1
Paulus ohada eba sipiri mi wedee Yesus Kristus med Timothius diail tening eil kreyeng mi Filemon Teneng eil kreyeng mi ohodana.
2
Med Apfia tenengeil woil med Arkhipus, teneng eil ba noohe Jemaat ba miara pirinu du obang mi.
3
I lloling noohama iringta Lahatala mi hoo Omong Lahatala woi med tuhan yesus Kristus.
Maheni Yaha Med Filemon Ene Ma Oudumi Oukarang Mi
4
Na Lahatala omno ubang numi iring uma ma no aommi paa om mi.
5
Wedee na mehe du mayey o atinoo ukarang ba ara yara Tuhan Yesus om mi ma nami madulung towong ohadana.
6
Na ommi duuin e pirinu paanu ara yey atinoo dumi. Huu tanut ma na noo nahama ohadana du aratara wedee Kristus Ei ukarang.
7
Na suku snang oyaha wedee ei ukarang mi hoo du iring mi hoo du ei nami noo madulung ene mihi.
Paulus Aden Abang Ma Onesimus Ohadana
8
Duru eile masih nei atinoo du mati ma Kristus ommi onoo iring prente naba u i hoo du panene.
9
Bo wedee ukarang duru yo mi noo haai we na ubang noo. Paulus ba tamaang wed do ya noo nami spiri hukung bang mi wedee Kristus Yesus.
10
Na aden abang arahama Onesimus a nahol na aramoin spiri bang mi.
11
Turu mi na abuludang m arahama duin you de he wed do mi na yo mi rupu ma no hadana.
12
Na u ahowo ei num hele yaboro olap hoo.
13
O abulu du nom tahang uma duu ya tara mihi, duu ya naring teling ne dunu. Ne malil nadei ara spiri bang mi wedee Suru Madulung.
14
Duuin de i eneng hama dang nami panene ana you didi duuin anoo du, i mi panene a aring du uil-uil dang bo yey suku alolo.
15
Pa yanoo haang Onesimus aratahii taweteng ara yel du arahama duuin he yaboro yang med yomi eme.
16
Duuin eile awoi nomangsing dang aring du woi emota bo ya noo diail ba a ukarang anolo noohaadang, duuin de aring di ohodana bo oa om mi du di noo didi Tuhan Om mi.
17
Na noo mong wedee tenengel kareyeng duuin e Onesimus edunu wedee i ne dunu duuin.
18
Mi yebeng i ahala ma ohodana me otaleheng med nene nawiti wana.
19
Nom Paulus na natang we puin hulu na oteling mana na den ubangdang, ma oteling arahama ba oweseng duru yolo.
20
No di ail pi Tuhan om mi du, na i noo we med num naha oin du anoo maaba ma Kristus om mi.
21
Wedee na o atinoo ahool ma ei ataai alolo mi, na suru hulu woi med i ene wedee na ahol he hi panene mi woi med naba we naubang.
22
Dopooin he leng nu utaroong nene, wedee i a ominun du na udumi. Duuin e naba yo i lap hoo wedee no waha matolongang.
Mahene O'ohomi
23
Epafras teneng el spiri mi ara Yesus Kristus om mi mahene noo ubang ohadana.
24
Duuin didi Markus, Aristarkus, Demas woi med Lukas no di ailnun odil om mi kareyeng.
25
I lloling Pi Tuhan Om mi Yesus Kristus hele ara hama-hama o homi madulung mi.