¹ minumi Yesus ey bait Allah el aweteng o skol ey nu ho o aramating :"Tunggur, wui nun oindu rupu male eng woil med bang nun oin do di!" ² o ohowe Yesus ey u aboro : a bang lewen-lewen nun oindo, rupu mekeng eng mi no o? bo wui pa a ytaroong o rupu o meleeng do oin SUSU MAALA O A ANYA TA ³ ohowe Yesus ey toin Zaitun tubu u ba Bait Allah arahama du ey du mi mike, Petrus, e Yakobus, Yohanis e Anderias Yesus yolo-yolo bo yuulung atana ⁴ adei ubang a naba umating he mundu den we ara no o he naba yu o utub a no o yang barapi du o oho mi? ⁵ ohowe Yesus woil yuulung aramating u mamahe duuin e nami den i no o karaka ey ⁶ nami no o towong naming puin hyo o ia aramating 'naring doro aring'. ohowe nami-nami no o towong a no o karaka ⁷ i ahol ma e he nami yammi yatobiring mali mati toho ara pali i u ana duunde i haai u baros ey leleng air nundu uil-uil ara bo barapi ba o oko olala mi du? ara dey ⁸ wede e pali i mati oin da atele toho mi yara mali pali i nu o nami no otoho pali i beng o nami no o ara mali talee awen nu a sereng toho sereng beng lawang tayako mali taho pali i ana hili mali hele oin doro we o a a nyanta nami obo hini ey awain o na maala ⁹ du uin he i ring u lele wede e nami uil-uil iring med perekara bang mi dopo mi nami iring bihi moin Sinagoge mi moin dopo mi nami i howo Sandhendrin e awen airnu apang wadang mi toho ¹⁰ bo Lahatala amapaa du mi ya turu e umating oin pali i mating do alolo ¹¹ nami aring med ohowe aring nami o aboliang a haai u baros ey ma naba we a ui-uil ubang bo naba we ra oindu mi ba hami madulung ey om puinduru a uil ubang wede e hami madulung ara ara ¹² woil med nami diail nu yo di ail med mini du ene o mong wa ey arahama eknewe tohu yo nami tamaa ara yaha ohowe amini ¹³ nami no o ail nu yara yaha wede e naning du ey le du uin de nami ba atuui yang o we ele mi he wesing ene med PANENE ATEN YAHA BA PUIN TABITI TADAKAN ATEN ¹⁴ duuin de mi yebeng i i edunu nami yaha nami aring namiami mi ey du leng ba mitoho ey dang du ya ara dumi (nami nataana du uil-uil ahol) nami moin Yudea midi teeng toin bi mi tayang ¹⁵ nami ba bang odo ta du woil hele ey nami e woil hele bang ommy naair nundu med ey ¹⁶ nami ba ara dil mi du woil yaboro ho o yo kondo mati med ey ¹⁷ seh nami obo hini ba awo ey he woil med nami ey bala ara aring yel du arahama ¹⁸ u a ommy e leleng airnu susu maala airnu ba ubang hedu ya taping maab weni ¹⁹ wede e aring yel du arahama du susu maala mati ara oin pali i ta duuin du aten alomi dumi yang ho o domi meng du ara di ey ari na du woil ara ey ²⁰ e miyabeng ohowe Lahatala ey aring yeldu ey ano o toong dang duuin he nami nu a yo weseng dang duuin de o ba ya ualee utra a ang du ya uil-uil yel du ano o to ong ²¹ mi yebeng nami den ho o aramating edunu Kristus ara oindo mi nani e ara moin dopo mi i i haai o atino o ahol ey ²² wede e Yesus o u papain o mansing o u papain uil-uil yotete toho natahoil na tabobo panene puin tano o karaka ahala-ahala he ma nami o ati no o aholang didi ²³ nauma! barapi nun du dei he duuin he na u aramatingang ²⁴ duuin de aring du arahama du susu ma ala mati taliang wed ey kuwu ul di lele dang ²⁵ ib rey nun toin bulung ta du muyu hele bulung o kwese yabobo." Yesaya 13:10; 34:4 YESUS O HO O O MA ²⁶ ohowe nami dunu ahol nami no o ey ho o toin lab lewen ommy o kwese e o bul mati ara ²⁷ ohowe ya malaikat-malaikat ohowo nami ba ya utraa ara wed poo mi yang wed miyumi ara awiti ni yang o lobew mi ara moin pali i yele tang to ha a mi yang bulung yele mi aring du ey taloil ²⁸ u papain ba ma o ong yele nu arahama du i u i om meng mi yebung o ong atang du belaang duuin he o behe kal o de ara aring du i i ahol wed dang oyel maang ²⁹ duuin didi ma iring miyebung i dunu ohowe aring na nundu arihang i ahol he ey wanangang ara awi apang bang bang taang ³⁰ ati no o no o he na u aramating otoho opo o oindo a tali duuin dey he barapi oindo uil-uil ara ³¹ bulung pali i oindo uil-uil yoho nami duuinde nami paa du a yaring teleng dang NA UMA ARA ADEHE ADANANG OM DU MI ³² duuinde o yel o hair du nami den ta ahol dang malaikat-malaikat toin sorga midi taaho dang ³³ name o ey mong yo omong yo ahol na uma ubuung ulele wede e i ahol dang den we aring yu du ho o ³⁴ aring na oindo mong wede e nami nu lami ara yo lami ommy ya yobang du ya ataain ohowe ey yo mangsing o paa bala ahol we ya he reyeng med yuulung e du lam aring ana woil med nami buung ey di ya parenta du uin e ulung yo buung he ³⁵ duuin we i ubuung u lele wede e i ahol dang banganing den w ho o wed hele mi ho o yo me tunhama malahama mi ho o yo nani e hiw u alee arahama nami e pali i madala ho o he ³⁶ ha au w mong yehe-yehe yaho o ohowe i ara mopo tara ommy ³⁷ naba we na u i aramatingang du na puin nami no o towong di ene maehe ubuung u lele yei masing