Tujja nen na Marrobba Yesus ¹ Orrongngo ne ittangngo MEMPUNYAI dangnga SAKSI kappongda kahhengngo karrobba, mad dakka ittangngo jedka tangngadda detto buto monno dok jalla kappingngodda modda pal laa teppijja nebbadda hat takngo nep pahha gonna dadda nella arro. ² Jekkak mod dakka mattadda kanna arro lam Marrobba Yesus, Kappa Haddayya monno kahha toggolladan nahha tennadda ittangngo, ma orronne tutna SUKACITA nep pahha diddarra Tutna, nahhibba neyya nayyay kaddallo monna behhallan KEHINAAN nenna yayhaddallo. Nebba henna, nangngoddo lat tabbarra kawwan nanna do ngoddo Marrobba Alla. ³ Ape kiyya nam Marrobba Yesus, kat tahngo arron nahha muh walhella too dok jalla toggol lanna JIWAMU abna dad lojja monno PUTUS ASA.Nenna Marrobba Alla kahhennenan nenna Bappadda ⁴ DALAM PERJUANGANMU gobban na dok jalla, yom jam duk mahhongngo bowwon narruttom. ⁵ Manne yom bulla midka hawnuwwa hattokda gim labbarram neb balla keddadda? "Hee annag, abbum habbe halla belled pahha nuwwanna Mor, abbum morrahha attekka nebbanna DITEGUR-NYA. ⁶ Orrongngo, nam Mor narrob bahhay too hamma Nawwar ranna, monna waggehhay too Pahhib Banna ne annan,"Amsal 3:11-12 ⁷ Yom tah nehhongngo tutna nenna hannuwwa orro nenne man nenna Marrobba Alla habbal nekkaknag ba anna nag; manne dommo, gella kedda gek kayya iyyo jahha nuwwa memmadda bap panna? ⁸ Manne yom bajja ne memmangngo bam hibbayya nal lihha nuwwa bad dokkan pahhibba nehhodda he tangkohhadda lakkedda, yom lakkedda HARAM, ja anna haddu umma ⁹ Man nenne, ittangngo mang bappa-bappadda yilla pontana kahha nuwwadda, monno pahha akkadda; mabba hekkanna, majja rehnekkak hodda badda kahhuglo wudda la arro Bappadda tangngadda nenna wad monno nenna morho? ¹⁰ Orrongngo, mannenna bappadda ittangngo kannengngo yilla pontanna nawwaggehhadda ittangngo tutnanna rah kaddoggetta ledded he haddadda iyyo hawwel kadda karreh dohha, Bappa kannengngo la Hoyla nawwaggehhadda ittangngo tutna madna polla too dagda tannam ittangngo kadda kollengngo haddo dallo Lattengngo. ¹¹ Tangkohhadda hannuwwa, nebbadda woy, dokkan janna dohha makmay monno pahhok dongngay. Tabbollo nenne, mappojjakka nenne mangwunnakkattenna kawwodda marring mallalla labbarradda he iyyo pahha kolla orro hehha nuwwa. Hammattarkin nahhadda morhom ¹² Orro nenne, haddongkokin nallimmam kallojja monno kuddom kaggeddo, ¹³ rayngo larra kallurho tutda hewwittim tannam TUNGKAI wit kallojja abna dad LUMPUH, tabbollo hattoggahhad. ¹⁴ Gehhannammoldongngad nettangnganna too, monno gehhan nattengngo orro bajja tengkangngo, jahhawu nekma too kaddad itteyyanna Mor. ¹⁵ Hattajjakin tannam ab nehhingngo hawwu too kapporhoyya namma nawwarra Marrobba Alla; hattajjadommokin tannam ab nengngo kallarto poddu kabbuklo manna dadne jattiddangngo manna alrod hettoo dangnga. ¹⁶ Mahhamattarra piddon, tannam ab nengngo too karrayngo CABUL monnewal jakka murrahha kahhengngoy Esau kamma lajjan nahha gagganna tutnanna hakkobba hammu. ¹⁷ Orrongngo yom bam tajjayya ne loddo murna, manney Esau banna kab atted hekkanyur, jadda hibbakmayya majja hil nekmangka rah tutna BERTOBAT langkanna mayyegga wawwiddikkangngo wangngo wemmatta. ¹⁸ Orrongngo yom jam makma labbarra lettenna haddak kette, labbarra ap kad dollo-dollo, moddommo labbarra kappogto, KEKELAMAN, monno kappotte. ¹⁹ Yomdommo jam makma labbarra lii kappikko, molla barra lii nehha tok kanna naddukkid hekka rongngoyya dakka wojjo-wowojjo hingngo tannam heppa tok abhil tokpiy labbarradda. ²⁰ orrongngo he iyyo jadda daakma tahngo rongngoy na preha pawwoyyo,"Magba dommokka hawwuu harrangnga wikdommokka kajjojjayya nenna lettenna, mannenna harrangnga mawwew nehhingpoyya wat duk matte." ²¹ Mahhenne hing nakka MENGERIKAN nenna PEMANDANGAN madduk nehhingngon ney Musa bawwenne hingna,"Yag karrekngo kabboh." ²² Tabbollo, yom mamowwamka la Lette SION, monno lahha ronna Marrobba Alla kammorho, Yerusalem la hoylo, monno labbarra MALAIKAT jahha yap dangngadda, ²³ Yom ma mowwamka labbarra kangngotte bokkolla kallibbo manne jongngadda heheyyo a anna kabbod Marrobba Alla pat tulho mowwakka nella Hoylo, labbarra Marrobba Alla, HAKIM tangngadda hettoo, molla wad het too kattenna pa pojjakka DISEMPURNAKAN. ²⁴ Yom ma mowwamka labbarranna Marrobba Yesus, Leddenna pahhanuk kabbayyo, monno tutkanna nenna rutto pahhibborro, kahha newwe reh dohha DARI PADA ruttoney Habel. ²⁵ Hattajja pijjakin tannam abbum tulla rakkan ne Iyyo kahha newwe. Orrongngo mabba he ikka kattullarran ne Iyyo kappa appennen walla pontanna kaddok janna dadma MELEPASKAN DIRI, manne itta dommo janna dad hingmangka MELEPASKAN DIRI walla Iyyo kappa appenen wal la Hoylo. ²⁶ At honna, Liin na hay yoyyon nap pontanna, tabbollo bah henna Namma ngakne,"Ta iddokka, had dakka pikngo Yajja ibbellekma bag keddon nappontanna, tabbollo la Hoylo dommo. ²⁷ Hat tookka "had dakka pikngo" hattingngo nennan tut nanna habburray hehe paddadne hakkeddodda, ne tangkohhadda pappa hadda mowwakka, tannam he jahha geddo memma engngadda banna diddarra. ²⁸ Man nenne, pojjakka badda hibbayya na KERAJAAN jakka dad baggeddon, maddakka ittangngo hattingngon naddohha DENGAN MEMPERSEMBAHKAN nakka wojjo kawwonnakngo labbarranna Marrobba Alla, YANG DISERTAI nahha akkangngo monno bonngo KEKAGUMAN, ²⁹ orrongngo Marrobba Alladda ittangngo ba ap neyya kahha korran.