¹ Atna loddo kallongngangngo, Anna Nahha lohhonnan newwalla umma monnangoddo lahhup hobba. ² Mahhetto dangnga makkohhadad Labbarranna. Manne iknanka, ne Iyo ponnenan nellattenna monnangoddo, mahhe tangkoh hadda hetto dangnga deddedad nella huphobba. Manne, Iyo nattok nekkadangngalla hella iyo neddallo littujja, Hattokna, " Nen nahhawwutto taghobbarra hallakkonnan nettut hobbarrangngo, ⁴ manne iyo battongronna hobbarrangngo, hawwaddekka winni kannaddad lahhinglarra, hekka wurngo nemmed badda mayyo moddamud kohha banna dukkangngo. ⁵ Hewwin hawwaddekka kannakdad lahhaddo kammangwatna, jakkamang tanna dangnganna, mommallewwarra buklo orrongngo jakkamang tanna kidna. ⁶ Tabbollo iddokka, mappojjakka nammattaloddo hudda, hehhawokka tayka bannahha. Ma, orro bajjammang kallartodda, hehhawokka madda marrokkottakka. ⁷ Hewwin hawwaddekka kannad nella jongnga tarra, molla tarra bannahha dabbuklo, modda MENGIMPITNYA. ⁸ Tabbollo, hewwin hawwaddekka kannad nella tanna kaddohha mamangwudda, nedkangngah doddengngo, nedkannommobul doddengngo, manned kattol kabbul doddengngo. ⁹ Garran kammang kattilna, hallokkon kanna rongngo." Anna Nahha Hannuwwannan Wangngo Littujja ¹⁰ Mahhe, annahakkoddo annahallollenna Anna Nahha nemmed badda mayyo modda kappattan nellabbarranna, " Abbanne Yo mamhannewwew nellabbarradda nella littujja?" ¹¹ Anna Nahha manna ballehhay, "Labbarram SUDAH DIKARUNIAKAN nettut tajjay na RAHASIA Kallingngorraprehha Nellahhoylo, tabbollo nella barradda iyo jadda DIKARUNIAKAN. ¹² Orrongngo, hetto kammangngo, nellabbarranna dawwonnen manne iyo nakkollengngo kanynyurbokkolla. Tabbollo, garran jakka mangngo, moddommol appan nehhammangna dajjekke dommolnad wallabbarranna. ¹³ Orro iddokka, yag hannewwewwa nellabbarradda he iyo neddallola littujja orrongngo nebbadda itte, he iyo jadda ittekma, mannebbanna rongngo, he iyo jadda rongngokma, molka jadda tajjakmayya. ¹⁴ Nettutda he iyo, nattennakka NUBUAT Yesaya kawwenna, 'Wangkattil yomrongngom, tabbollo janna dadne bamtajjayya. Manne, wangngo pahhorrangngo, yomittenne, tabbollo janna dadma kollen lappahhangadda.' ¹⁵ Orro attedda hitoyyo damma kebbellakka, hekkattilda iyo dammaya nerrongngo, mahhe iyo dadtonniy hemmat tadda. Bajja hekkanna, mahhe iyo dadadne badda, daitte wangngo nemmattadda darrongngo wadhekkattilda, modda tajjayya wad attedda, mokka dakkabbal nella Barrag modda hattoggahhan.'Yesaya 6:9-10 ¹⁶ Tabbollo iddokka, nammarringngo nammattam orro baitte mokkattillum orro baddarongngo. ¹⁷ Yagtokya kahhe pijjangngo labbarram maddangngay annahawwedde mottokkattenna kakkab attengngo itteyya appan nehha ittem, tabbollo jam ittekmayya, mokkab attengngo rongngo appan neyyom harrongngom, tabbollo jamrongngok mayya." Tokpahhiwron Nettutna Littujja Kahhobbarrangngo ¹⁸ "Ma orro iddokka, nerrongngoyanna gonna littujja nettut kattaghobbarrangngo. ¹⁹ Mahhetto badda rongngoyya nalliyyo wallakka lingngorraprehha mojjadda tajjaj mahhoyya, nekka bokkalla nemmen banna mayyo manna karrammad appad hekkanne mowwangngo neddallo la attedda. Iddokka hittoyyo hewwinna kamma hobbarra nellahhing larra. ²⁰ Manned hekkamma hobbarra nellahhaddo kammangwatna, yi iddokka natto karrongngo yanna linna mannahhawwingngo banna hibbayya wan egge atte ditta kokko, ²¹ tabbollo ne iyo jammang kallartokmanna dallo lappollatonna mojjanna maddememmakma. Ma, KETIKA PENINDASAN molka PENGANIAYAAN bannadad orrongngo nallinna, ne