¹ Monglalami Imam-imam kepala, nami taloil towe yarakahmany, Tamaabala Ahli-ahli Taurat woi med a Sanhedrin, ohowe nami Yesus apese arayang Pilatus obang. ² Pilatus atana, "atinoo aring du Yahudi o Awen?" Ei Ey aboro ubang, "Ou ubang" ³ Noohi Imam kepala nami Yesus atana adoo-doo. ⁴ Pilatus woi atana ubang, "A torooin nami Otaainpaa aboro dang? Edunu taain paatowong yaha nami puin Ebit he dopo." ⁵ Pilatus yahoir empiri wunai Yesus yuulungnun Ei aboro dang. Yesus Woimed Barabas ⁶ Paskah o yelma, Pilatus biasa nami hukung pirnu ataain bo yuulungnun you ubang. ⁷ Du arahamadu nami sepirimi du nueni Barabas nami tahang du wedee obeng arahama nami amini. ⁸ Nami noo towong hoo noohi nami Pilatus abang. Nabawe Apanenehehi duruwe Apanene. ⁹ Pilatus nami noo towong ei aboro duuindu, "I ey umadu na Yahudi Oawen du naatain? ¹⁰ Wunai yaahol ubang imam kepala, nami Yesus anoo Ohala du yuulung om Yesus atain. ¹¹ Duuinwe iman-iman kepala, nami no towong om lahele duuin e Pilatus Barabas atain. ¹² Pilatus woi yuulung atana, "We na naba we panene ma Yahudi O awen Ohadana?" ¹³ Yuulungnun lowi ubang, "Ei du med Arapa ti tahaling." Pilatus woi yuulung aramating, "Torooin we? na ahala we ei panene?" Yuulungnun lowilel mongkawaata, "Med Arapa ti tahaling!" ¹⁵ Duru ei lewe ya naminoo towong iy om uma he du atai, Pilatus Barabas atainmed yuulung ene, ohowe ei Yesus bihi noohi, ei med namino towong ene noohi nami arayang Arap ti tahaling. Yesus Nami Onooyahaya Noohi Nami Bihi ¹⁶ Ohowe Solodaid rei nami Yesus arayang pangkara, mi prente obang abulu, nami solodaid rei ahowo taloil. ¹⁷ Noohi nami kondo hulu Enemi holo, nami topi mang di nami hana noohi nami med Yesus olong ta. ¹⁸ Noang we, nami ada hormat med," Ohadana Aring, doro we Yahudi OAwen!" ¹⁹ Ohowe, nami ulboo puin olong mibihi, nami parang Opahur, noo ohowe nami Ewana. ²⁰ Nami Yesus oyaha-yaha ubang, noohi nami Yesus okon hulu hing, noohi wene duru we nami woi med Enemiholo. Ohowe, nami aralele Yesus yang arami arapti taheling. Yesus Arapati Tahil ²¹ Noohi nami Simon Kirene hini nami yehama mitahang nami atiting paksa, Aleksander woi meda Rufus Omo nami ahowo Arapa ti taweng. ²² Ohowe, Yesus nami arayang Golgota mi, otamuyuhi leng karaka. ²³ Nami Anggur woimed Mur ara toloil med ene bo Ei meddang. ²⁴ Noo ohowe, nami Arapati tahaling ,noohi nami Owene yedalam. Nami ualolo naba momong we yuulungnun, mi yene. ²⁵ Od towo hi, nami Yesus aramidi Arapati tahaling. ²⁶ Hulu paa ba nami puin Yesus anoo ahaladu, "Yahudi O'Awen." ²⁷ Ohowe, nami natau pirolo arahama-hama arapati tahili, nu atang weieng Yesus lemi, nu atang teinlemi. ²⁸ Duru ei, lewe Suru Madulung om anoo. ana opaa duuindu, " Yo mampi nami yaha panene arahama-hama Arapti tahili." ²⁹ Ohowe nami noo towong ba dopololo du nami Yesus Ebit. Nami yawo odang nami ubang dooin do," Hei!, Aring doro we Lahatala Obang abereng, noohi A Aten taring towo hi pirang, ³⁰ Obobomong anoo Il arapati tahele ³¹ Imam kepala nun woimed Ahli Taurat nami Yesus Ebit nami ubang dooindo, " Yanamibeng Anoo selamat noodee Ya Yobobomo Ya noo selamat yaha." ³² Miyebeng Mesias Israel OAwen wedo ya arapati tahele ni ahol. Duuin he ni o atinooubang. Nami ba ara hama-hama arapi ti tahilidi, nami Ebit. Yesus Mini ³³ Duarahama od omi talangmi, dil uwu paling du walowi yang od omi tiinumi. ³⁴ Yang od omitiinumihi, Yesus uatinono lowi, "Eloi, Eloi Lama Sabakhtani." Otamuyu du ubang," "NoLahatala, Nolahatala mi torooin ei we A nelete? ³⁵ Nami omating paa mongmehi, Nampiriden along toho du nami ubang, " Edunu Ei Elia olowi he." ³⁶ Duru we, nami teeng yang, Anggur lohoin med spon ommi nami med u i bo mi, noohi namimed Yesus Enena Yey lami he," Pi edunu hai Elia hoo arahele." ³⁷ Du arahama du Yesus u atinono lowi noohi a aayin amuju. ³⁸ Yel dumidu tirai Lahatala obangmidu rat oolo toin lawenmi hele yang lama mi. ³⁹ Du arahama du solodaid OAwen, toho om Yesus ene du dunu midi Yesus a ain amuyu o ohomi ei ubang dooin do," atino Ey Oinolo Lahatala Ey." ⁴⁰ Dumidu nami obohini piri den lete toho dunu yang, yuulungnun du Maria Magdalena woimed a Maria Yakobus o wolo owo, Yoses e Salome didi. ⁴¹ Du arahama Yesus moin Galilea midu yuulungnun Yesus atai woi med a edunu Ewala. Moin dopo midu nami obohini towong hoo Yesus ara hama-hama Yerusalem layang. Yesus Apot ⁴² Du arahama palii heang, yel du arahamadu dei Sabath lawa dei. ⁴³ Yusuf Arimatea hini hoo, eidu Majelis besar obomo, nami uada. yaring di woi no hama Lahatala mihoo du, Adehe adana, ya yang Pilatus along Yesus oboo ubang. ⁴⁴ Pilatus yo bros yamehe ubang Yesus minang. Ei solodaid o bomo olowi atana atino Yesus minang. ⁴⁵ Pilatus solodaid obomo olong mehe, atino ei Yesus oboo med Yusuf ene. ⁴⁶ Noohi Yusuf kain lenan wel noohi Yesus oboo arahele. Yuulungnun med kain lenan mi baloo noohi nami ihi yang lowo ba wui binitawolong mi apot. noohi nami wui mati ado dow med lowo ye ara utele. ⁴⁷ Maria Magdalena woi med a Maria Yesus owo nami Yesus olowo ahol.