¹ Mong dilele mong taring alu Yesus yaboro Kaparnaum lahoo ² nami meehe ubang Yesus ara bangmi. duruwe nami noo towong toloil yang bangom o oho diaradang yang pain yaara adiingmimeng ahowo amapaa madulung u, yuulung aramating ³ noohe yuulung Yesus olap hoo, nami tuungnudiara yonangut deete teweng hoo ⁴ yuulung ara Yesus alongwayaha duru ei lewe yo nang ut bangodoba midi Yesus olong doro ohadana du yuulung u ebeng ohowe nmi tuung ba deeta tarahe du yuunun arorong hele ⁵ Yuulung ey atinoo ba ma Yesus ohadanadu Yesus ahol duru eile Yesus nami tuung duaramating be no ei o ahala towong du upaabala ⁶ yobo nami om ara bong nu yom mi tanut ubang ⁷ mitarooin we ei mating dopo ubang? ei nami ebit he yo! ananaminuyo nami oahala du ulam uhawoo no, mongyo Lahatala yolo ⁸ hami madulung Yesus ommidu mong yuunun otanut towong towong aholang ei yuunun aramating tarooin we aring tanut du iommi? ⁹ naba mating yo yominoo pi puin ubang nami tuung ohadana oahala towong u paabala me tohe obuhumeed elami? ¹⁰ iaholwe Lahatala einaminoo duru okwasa ara pliimatita ahala towong u paabala Yesus nami tuung du ara mating ¹¹ na ara mating toho o,buhu med, aboro obang layang ¹² nami tuungdu ya teletoho, yo buhu med loling lahele, yaring med nami nootowong aping we adangmi nami nooburapi u,yahoin ohowe Lahatala oatinoo ubang yuunun ubang natahoir dooindo nidei aholdei LEWI YESUS ATAAI ¹³ Yesus woi yaboro yang ji awalala habenta nami barapi huil bala o lap hoo ya yuunun ara skol ¹⁴ ya mongmi alihe Yesus aramating ubang : ma na taai Lewi toho ohowe ei Yesus ataai ¹⁵ Yesus Lewi hini obang mimihi naodihe he, nami suru wali med nami ahala di hama-hama o skol ei kanewe yo mampi, wedee moin dopomi naminoo towong Yesus ataai ¹⁶ Mong Yehe-yehe dai nami om ara, Farisi hini dunuhe Yesus nami ahala, nami suru wali med hidu ara mihi naadi, nami o skol ei kanewe atana : torooin we Yesus ei nami suru wali med, nami ahala du aramihi naade? ¹⁷ Yesus meehe Yesus ey yuulung aramating : nami tabiring lawolong lapdang yobo nami melodi na hoo nami modulung olowi dang yobo nami ahala TAAINPAA MA NAHIL OHADANA ¹⁸ Yohanes o skol ey kanewe, wai med Farisi hini nami hili atuui nami piri den-den hoo ohowe Yesus atana, "mi torooin eu lewe Yohanis o skol ey kanewe woi med Farisi hini o skol ey kanewe dopo nami hili atuui?" ¹⁹ Yesus yuunun aramating : nami yaring med omang oil bala nundu nami hili atauui noo yo? wedee nami yaring meddu dei yara hama-hama nami yaring med du dei yara hama-hama nami hili atuui dang ²⁰ bo oyelnu mahe minumihi lotiba ma yuunun aradu nami med duuinhi nami hili atuui ang ²¹ nami den a napaha habara med napaha rat du taharoto hedang nanihe napaha habara du otak mongmati yang e ²² Woi med nami den a anggur habara du med kadewe paha mihedang nanihe anggur waimed kadewedu barapi rat yaha oho, anggur habara du med kadewe habara we mitaroong YESUS DURUWE SABAT O TUHAN ²³ V 23 Sabat ara hama Yesus ey ala dit mi ali ara yehama lami hehi Yesus o skol ey knewe ala buil hii ²⁴ Farisi hini Yesus atana : "edunu mitarooin ei lewe sabat o hukuna nami tadoo langkar?" ²⁵ Yesus Farisi hini aramating : " naba Daud panenedu i taana dei yo minumi Daud woi med onami noo ba ara hama-hama du kurung boo woil med hili? ²⁶ Mong torooin ey leyowe ey Lahatala obang lahoo aring yel du arahama du Abiyatar awen mati puin, nami atng u umu adi aringdu Lahatala omang sing yo adinoo, ohowe woi med nami beng ba yuunun ara hama-hama du ene?" ²⁷ Ohowe Yesus Farisi hini aramating : "Sabat du nami panene ma nami noo ahadana a naminoo yo Sabat okareyeng dang ²⁸ We mani noo ey duruwe Tuhan Sabat emota."