggahha. ⁹ Orrongngo, ya allal batto kannengngo dallo la anna preha, newwad he TENTARA-TENTARA lakkab prehag. Manne, yayyo hattokkig nellabbarranna nahhawwuyyo, ' Hallakkowka, ' ne iddommol hallakkonnan, monnellabbarradda hawwaddekka, ' Mamkanemme, ' manne iddommol manna mayyo, mannellabbarranna anna la ummag, ' yikkam rayyin, ' manne iddommol narrayyin. " ¹⁰ Mannenna Anna Nahha banna rongngoyya nenne, ne Iyo nak KAGUM mahhattokna nellabbarradda hetto Kaddokkun, " Yag tokya kahheppijjangngo labbarram, Yajag tobbokkak mahhowwa hattenna kahhengngo yibbokkollanna nollajjongngadda to Israel. ¹¹ Yag tokya labbarram yoyyo nebbaddangngay tokka nemmengngo walla loddo huddo monno loddo mammallo, madda ngoddo muddongngad hey Abraham, Ishak, monnoy Yakub neddallo Lapparehha Hoylo, ¹² tabbollo hellakkedda kappareha dallettoned neddallo lakka pogto kahhodda kappogto. Nohhabbal nennekkaddon nammayilla monno hoddu." ¹³ Ma, Anna Nahha hattokna nellabbarranna nenna PERWIRA, " Hallakkowkla, hallokkon kannadad labbarram yo kahhengngo neppahha tennam. " Manne, mannememma, anna la ummanna hattoggahhan. Yerra Mawwinnennay Petrus monno Toddangnga Dahhatoggahhan ¹⁴ Mannebbannaduk na Anna Nahha la ummay Petrus, na Itteyyanna yerra mawwinnennay Petrus tongro majjur bellenan mokkallikkanan. ¹⁵ Mamokka, Anna Nahha nahha jammeyya nennamawwine manna kallikkanna mollahha. Mahhaleggeyyakka, nakkodde monna MELAYANI Anna Nahha. Mabbanna arrongka huddo, he iyo dammarrongngad Nellabbarranna toddangnga hattammanna wad jappatta, manne Iyo nawwuggay hewwad jappatta nehhawwu hattok, mohhattoggahhad hettangngadda tokkallawwarra, ¹⁷ tannam kanna bonngokka appan hattokna ney annawit annalimmannay Yesaya: " Iddokka nekkajekkey hedduk dobbodda ittangngo mokkattaggud hekka porredda ittangngo. " Yesaya 53:4 Neddadna Annahakkoddo annahallollenna Anna Nahha Nebbahenna, Anna Nahha nebbanna ittey hetto dangnga nella Barranna, ne Iyo nawwopreha nettutna hallakko lahhabbal at. ¹⁹ Mahhaleggeyakka, nahhawwu toppewwe Ukpatta nemmenmayyo mahhattokna Labbarranna, " GURU, yag dokneg langka laggekka neyyo eddo HalLakkom." ²⁰ Manna Anna Nahha hattokna labbarranna, " He RUBAH nennengngo lingngo mahhekka wurngo nella langto nedhodda. Tabbollo, Anna Kaddad To jannekmangngo haddonnna eddo bojjollanan nakka Tokna. " Nahhawwu walhe anna hakkoddo annahallollenna hattokna Labbarranna, " Mor, hallokkotokga yayyo kag hallakko behhallakwa tannon nabbappag. " ²² Tabbollo, Anna Nahha hattokna labbarranna, " Dokka Ya, mojjekka moddakka tokkammatte kaddattannud kadka tanud tokkammatte. " Anna Nahha Hakkaddonnan Nakkapotte Mannenne, Anna Nahha ponnenan nellattenna, he Annahakkoddo Annahallollenna neddokdan Iyo. Ma, ittekiyya, koddenan nakkapotte bokkolla nellahhobba maddukkin nattenna nammatton kawwullo. Tabbollo iddokka, Anna Nahha majjurnan. ²⁵ Mahhe annahakkoddo annahallollenna nemmed baddama dukkin na Anna Nahha moddahha Koddeyya, hattokda, " Mori, kekkettakimma yamma! Ittangngo arrodanka matte!" ^{27 26} Manne, Iyo hattokna labbarradda, " Abba mamkabboh, hey yomjakka hattenna piyyo?" Hallegge, ne Iyo deddenan manna kayyakkan narrerrehha monnenna hobba, mannakkaddonna hingngo. Mamokka, hettoyyo dahhaddu dubbangngarra mahhattokda, " To appalayya yi Iyo, nenna rerrehhawwal monno hobba dommo Daddoknen?" Dutto Gadara Ponnedad Wadjappatta Kolle bannadduk na Anna Nahha lahhabbal hobba, lakka lingngorra to Gadara, dut toyyo happonnedda wadjappatta da Tobbokkayya. He iyo lohhoddad wallaratte DENGAN SANGAT GANAS majja nehhingmangngo tokkallin nenna larra. ²⁹ Ma, itteyya, he iyo dakkawwullo, hattokda, " Appanen kattonna Neyyo monno yamma, hey Anna Mangngaklang? Manneyyo Bammayyo kaghammayillay he iyo bajja dukponnarrah?" Ma, dikkoro hoddikngo walhella iyo nenned ihhakallibbo dangnga way kattongrongngo mayyeggangngo hammudda. ³¹ He mortanna karreddad Labbarranna mahhattokda, '' manne Yoyyo bamwawwakka wuggamma yamma, hawweddekimma yamma kammadik neddallo lakka lingngorra way. " ³² Ma, Anna Nahha hattokna labbarradda, " Hallakkomka!" Ma, mokka, he iyo lohhodadka monno tammadad neddallo lawway. Mahhaleggeyakka, tangngadda hekka libboway dommol lejkodad wal nella hubhobba madda matte neddallo law weyyo. ³³ Hetto kajjawway hekkalibbo way palla laddagdad modda tamma neddallo lahha ronna, moddaddulkoyya tangkoh hanna, olledommolna appan kaddad hettutkadda hetto papponnedda mortanna. ³⁴ Ma, itte kiyya, tangnganna harronna lohhongngo nettutna kattobbokkayya na Anna Nahha. Badda itte yakka na Anna Nahha, he iyo Dakkareyya kanna yellan nonnakkalingngorradda.