iyo hawwingnan boppa. ²² Mahhewwin kannak nella jongnga tarra mahhetto karrongngoyya yanna linna, mahhaleggeyakka oddo alle nappontanna mokkappogto matta happotte mannaddohherran nennallinna tannam kaabmang wunna. ²³ Tabbollo, hetto winda kammahobbarra nella tanna kaddohha, yi iddokka natto karrongngoyanna linna mokka tajjayya. Iddokka kahhaddu-haddu mangwunna, mokka manggonna, nedkangngah doddengngo, hawwaddekkawal nommokkabbul, mohhawwaddekkawal tolkabbul." Littujja netut Rubba Awwa Mokkammoggehha Anna Nahha toknan nallittujja hawwaddekka nellabbarradda,Hattokna, " nenna Nakkalingngorraprehha Nellahhoylo naddadne badda hattujjakkan kahhamerra natto kahhobbarrad winna kaddohha nella mangngonna. ²⁵ Tabbollo iddokka, manne battongrodda hetto majjur, hemmuhna hemmed baddama madda hobbarrad kallungnga ngengngo nolla jongnga kammoggehha, madda yellangka. ²⁶ Mahhehawwokkadda bonratte monna luyka, mahhaleggeyakka nenna ngengngo itte dommoyya. ²⁷ Mahhellakkedda la ummanna wal nella mormangngo nemmen banna mayyo manna kappat tangngo labbarranna, Morri, manne yoyyo jam hobbarrakmangngo winkaddohha nella mangngomyo? Mowwalka, geddo walda nebbadda mahengngengngo?' ²⁸ Manne hattokna nellabbarradda he iyo,' Hawwu nammuh narraymowwanka.' Mahhe lakkedda la umma hattokda nellabbarranna, 'Manneyyom wawwadduw neyyamma bamma yellangngo mommakohhay?' ²⁹ Tabbollo iddokka, nennammor hattokna, 'abngo! Orrongngo, manneyyom bamkohhay hekka lungnga ngengngo, engngadad dommolnayyom bambat haolled hekkammoggehha. ³⁰ Hallokkod hekkaddungngo dabbuklo hammerra kohha bammangut. Maddukkin narrah mangngut, yagtokneyya nella barradda hekka taghobbarrangngo, " ne ulna, kohhay hekkallungnga ngengngo mampingngod dallo lakka ngojjokka tannam nekka tunnuy. Tabbollo, kohhaney kammoggehha neddallo lapleppettag.''''' Kallingngorrapreha Mangngaklang Nahhamerranne nawwatda he SESAWI monno RAGI ³¹ Mahhaleggeyakka Anna Nahha naddulkoyya nallittujja hawwaddekka nellabbarradda, Hattokna, " Nakkallingngorraprehha Nellahhoylo nahhamerranne nawwat SESAWI neppajekkedda hetto madda hobbarrad nellammangngodda. ³² Nennawwat kahhodda morrahhayya walhe tangnga tangngaddawin, tabbollo nebba tongrodda buklo, ne iyo narrehbokkolla walhe tangngadda rowwe, nelloddonna nadduk bannadad pungngeyay maddukkangngo hekka wurngo hella langto nemmed baddama modda rayngo hodda nellakka hangnga-hangngadda." ³³ Mahhaleggeyakka Anna Nahha naddulkoyya nahhawwu littujja hawwaddekka nella barradda, " Kallingngorraprehha Nellahhoylo kahhamerrayanna ragi, nehhangaddanna nennahhawwu mawwinne nejjekkeyya mohhattamman neddallo lakkawirrokammob TEPUNG TERIGU neddangngadda tolbu SUKAT kohha tangkohhanna nennakka wirro hakkerrongngo RAGI. ³⁴ Tangkohhadda heyyo Anna Nahha hattokna nella toddangnga dallo lalittujja-littujja, manne Iyo janna hannewwenekma labbarradda he iyo bajjannawangngo nellittujja. ³⁵ Manne iknanka, kanna tennakka appan pahhaddukda leddennay annawit annalimma, " Yag buggerran nawwobbag neddallo lallittujja-littujja, Yag tokkay he appad kabbuny wal nappontanna barrayyin. " Mazmur 78:2 Littujja tutda Herrubba Awwa Lammangngo ³⁶ Mahhaleggeyakka, Anna Nahha na ujjakkad hetto dangnga mokka manna tamma neddallo la umma. Mahhe Annahakkoddo Annahallolle nemmed badda Mallabbarranna mohhattokda," Tokholla gamman nellabbarramma yamma littujja nettutda hengngengngo lammangngo." ³⁷ Manne Ballehhanna, " Tokka