¹ Yesus ey na o arahama med yuulung aramating naminudu anggur dil u kareyeng ey wow di puin, no o he lowodi alung anggur miding ey o menera aten ohowe ey med nami dil ukarayeng along sewe no o he ey yang dakang ² na horo na lap o yelmi yayomangsingnu toho wo ho o nami ba anggur dil ukare yenghedu along yo anggur ohiri o pa a med ³ yobo yuulung mau singdu apui wail bihi no o he alolo ahowo yo tangaho yaboro ⁴ duru ey lewe ya woil mansing beng tehowo yuulung o lap ho o ohowe yuulung olong mi bihi panene atein puin ano o mala empiri ⁵ ohowe ya yomangsing beng woi tahawo ho o bo nami mong aminiang aring na oindo yuulung panene nami no o towong beng di arahama den nami bihi pal den nami amini ⁶ dil eni du onami pirinu dey ara, o ey omhele ohowe ya yo ey we tahowo ho o yuulung ene no o he ya ubang : masi tarooin di nami no ey du nami u ada ⁷ yobo nami dil ukareyeng du mi yara kahain oindo dil o eni yo ma pi a amini e pi o naairnu du med u tey ano o ⁸ no o ohowe yuulung apuin amini no o he wewe poin anggur dil amoto lahele ⁹ anggur dil o ening yapa woi naba panene? minim i ey ho o namiba anggur dil u kareyeng hedu amini atobing duuin e anggur dil du med nami beng ene ¹⁰ hulu ara suru madulung mi du i taanadei yo : wui ba nami bang u kareyeng med weweangdu ey yano o wui dilyele ¹¹ oindoro Lahatala o panene wede e aring panene dooindo na u tahoir ey ma topong wadang mi e ? (Mazmur 118:22-23) ¹² ohowe yuulung yomnu nami da apuin ano o yobo yuulung nami towong el baros wede e yuulung ahol duuinhe Yesus na o arahama med oindo ma yuulung we arahama ohowe yuulung Yesus el teeng yang ohoang MA SURU WALI TANA EY ¹³ ohowe yuulung Farisi hini e herodian hini piri den-den ohowe Yesus olap ho o Yesus omating pa a u alepeng duuin e puin o oahala lap ¹⁴ yuulung ho o Yesus aramating tunggur ni aholhe a abulu wede e a nami o rupu maleeng du e dunu dang bop a Lahatala o ye abulu duruwe u nami aramating pa atino o me nani suru wali tana med a wen me nani ? ¹⁵ ni suru wali mana me yehe? bo Yesus ey nami o yana no o du ahol ohowe ey yuulung aramating : torooin we i napati? seng pa a nu di witi no lap ma e na edunu ¹⁶ ohowe yuulung witima Yesus ene oindo ana olanglamana e ana ohulu pa a yo? yuulung ubang owen olanglamana e owen o hulu pa a ¹⁷ ohowe Yesus yuulung aramating : oba owen ey du med owen ene oba Lahatala eidu med Lahatala ene ohowe yuulung Yesus du u yaho ir SADUKI HINI YESUS ATANA O AHALA LAP ¹⁸ ohowe Saduki hini ba ubang he nami mini woi ¹⁹ Tunggur, Musa o hulu pa a mi ma med niemeng du ubang miyebeng nami loti hinidu obomed ohowe ey aradey he minang duuin he o di i o matubala du yo obo du medwe duuin e ya lelengbala du uta ²⁰ nami diail piri utito odiail o minumi obonu med eyden arang ohowe ya minang ²¹ no o adail o mi alumi obo du woil med dopodi woi mini bo ey aradang o diail o mitowomi di duuin ²² yuulung diail piri utito du barapi ey den awain ara leleng du midang yang o taporota eyobo di mini ²³ yang nami mini weseng yatele toho o yelmi, yuulung di weseng yatele toho e bo ei obo oindo ana ey obo? wede e yonang