¹ Mannenna, Anna Nahha nakkammakkod hekkabbul dungngo Annahakkoddo annahallollenna mannawod he iyo preha nettut kadda he mortanna jaddohha mannettut hattoggahhad hettangnga ngangarra kallawwarra moddommol tangnga ngarra kahhoddu. ² Hi iddoyka hengngarra ngarradda hekkabbul duyyo nennatto pahhawwedde: Nekka ul, Simon hawwel kangngoy Petrus, moy Andreas ollebenna, moy Yakobus annay Zebedeus, moy Yohanes olle benna, ³ Filipus, monnoy Bartolomeus, Tomas, moy Matius tagkohha wolkattok, Yakobus annay Alfeus, monnoy Tadeus, ⁴ Simon to Zelot, moy Yudas Iskariot kabbokkallawan na Anna Nahha. ⁵ Anna Nahha hattubbad hekkabbul dungngo RASUL manna prehhay he iyo," Abbum hallakko nella larradda hetto hekka monnel tamma neddallo lahha ronna to Samaria, ⁶ mahhaleggeyakka hallakkonem nella bebbe-bebbe kajjollorra walnollaj jongngadda kallingngorra to Israel. ⁷ Ma, hekkallangngo yom bamhallakko, tallarrakin nebbamtokya,'Kallingngorra Prehha Hoylo naddohhekka.' ⁸ Hattoggahhad hekka lawwarra, hammorhow hetto kammatte, hattoggahhan nekkattob, mawwuggay hemmortanna. Yom hibba-hibba awway, woyka jammang ahhakmangngo. ⁹ Abbum ngodka ommahhararra, molka PERAK, mowwalka TEMBAGA neddallo lakkalorroboggem, ¹⁰ molka kallek nettutna hallakko, mowwalka dubbolla kallebbe, molka koppawit, molka tokko orro nahhawwu natto karray ulla narrokka nengngo nettutna hammunna. ¹¹ Mannel lahharonna hakkarho molka nellahronna morrahha geddommolka neyyom hattammam, nekkej kiyya garran kattubba nokka nengngo mam engngangngolla nohhabbal kohha neyyom bamhallakko. ¹² Manneyyom bam tamman nenna umma, wokkim tabbe. ¹³ Mannenna umma banna rokkangngo, langbannammarringim nabbur labbarram yo, tabbollo bajjanna dadka, langbakka nammarring mallalla kannabbal nellabbarram yo. ¹⁴ Magba garrakkan jakkawawwa nehhibbamyom molka jaddawawwakma rongngoy hannewwem, manneyyom bamlohhongngo walnella umma molka nellahharonna hakkarngo, poddahhah hekkobko wittim. ¹⁵ Yag tokya kahhe pijjangngo labbarram yo mannel loddo rahpreha, tanna Sodom monno Gomora narreh nehho bannadad taggun ubhehha ronna karho." Mayyilla-mayyilla Nemme Ha Arronedda He Annahakkoddo Annahallolle ¹⁶ " Itte, Yag hattubba gimyom kahhamerra nebbebbe lajjongnga-jongnga harrangnga ban. Manne, dadnehhow pewwe kahhamerra kabbokko mamlurhow hammerra kawwurngo MERPATI. ¹⁷ Tabbollo iddokka, hammattarrakid hellabbarradda hetto or rongngo he iyo dawwokkiw nellabbarradda he Sanhedrin madda waggehhaw nella umma dokkawojjodda. ¹⁸ Man, neyyom damma rongngagim nella arrodda he kappa rehha mohhella ngorra to nettuttug Ya, tannam he iyo kadda tajja wangngo manne tutwalkadda hetto hekka. ¹⁹ Mahhaleggeyyakka, he iyo badda leggam yom, abbum jalla woppakka nettutna molka appan nehhattokkim orro nemmemma dawwonneggimmid labbarram appa nehhon hattokkim. ²⁰ Orrongngo, jayyommikma nekkahha newwe, tabbollo nenne ik kannawadna Bappam kahha newwe neddallo layyom. ²¹ Ollebbe nallokkayya na ollebenna nella matte, mobbappa nella annanna. Mahhe, lakkedda daggobbad hetto kattungngo madda hammattey. ²² Yom dabbutneggim nettangkohham orronna Nangngarrag, tabbollo tokka kattah toggorrongngo dukbappojjayya nakkollengngo morho. ²³ Mahhe iyo badda hamma yillam yom dallo lahhawwu harronna hakkarngo, hallakkom playyo nellahha