hobbarrangngowin kaddohha manne Anna Kaddad To, ³⁸ mannenna mangngo iddokka yinna pontanna. Hewwin kaddohha iddokka he lakkedda Kallingngorraprehha, mahhe ngengngo iddokka hellakkedda bokkalla, ³⁹ mohhemmuh kahhobbarrad iddokka hekkabbokko mahherah mangngutda iddokka nenna lobbo rah, mahhe tagmangngut iddokka he annahawwedde. ⁴⁰ Mannenne, nahhamerranne kahhengngo ngengngo nehha kohhadda madda tunnuy nella ap, kahhedommolnan nemme kaddad nemme laddikna narrah. ⁴¹ Anna Kaddad To nahhaweddeney he Annahawweddenna, mahhe iyo dakkohhay tangkohhadda hewwatwidda molka hetto karrayngo bokkalla walnella Kallingngorraprehhanna, ⁴² modda lettoned neddallo lattulro ap. Nella haddononno nennengngo mayyilla monno mallarra. ⁴³ Mahhaleggeyakka, hetto kattenna dammagakkahha kahhengngo mattalloddo neddallo Lakkalingngorra Prehhanna Bappanna. Garran kammang kattilna, magbanna rongngokka." Kallingngorra Prehha Nellahoylo Hammerranne Happotte Kabbuny monno MUTIARA "Kallingngorra Prehha Lahhoylo kahhenneyya happotte kabbuny nellammangngo, nehhattobbokkadda toyyo, madda kabbuny piwwallid. Ma, orro SUKACITA, manna yellangngo, manna mallajjad tangkohhadda heppa dagna, manna kahya nenna mangngo. ⁴⁵ Haddakka piddo, Kallingngorra Prehha Lahhoylo nekkahha merraneyya nahhawwu natto puplele kammayeggangngo MUTIARA kammarer. ⁴⁶ Manne iyo banna tobbokkayya nahhawwu namMUTIARA kammadetta wolna, ne iyo hallakkonnan manna mallajjakohhad heppa dagna, molka mannakahya nenna MUTIARA." Kallingngorra Prehha Lahhoylo Kahhamerra Najjalla Kabbonngo Iyya ⁴⁷ " Kahhedommolnanka, Kallingngorra Prehha Lahhoylo nahhamerranne najjalla nehhawwew neddallo lawwebbon, monna kohhay tangnga ngarra iyya. ⁴⁸ Mannenna jalla banna bonngo, mahhe iyyo dawwerrakkan nellahhing kahhudda modda ngoddo, molka dakkohhay he iyyadda kaddohha neddallo lakkawukkatta bokkolla, tabbollo dallettod jakka dohha. ⁴⁹ Mannenne, iddokka nemme kaddad nella lobbo rah. He annahawwedde dallohhongngo modda hallihekkad kabbokkalla walhetto kabbokkalla, ⁵⁰ madda weglod hetto bokkalla neddallo lattulro ap. Nellahhaddo nonno nemmen nammayilla monno mallarra. ⁵¹ Pojjaddokkanoyyom bamtajjayya hettangkoh hadda hi?" Mahhe ihhattokda Labbarranna, " Ngo " ⁵² Ma, Anna Nahha hattokna labbarradda, " Manne orronna, mahhe ihha-ihha Toppewwe Ukpatta kaddad mowwakka annahakkoddo annahallolle Lakkalingngorra Hoylo, ne iyo nahhammerranne nammor umma kahhalohho happottenna kabbangngo mokka maddeyyo wal hellahhappottenna." Anna Nahha Dattullarran Nellahharonna Haddowwalna ⁵³ Mannenna Anna Nahha banna pojjayka hellittujja-littujja, Ne Iyo yellanan wal nohhabbal. ⁵⁴ Manne Iyo bannaduk nellahharonna Haddowwalna, Ne Iyo hannuwwanan nella umma dokkawojjodda madddukkin he iyyo badda bangngarra mohhattokda, " Geddo walna Yinnatto banna kollen nappewwe teppijja mohhi tad-tadko? ⁵⁵ Manne Iyo ja annakaknan nennahhawwutto TUKANG Yay? Mannenna Inynyanna ney Maria hawwelkangngo, mohhe olle Benna hey Yakobus, Yusuf, Simon, moy Yudas? ⁵⁶ Mahhe olle Benna nekkammawwinnengngo nenned nella jongngadda ittangngo? Malloddonna, geddo walna yinnatto banna kolled hittangngadda?" ⁵⁷ Mahhe, iyo dabban dongngan ne Orronna. Tabbollo, Anna Nahha hattokna nellabbarradda, " Nahhawwu annahallairna majjahha akka nekmadanni, hellen nehhaddo walna monnella umma dagna." ⁵⁸ Manne, Iyo janna rayyikmangngo dangnga tadko nohhabbal orrongngo jahha tennadda he iyo.