utito ey obodu med yo obo ano o angdu ²⁴ Yesus yuulung ey aboro haai oindoro ey lewe i i o bobomo i no o karaka i suru modulung e Lahata e kwese du i utanut lahele dang du? ²⁵ wede e minumi he yuulung weting yatele toho ma nami mini ani hama dumi, yuulung du a miyaring med dang yobo yuulung du o arahama malaikat sorga mi duu in ²⁶ ma nami mini ba weseng yateleyuhudu i Musa o suru mitaana de yo, ma holingtup namang ey ohadana Lahatala ey aramating ubang naring oindoro we Abraham o Lahatala, Isak o Lahatala woi med Yakob o Lahatala? ²⁷ ey du nami mini o Lahatala dang yobo nami weseng o Lahatala i atino no o karaka HUKUNG O A ANY ²⁸ aring du arahama Tourat nu ho o nami yarateteng hedu u alepeng ya edunu he Yesus ey nami ey u aboro du mong abulu momong ohowe ey Yesus atana prente airnudu tei yomi abulu? ²⁹ Yesus ey ubang a lepeng o Israel hini pi Lahatala du ati no o no o Lahatala pirinu ali ang he om piri nu pm pa a nu Yesus u karang ³⁰ om pirinu om pa a nu puin Lahatala u karang o lamana o tanut wai med o kawa a ³¹ u karang eyaha ma nami beng o hadana mong wede e a o bobo mo aring u karang he duuin hukung do arahama dang ³² ohowe tourat o moling Yesus aramating a abulu tunggur abulu naba a ubang hedu pa a nu woi beng aradang yow yolo ³³ om piri nu puin ukarang ei naahol du puin u karang, o kawa a du puin ukarang woi med diail bala ukarang o arahama mong wede e a midang mi apewe, nami atang a umu puin yo towong didi arahamadang ³⁴ no o ho we Yesus edunuhe ey yei nahol puin mating nami ey aboro duru eilewe Yesus aramating aring du bang modulung elete aring duru ba nami den om matolong ma Yesus atana dang YESUS DURU TUHAN ³⁵ ey moin Lahatala o bang mi nami ara skol he ang we Yesus ey ubang toro oin we Tourat o nami moling nun ubang ³⁶ Daud yo hami madulung puin mating, Tuhan ey no awen mati aramating : ma no tani le mi mihi, yang o waleweng nuindu ho o e wana.' Mazmur 110:1 ³⁷ Daud urung he yo bobomo yaring u bang Kristus du o Tuhan wi mitorooin eile Kristus du o ey? ohowe nami no o towong u alepeng du om umino o DAMUHUIN ASALA MA TOURAT O MOLING ARA HAMA ³⁸ O tayom pa a midu Yesus ey ubang i umamehe ma Tourat omoling arahama yuulung ba ipi midi wene mati wene low yuulung puin ano o torooin e nami yuulung ada ara lobong mati ommi ³⁹ uil-uil lahang kadere we tamihi moin Yahudi hini o Sinagoge-sinagoge woi med lobong taunu towong mi ⁴⁰ nami nami obo olowi obang utoto kalaping ohowe yuulung yana no o a ommi hilow wanglow yuulung du uil-uil hukung tarowi med TATANG A UMU ATI NO O ⁴¹ ohowe Yesus ey tatang umu oleng arahama mihi ey namiba yatang umu med oleng mi du edunu nami kwese du nami natowong med oleng mi ⁴² nami obo alowi Lahatala nu du seng pa a alu ali o arahama du mi seng pa a nu ⁴³ Yesus yo skol ey knewe olowi ma ohowe ya aramating ati no o no o he na i aramating ey obo olowi lahala oindo ey yatang au mu du meng ya mitowong ara oleng miang ma nami no o towong ey emota ⁴⁴ wede e yuulung tana du yuulung na towong ara duuin de obo olowi lahala oindo ey yolahala puin tana barapi ba ara along du ey tana atepeng