Jawailah bebbe - bebbe nai Maroba Allah ¹ Oro bahena, ba ole to hatenakada mono bada ite mataya na mayilana Mori Kristus, mono to kaha doku magebora, dokuni hatokida to ka tunggo la barami yommi: ² Jawailah bebbe-bebbenai Maroba Allah kanengo la barami, abim tuha ate kaw, wanen na ate muraham ka hengo pa kamakna na Maroba Allah; abim rayi kanni pa kole donga wanelim ka wal kaja doha, kam ate murahanen. ³ Abim Hamaroba wukam labarada olem orongo banenni na lihatena labaramu, tabolo hatingonen kadoha labara olem. ⁴ Ba idoyaka, ba nemekan na Maroba kajawada, kam hibaya taja manadam jaka bunga. ⁵ Hejalango dimmi, karehi bodi, kawojokim la barada karehi katungo; mono kam li wawakim la bara olem, orongo: Na banidi Maroba Allah hitu to ka wu togo, ta bollo Na wodi kanyurru la bara hi to ka li wawa. Amsal 3:34 ⁶ Tabolo, liwawakimla la kablimana na Maroba Allah. Ma, engango banengo rahna bagu keketawu. ⁷ Hatabara kohanlah ngara dukana ka gela goga pahangadamu labarana Morda Maroba Allah orongo ba i ka hamadida. ⁸ Hamataranggo mono pa horakingola! muhum, yina Pajode bana halako nut nemme kamerra singa ban, ka mayegango hamuna pa kabolo. ⁹ Goban na Pajodela! dede didarala la hadu hatena tanam kam tajaya ngara dukkana ponu tana, ngara dukkada ole hatemu tagud namayila ha podamu. ¹⁰ Mono, bam mayila tuduwu, Morda Maroba Allah tangkohango nakanyuru ka kamakog bam tukew la barana mo bana engango la barana Maroba Yesus Kristus engango bana hamadya, hadidaraya,hamodon,loho na hakodewu. ¹¹ Ba Imoya, ka ketehangatan tang kohana. ¹² Gu tulhag hurata ka hokngo yiyo la baramu ledenai Silwanus, pa tajag ka hawu pahatenada jaha duka. Gu bengo wog kulho monno kalimowa la bara morhag, yina kanyur la baragu ka engango ba kawalmoya la barana Maroba Allah. Dede modokang ka la la jonga kanyuru kannengo. ¹³ to hatena ka nengo la Babilonia, ba to hatena ha pedena Maroba Allah, na hadukin na lim la baramu. Markus, anagu la Maroba Yesus Kristus, na haduk wikgun na lina la baramu. ¹⁴ Hawolwukim olem iha-iha wango ate muraha. Maringkango tang kohami ka nengo la bara Morda Maroba Yesus Kristus.