¹ Atna loddo ho, deddo nanniy Yohanes tagpa Ihho, tallarra nan nellamma rodda gilro Yudea. ² Manne hattokna, "Jorra kim orrongngo KERAJAAN Hoyla naddohhe mowwakka." ³ Orronngo, iddokka neppa tokna nay anna wit anna limmannay Yesaya nehhattokkanna, "Linna hawwu to kawwu-wungngo lamma rodda gilro, 'Hammadkiyya nallar tut Mor, haddohha kiyya nal Larranna kanna lurho.'''Yesaya 40:3 ⁴ May, Yohanes dag nawwang kalleb benna walla wul unta monno kal lorro bogge kallitto nella bogge kanna. Mahha munna hekkap puddu monno kannenna kaddaw. ⁵ Mannenne, hetto Yerusalem maddad labbar ranna, mottang kohhadda Yudea, mottang kohhadda nol lakkalling ngorra Yordan. ⁶ Manna, pa ihhoy ney Yohanes nellla Yordan, madda tokki-tokiy heddok jalladda iyo. ⁷ Mannenne, tongronna Yohanes itte dangngay to kawwohhokka monno SADUKI maddad lappa ihhonna, mahha tokna labbar radda he iyyo, "Yom, nuhweika naggim nakka bokko hattojjakka, garran kahha appe gimyom tutngo pla walla MURKA nemme la arro? ⁸ Mannenne, mangwukkim ne wuyyo nek kahha merrak DENGAN PERTOBATAN, ⁹ abbum hangngaddan tut hattok lap polla to daggum, 'Yamma mang Abraham, bappadda he nuh wai kamma yamma,' orrongngo yaggu tokgun labbarram wal hilla wat Mangngak Lang daddukkid banna hakkoddey he annanna nettuttuy Abraham! ¹⁰ Malloddonna, bahhenna, kattakka nebbojjo layya nellakka larto pungnge yay, mahhe tangngadda pungnge yay jakka mangwunna kaddohha dappog goyya modda lettod dallo la ap. ¹¹ Yakka heppijjangngo nappa ihhomyom waggim weyyo nettut PERTOBATAN, tabbollo ne Iyo kannem mengngo lahhabbal yayyo narrehpo walla yayyo, Hekkoppa Wit dommol kanna yayyo jagrokka nekmangngo bagngodnad. Ne Iyo nahha ihhom yomwaggim Wadkat Tengngo monno ap dommo. ¹² Narrojjo nenla Limmanna, Manne Iyo nahha murrahhan haddo PENGIRIKAN-NYA manna kohhaney hekkammog gehha neddallo la leppetta. Tabbollo, ne Iyo nattunnuy he SEKAMNYA wad ap jakka dad bappoddayya." Anna Nahha Nappa Ihhoyyay Yohanes Tagpa Ihho ¹³ Mahhaleggeyya, Anna Nahha nemmenan mayyo walla Galilea loppo la Yordan arronan nellay Yohanes tutnan kanna paihhoyyay ney Yohanes. Tabbolloy, Yohanes Nahhaggan mahhattokna, "Yannehho pahha ihho walla Yoyyo, tabbollo Yonnewal kammayyo labbarrag?" ¹⁵ Ma mokka, na Anna Nahha nabballehha mohha tokna labbarranna, "Nebbahenna, hallokkon orrongngo hemmemma honnakka kaddad labbarradda ittangngo kanna tut hawwonnangngo tangnganna kattenna."May, Yohanes dommol nahha lokkonka ne Iyo. ¹⁶ Banna pojjakka bappa ihhoyya, Anna Nahha hawwing nanka lohhongngo walla weyyo, ma itteyya, Hoyla mabbuggerranan manne Iyo na itte yanna Wad Mangngak Lang kabbur nahhamerra kawwurngo MERPATI mannan Nellabbar ranna. ¹⁷ Marrongngoyya nalliyyo walla Hoyla nehhattokna, "Ik ka Yinna Annag Hamma Nawwarrag, Labbarrannakka ney Yay eddo Engngak."