¹ Atnarah kallongngangngo, Herodes, ngorratto nollakka lingngorra, rongngonne liyyo nettutna Anna Nahha. ² Manne iyo hattokna labbarradda annahakkod annahallolle," Yi Iddokka Yohanes Tagpaihho. Ne Iyo nakkodde mowwakka wallajjongnga tokkammatte ma orro iddokya hettad-tadko darray ulla Nellajjongnganna." PERISTIWA Mattenna Yohanes Tagpaihho ³ Orrongngoy, Herodes nawwoppa mowwayakka ney Yohanes, nappingngon, manna leggayya nellaggol orrongngoy Herodias, arrawennay Filipus, angwunnay Herodes. ⁴ Orrongngoy Yohanes nengngo banna tokya labbarranna, " Janna tennanekma nattuttum yo bamjekkeyya daggun nay Herodias. " ⁵ Mallangbakkay Herodes nakkab atten hammatteyyay Yohanes, ne iyo nakkabohhid hetto dangnga orrongngo he iyo badda kajjorrokka Yohanes nebba annawit annalimmanan. ⁶ Tabbollo iddokka, mabba arron nalloddo rahdadnay Herodes baddukkin, annamawwinnennay Herodias nyeggonnan nella arrodda he iyo, manna dohha na attennay Herodes, ⁷ maddukkin ne iyo banna harro nettut woyyo langba appakan nehhakka renna nenna lakkedda mawwinne. ⁸ Mahhaleggeyakka, banna dohherranka na inynyanna, nallakedda mawwinne hattokna," Woggan labbarrag nebba henna, kattokney Yohanes Tagpaihho nellappon tobbo." ⁹ Magbakka na ngorratto nallojja, orro nenna harronna mohhetto ka ollenmuyyo, ne iddommokka nahharehhay tannam nehhattok kawwonnan. ¹⁰ Ne iyo hawweddey roppoyya nakkattokney Yohanes neddallo laggol. ¹¹ Mannenna kattoknay Yohanes dangngodya lappon tobbo, madda wonnan nennallakkedda mawwinne mannangod yalla inynyanna. ¹² Mahhaleggeyyakka, he annahakkod annahallollennay Yohanes hemmed badda mayyo, dajjekkennan nakka roggonna, madda tannon. Mappojjakka, he iyo hallakko dadka yellangngo madda haddukkin la Anna Nahha. Limma Kabbabba Moddubbu Iyya Hettutda Limma Ratta To ¹³ Anna Nahha banna rongngo yakka tutnane, Ne Iyo pahhilwunna walnohhabbal wangngo tenna, lahhaddo kahhikko mehhakinna. Mahhetto badda rongngoyya nettutna, he iyo Daddokkun dawwangngo hallakko tanna la ihha harronna ihha harronna. ¹⁴ Anna Nahha banna lohhongngo, Na ittey kappongdatto dangnga, manna BERBELAS KASIHAN nella barradda, mahhattoggahhad hekkalawwarradda. ¹⁵ Maddukkinka arrongngo huddo, he annahakkoddo annahallolle hemmed badda mannella barranna Anna Nahha mohhattokda," Hennahaddo kahhikkongngo monna loddo arronnanka huddongngo. Hawweddeyka hetto dangnga yellangngo kadda hallakko atlahha ronna harronna mokkaddakah hammudda nettut dagda." ¹⁶ Tabbollo iddokka, Anna Nahha hattokna labbarradda," He iyo ahha wakhongngo hallakko. Yom, wodhe iyo hammudda." ¹⁷ He iyo hattokda Labbarranna, " Henna bahhenna ittangngo jannek mangngo ahha-ahhangngo, hellengngo he limma kabbabba moddubbu iyya," ¹⁸ Manne Iyo hattokna, "Ngoddiyhemme, Labbarrag." ¹⁹ Mahhaleggeyakka, ne Iyo hawweddennad hetto dangnga ngoddo lappon rubba, manne Iyo jekkeynad he limma kabbabba mohheddubbu iyya, mamokka manna tang ngarra nella langto, ne Iyo MENGUCAP SYUKUR manna kippu-kippuy hekkabbabba. Mappojjakka nonno, ne Iyo mannawwoy hella Annahakkoddo annahallolle, mahhe Annahakkoddo Annahallolle bawwed hetto dangnga. ²⁰ Mahhe, iyo tangkohhadda dammuyyo moddabbohne. Molka, he iyo dawwarro-warroy hekka didipkongngo karreh, ned kabbuldu habburra bonngo. ²¹ Mahhe, iyo kammuyyo netadkattut limma ratta kabban, janna tammakmahhoy mawwinne monnallakkedda. Anna Nahha Hallakkonnan Lapponwe ²² Anna Nahha naddohherrad he Annahakkoddo Annahallollenna tamma nella tenna hallakkod ne Ullun nellahhabbal mahhaleggeyya ne Iyo hawweddenad hetto dangnga kadda hallakkobbal. ²³ Mappojjakka, na Anna Nahha banna hawweddey hetto dangnga hallakkobbal, ne Iyo ponnennan neddetta lappon lettenna mehhanna monnakkawwojjo. Ma banna arrokka huddo, ne Iyo mehhanna nohhabbal. ²⁴ Tabbollo iddokka, nennattenna namma rongka walnella tanna yarra, hannut nemmennanka kawwullo orrongngo banna gobbannen narrerrehha. ²⁵ Ma arrongka nekkukman marroyyo, ne Iyo nemmenka nellabbarradda, hallakko nellapponwe. ²⁶ Mahhe Annahakkoddo Annahallolle badda Itteyyakka banna hallakko lapponwe, he iyo dakkabboh mayyiktongngo, mohhattokda," Nekkalla Nammarrap!" Ma mokka he iyo wuwudda badda kawwullo orro baddakabboh. ²⁷ Tabbollo iddokka, Anna Nahha hawwingna hannewwe nella barradda, Hattokna," Hakkulhoyya na attemyo! Yakkaddo Yi, abbum kabbohka." ²⁸ May, Petrus hattokna Nellabbarranna, " Morri, bayyokka at, hawweddekwa yakkag mawwa labbarram nellapponwe." ²⁹ Anna Nahha hattokna, Makkanemme!" Mammokkay, Petrus lohhonnan wallattenna, monna hallakko lapponwe, monnahhallakko nellabbarra Anna Nahha. ³⁰ Tabbollo iddokka, banna ittey yakka narrerrehha, ne iyyo kabbohnan mahhaleggeyanna bullo. Ne Iyo kawwullonan, "Morri, kekkettakwa ya!" ³¹ Anna Nahha hawwingnan dollorranan Nallimmanna, kettenniy Petrus, mohhattokna, "Yom jakka hat tenna piyyo, abbayyom mammommom?" ³² Mahhe badda tammakka neddallo lattenna, narrerrehha dommo nangngah. ³³ Mahhaleggeyyakka, he iyo kannengngo neddallo lattenna dakkawwojjo nella Anna Nahha mohhattokda, "Kahhepijjangngo, Yonne anna Mangngaklang!" Anna Nahha Hattoggahhad hettokalLawwarra ³⁴ Mappojjakka happalla, he iyo dukdadka nellattanna Genesaret. ³⁵ Mahhetto nollahhaddo nonno badda Tajjayya, he iyo dahhaddukkin nella tangngadda nollakkalingngorra madda marrongngad tangkohhadda hetto kallawwarra nella barranna Anna Nahha. ³⁶ He iyo dawwoddahhayya nella barranna Anna Nahha tannam kannaddad jojjayya nallay Borna mattangngadda hetto kajjojjayya madda toggahha.