¹ Oro nani nenne, lettodla tanga kohada butu ate, tanga kohana naka bali,tanga kohana kaja doha,tanga kohana hakiri, mono tanga ngara hawihoka. ² kahengo lakeda abu dadi, mahena yommi kabene hongo huhhu kamuraha mono kahiuro tanamu yommi kamu buklomi nola morhami, ³ baheka yommi kahe hija-hijango ka podani bai moriya nenne kadoha. ⁴ Ne bahena yommi mami labarana nai kristus, watu kamorha jaha kadadi toyo, tabolo pededa nama maroba Allah mono kahada mangu wollngo labarana, ⁵ Yommi jalla kahengo tangada watu kamorha,ha kodeda diha batu umma hatena,Imamat katengngo tutna bamu manutaya tangango hama nutamu katengngo kawonango la barana maroba Allah bana ledeni maroba yesus kristus. ⁶ Oro nanni na hurata hori bana hanewe, ''iteyala,yayo gutaya naha wuyo watu la sion,niha wuyo watu paha dede hapede mono hada doha, mono bagara duni kaha tena labarana mo enga jada hamoke maya.'' ⁷ moka, nenne watu katengngo tutyommi kaha tena,tabolo jaka hatena, ''watu haletoda tang kohada tukang hakode umma, kole bana watu paha didara, ⁸ Mono nadadi, '' diha wuyo watu wida oronani bajada hadokuni nena lina. idokala nalara paha tutda he iyo. ⁹ Tabollo, yommi idokala he toyo ha pidde, Imamat ka rajani , mono toyo ka tengngo, toyo hadagu dagna na Maroba Allah tanam yomi ka kolengo ha talarada tangana ka dohana, ka ka makogimi yomi ka lohongo wali laka pogtongo ka aro lamagaka hongo kabalang. ¹⁰ ulhongo yommi ja toyo miggu mahomi ka aro la maroba Allah, tabolo neba hena yommi ido kala ha ana huhna maroba Allah .Ulna, yommi jam hiba mahomi li hawali, tabolo neba hena yommi kolem hibaya li hawal nai maroba Allah. ¹¹ Tangami kaha ole bengo hama nawaragu, yayo gu bengo hanuwa gimi yomi kahengo toyo kanemengo mono toyo diha doyo yiyo laponu tana tutna bamu hadiko rowumu walla habenna but ate ponu tanamu kaha tango goba guni ura dewamu. ¹² jagaya la harayimu kadoha lajongana tangana toyo kajaha tena hoya tanamu ma anyikana he iyo kawikawu kahengo hada japata; He iyo bada kole ha ite guni harayimu kadoha, mona engada mahadi daikaya maroba Allah hena lodo paha hoila. ¹³ Lede ngara nai mori, ka ngakka kini niha katora kaha reha paha di darada kadadi toyo, kadoha labara raja ka hengo ka kawahango ka rehi madeta, ¹⁴ bajedo kaya la barana gubernur paha wede da raja tutna bada noludi jala he kara yini ka japata mono kawoya nama hadida la barada tangada toyo ka raingo ka doha. ¹⁵ Tabolo, he nena ha kabu atena maroba Allah; Mono ka raingo ka doha yommi toni ya jaha tajada tangana toyo ka kabonga. ¹⁶ Morhamla ka hengo tangada toyo ka hoila, tabolo abimu wakani baha hoilagu nenne ka hengo ka nogomu baka japataya. tabalna, murhaula kahengo tangada atana maroba Allah. ¹⁷ Ha aka kiyila tangada toyo. Manawara kidila tangada ole hatenamu, kabohkinla na maroba Allah, mono ha akakia na raja. ¹⁸ Tangada ata, ka ngako kiula labara morimu mono tanga ngara ka ngakkoni. Ja ibelema la barada he iyo ka doha mono ka loja mawala, tabolo jala taba rada he iyo ka jawonango . ¹⁹ Tabolo na mera na diha wuyo mana wara ka tengngo,bahekana bana apeda maroba Allah, diha wutoyo na wawa tahngo nola mayila oro bajana tidango ha raina. ²⁰ Tabolo, ahango ka hewamu ba hekana bamu tahngo yommi hiba yana palu oro harayimu ka jala? tabolo enga,bayommi ba hemmi mayila oro ha rayimi ka doha mono yomi hibaya mono tahngo ha kabu atemu na wonango la arona maroba Allah. ²¹ Tabolo, tutna idoka yommi paka mako,orongoi kristus inango nama yila tutna yommi mono paha jungada lihatuja la baramu tanamu yommi kamu noki kamedoni. ²² Idoya jana rayi mango jala, mono jana ka balima jane mango ka nengo la woba-na. ²³ Tabolo idoya bada tere kaya, Idoya jana hagoba maya ha tereka; Tabolo idoya mayila, idoya jada haka bohimani,Tabolo napa hode wungo la barana Allah ka dukingo hareha wani kadoha. ²⁴ Iyo dagu ka taguni jalada idango la polato-na la yayu paka dailo tanamu idango mate la aro jala, mono morha tutna ka tena. oro rutto na kalalo,yommi paha togahada. ²⁵ Ulhongo, yommi kahengo tangada bebbe kaha kita-kita-ngo jolora, Tabolo neba hena yommi kole habali la barana ka nyawami mono ka hamawo gimidi urra dewamu.