Pepatudu Diona Pa'palako Mapia ¹ Pakilalai tumai tau anna muperangngi'i sia' toma'paretta, anna ma'din ma'palako mapia. ² ta'da mupalele beko tau, ta'da ma'siala, maramme' anna mapia penawa lako angkanna ma'rupatau. ³ annu' dolona maroki', ta'da ma'perangngi anna napassa' lalan kakadakean, nataloki' ma'rupa-rupa kamoraian anna kamasannangan tolino, kadake penawa anna sikabirri' lulako-ludiomai. ⁴ Appo' pa'kamasena Deata To mepasalama' napalanta', ⁵ nasurung napasalama' ki' tannia pa'pokau' mapiatta, appo' pa'kamase anna kamapiaan penawanNa lulako kaleta, nabekki' penawa Masero mubarassi'i kasalanta anna nabekki' katuoan bakaru. ⁶ Nabekki' Penawa Masero Deata molai Puang Yesus to umpasalama' ki'. ⁷ Dadi, kemakka ki' Napasalama', la namana' ki' situru' kaparannuanta diona katuoan saelakona. ⁸ Tonganna te kada e, dadi kupelaku ta'dako la malaya' mupopa'kuruan kada ia tee lulako angkanna ma'rupatau anna mala ma'palako mapia. ia te kada ma'kuna lako tau buda. ⁹ pasikambelai kalemu lako kasibekkaan ta'danna ma'kuna diona pepatudunna Musa, anu' yasanna ta'da ma'kuna. ¹⁰ Lulako to simupasisara'-sara' tau, pakilalai pentuan anna mupelle'i ke' ta'dako naperangngi'i. ¹¹ Anu' tau ia too, makkami napasassa' lalan kasalaan, annala musa'dingan kamaparrisan. ¹² Makkakku musua Artemas anna Tikhikus, kenamala saeko uttammuina' dio Nikopolis anu' makkami kukua la torro diona' ke wattunna kamadinginan sae. ¹³ situru' kamatoroanmu, tuntuanni Zenas to manarang pepa'kuruanna Musa, susi Apolos mautu dio lalan anna ta'dai kakurangan. ¹⁴ Parallu ki' mukarang tongan karangatta la malanna mupakanna' kaparalluatta anna ta'da ki' tidente. ¹⁵ Angkanna tau kusibawaan mukiring salama' lako kalemu. Anna duka' palampisanna' salama'ku lulako angkanna to mukamaseikan illalan pa'patonganan. Rokko' lulako kalemu yaasan.