¹ Mahhaleggeyakka na Anna Nahha banna pojjakka hawwo preha nellabbarradda hekkabbul dungngo Annahakkoddo Annahallolle, ne Iyo yellanan wal nohhabbal nettut hannuwwangngo monno toktallarran nellahha ronna-harronna hakkarngodda. Anna Nahha moy Yohanes Tag Paihho ² Mannebba henna, nebba tongronnay Yohanes, bannen neddallo laggol, narrongngoy heppa ray ullanna Anna Nahha, ne iyo hangngodna liyyo ledded he annahakkoddo annahallollenna, ³ manna kappattangngo Labbarranna, " Yoddokka nemme kammayyo, molka bamma remma kahhongngo hawwaddekka?" ⁴ Anna Nahha nabballehha mohhattokna labbarradda he iyo, " Hallakkom mokkamtoknan nella barray Yohanes appan neyyom harrongngom mohha ittem, ⁵ kammorro itte, kabbekko hallakko, kallawwarra karra ban nahhattoggahhan, kattil narrongngo, kammatte nammorho, mahhekkammilla dattallarran Nallinna. ⁶ Ma, hamma ringkid hetto jakka widda Nettuttug." ⁷ Mappojjakka he iyo badda hallakko, Anna Nahha hallegge nanhannewwe nella to dangnga tutnay Yohanes," Appan nehhakkab attem itte nellammarrodda gilro? Hagga newwul nehhakkeddodda rerrehha? ⁸ Yom hallakko nettut appan ha itte? Hawwunatto kawwangngo kallebbe dohha? He iyo kawwangngo kallebbe dohha eddoned nella katto-kattorra ngorra to. ⁹ Makka ittew neyyom bamhallakkom? Nahhawwu annahawwedde? Ngo, Yag Tokya labbarram, ne iyo narreh bokkolla nehho walnella hawwunna annahawedde. ¹⁰ Orro iddokka nattoyyo nettutna kamma tulho mowwakka: 'Itte! Neyyag hattubbangngo Hawweddeg Ullug larra. Ne Iyo kahha madya narlarra Tuttum nella Arrom.' Maleakhi 3:1 ¹¹ Yag tokya kahhe pijjangngo labbarram yom, nollajjongngadda he iyo neppahha dadna nennammawinne, jannek mahhongngo tokkahhudda karreh bokkolla walnellay Yohanes Tagpaihho. Tabbollo iddokka, nekkahhodda morrahha neddallo Lakkalingngorra Preha Lahhoylo, narreh bokkolla walnella iyo. ¹² Wal nollarahnay Yohanes Tag Paihho duknebbahenna, Kallingngorra Preha Lahhoylo nammayilla hoddu, mahhetto kabbokkalla darrayyin wanjahha wol atte. ¹³ Orrongngo, tangkohhadda he annahawwedde mohhe Ukpatta daddulkoyya duknarrahiy Yohanes. ¹⁴ Manneyyom bambekkang hibbayya, iddokkay Elia nemme kammayyo. ¹⁵ Garran kammang kattilna nerrongngo wangngo, naddadka ne iyo banna rongngowan! ¹⁶ Tabbollo, ma appanekkangka AKAN KUBANDINGKAN GENERASI INI? He iyo kahhamerranne lakkedda morrahha kangngoddo nella haddo UMUM, kammakkod he olledda, ¹⁷ mahhatokda,' Yamma ha upya SERULING nettutkamyom, tabbollo yom jamnyeggokma. Yamma yawwa geilaman naggelle mayyilla, tabbolloyom jammayillakmam.' ¹⁸ Orrongngoy Yohanes banna mayyo janna mukma, molka jainnukma, mahhe ippa tokda, ' Ne Iyo ponnedan mortanna.' ¹⁹ Tabbollo iddokka, mannenna Anna Kaddad To banna mayyo molka banna muyyo mo innu, mohhe iyo hattokda,' itteyya, hawwu tokkad daddarra monno PEMABUK, olledda hettagkohha wolkattok mohhetto dokjalla.' Tabbollo iddokka, nattajja nattenwan orro harrayna."Pahhaappey nettutnatto Jakka Wawwa Hattenna ²⁰ Mahhaleggeyakka na Anna Nahha MENCELA hehharonna hakkarho haddonna ne Iyo banna rayngo karreh dangngalla tadko orrongngo he iyo bajjadda BERTOBAT. ²¹ " Yom mayyillam, Khorazim! Mayyillam yom Betsaida! Orrongngo, mahhe tad-tadko hekkaddad mowwakka lajjongngamyom naddad dommol nella Tirus monno Sidon, he iyo dammaddekka BERTOBAT wangkallebbe mayyilla mokkarakko. ²² Tabbollo iddokka, Yag tokya labbarramyom orrongngo nella loddo preha, Tirus monnoy Sidon darreh dadnehho badda taggud walneyyom. ²³ Manneyyom, Kapernaum, naddadkahho yoyyo badda hammadettag dukla langto? Jeddokma, yom dahha burgim nella haddo tokka matte, orrongo mahhe tad-tadko hekka dadmowwa hella jongngamyom naddad dommoy nella Sodom, nennahha ronna engnga donna bannen kohhaduk henna loddo. ²⁴ Tabbollo iddokka, Yag tokya labbarramyom mannenna loddo rahpreha, tanna Sodom dadnehho bannarreh taggun walnellayom." KELEGAAN nettutda Hetto Kammayyo nella Anna Nahha ²⁵ Nenna rah kallongngangngo Anna Nahha,"Yag hammanaddag Yo, Bappa, Mornalangto monnattanna, orrongngo Neyyo bamkabbunynyid hettangngadda hiyo walda hellatto kattajja mokkappewwe, mokkabbuggerrad nella arrodda lakkedda morrahha. ²⁶ Ngo, Bappa, orrongngo hemmemma nakka kattubba wonnangngo nella arrom Mattam. ²⁷ Tangnga tangngadda dawwogkohhagadka Labbarrag walna Labbappag. Maj jahhawwukma nekka tajjayya Nallakkedda, hellenniy Bappa; jahhawukma kattajjayay Bappa hellen Nallakedda monno tangngadda to nehhakkab attenna Nennallakkedda nettutna mabbuggerran. ²⁸ Makkim nellab Barrag, tangngam nekka lojja mawwolla molkammang haddetto buttonna, manne Yagwog mallogga. ²⁹ Detto yanna KUK neppa Bannag, mohhakkolakiml walla Barrag orrongngo Ya mannawwarra mommarrodda atte, manneyyom kollengngo marring neddallo lappahha ngaddam. ³⁰ Orrongngo, KUK Nehha Bannag naddohha monna Buttog nallewwarra."