ronna hakkarho hawwaddekka. Yag tokya kahhe pijjangngo labbarram orrongngo neyyom janna dadma banna pojjayya banna pallakkan hehharonna hakkar nella Israel kohha banna duk mayyo na Anna Kaddad To. ²⁴ Anna hannuwanna jannareh nekmayya nag gurna, kahhamerra dommolya na anna la umma jannare hikmayya na nammorna. ²⁵ Nattut bekka nenna anna hakkollanna matna hammerra hoddongngaddon gurna, mannenna tolla umma matnahhammerra dongngaddon nammorna. Mahhe iyo baddattok kayya nenna mor umma Beelzebul, narreh jaddohhanekma nella olle la ummanna." Kabbohnen Nella Mangngaklang Jalla Arro Kaddad Tomma ²⁶ Orro iknanka, abbum kabbohkam nella barradda iyo orrongngo jannek mangngo ahha angngo kabbuny nejjahha buggerra, monnel kabbuny nejjahha tajjanne. ²⁷ Appan Nehhattokkig labbarram yo dallo lakkappogto, nettok neyyaa neddallo lamma gakkahha. Ma, appan nehharrongngom dakkamamhon nellakka tillum yo, tallarranka nellappon karragga umma. ²⁸ Abbum kabbohka nellabbarradda he iyo kahhamatte pollatto, tabbollo janna dadma hammattekmayya nangngahhum, tabbollo narreh nehho kabbohhin narrehnehho kabbohhin ne Iyo kaddadne pungngayya nangngah monna pollatto nella apjabbodda uddolojammatte. ²⁹ Mahhe dukka wurngo kammorrahha dammalajjad nettut hawwu ommahha? Majja nekmangngo hawwu ak walhella iyo dakkannak nellat tanna waljahhawol attenna Nabbappam. ³⁰ Mow wikka, logge kattokkum yo tangkohhadda hayyappuy. ³¹ Orro iddokka, abbum kabbohka, yomreh hawwolhom walhekka dangnga anna kawwurngo." Hibbayya na Anna Nahha la Arro Tohhekka ³² " Mannenne, mahhe tangngadda hettoyyo kahhib bawwa Ya la arro kaddad to, Yad dommol hibbaw nella arronna Bappag nekka nengngo nella hoylo. ³³ Tabbollo iddokka, garran kamma yagga Ya nella arro kaddad to, Yad dommol mayyag nella arro Bappag kannengngo nella hoylo." Nehhakkab Attenna Banna Ma Anna Nahha ³⁴ " Abbum hangngaddan nebbag Mawwa tutngod mannawwarra lappon tanna. Yag mawwa jattut ngoddik maggun nammanawwarra tabbollo lok kitto. ³⁵ Or rongngo, Neyyag mawwa tutnan nehhewway hekkabban walla bappanna, anna mawwinne walla inynyanna, mayyi mawwinne wal nella yannonna, ³⁶ ma muhna nahhawwu natto walnolla olle benna. ³⁷ Garran karreh mannawwarran nabbappanna molka na inynyanna walnella Ya, janna rokkakmangngo nellat Tuttug. Maggarran karreh mannawwarran na anna kabbanna molka na anna mawwinnenna ubwalne Ya, janna rokkak nekmangngo Nettuttug. ³⁸ Maggarran jakka dettoy yanna yay hakka deylo mojjanna dokkuk magga Ya, janna rokka nekmangngo nellat Tuttug. ³⁹ Garran kahha monnoyya nangngahna napporhoyya nangngahna, maggarran kapporhoyya nangngahna nettuttug Ya nakkolle habballin." Kahhewwa walnellla Mangngaklang ⁴⁰ " Garran kahhibbamyom, nahhibbawwa Ya. Ma, garran kahhibbawwa Ya, nahhibbayya ne Iyo nekkahha tubbagga Ya. ⁴¹ Maggarran kahhibbayyanna annapahhawedde dallo langngarra annapahhawedde nahhibba kahhewwa walnella annapahhawedde. Ma, garran kahhibba tokkattenna dallo langngarradda tokkattenna nahhibba kahhewwa tokkattenna. ⁴² Maggarran kawwo wehha in nellabbarranna nennahhawwu walhella tommorrahha hiyyo magbakka hawwu ak kobba wemma yoggalla dallo langngarranna hawwunnatto annahakkoddo annahallolleg, Yag tokya kahhe pijjangngo labbarram yo, ne iyo janna dadma banna bungnga nakka hewwanna."