¹ Simun Petrus, gang Yesus Kristus ge gaing wal, ging egula am mi miging etang Latala ge ckhowi ging Yesus Kristus gom mi wat. ² Egula anugrah mi tim nuko tas nuko amara ing ming e ing Latala mi Yesus etang Latala, gang wang om meyo. ³ Egat-Geg la mosoing Ang gat metmi mining nab nab egat tom gedano ckhowi ge gomi wat, gang wom tnau mi ning ping-Ge ler ckhowi mi gi. ⁴ Egula, Gang sei gi gang la enab-nab ge ckhowi ge wad mi pi brito e pingdi-Ge i mosoing, etang Ge yas par tang ga mi pi tlogo, e ping aki tom mi te klikil. ⁵ Egula ing di etabit iyom gom ge ckhowo, emung ge ckhowi mi ckhuni unang, ⁶ Ge ckhuni gu mi ang wang ckhaling, ang mi ang wang ckhaling sei si om gamaiyo , ge mosoing gu la wang apang gamayo, ⁷ Om gamayit mi egiri edang geng, om gamait egiri edang geng aki ang wang lalo. ⁸ Egula, egat egu ula ang ming si ang mitang-mitang, egusi ing bleu-bleu bino e ge isi ckhowi gu la ing ming pi Latala, Yesus Kristus geg. ⁹ Asi, uyackhi ge yang egu egat ging ming bino egu uyackhi get mra etang get yaso la mi uwabung esu ge yas-gasaing tur geg gu gasu mosoing sei. ¹⁰ Egula, Negiri-nedang, e gula ang wangkriang mi tumurung eta-tabit am e pekit ang wang trako; si ala wang kriang gu, amata ba bino. ¹¹ gang urang sei, Latala ge leling ge tun ping mi wat, Yesus Kristus gang beling pleter mi ping. ¹² Egu sei gi nang wang ia tutuk egu egat wang iyom meyo,weki ga ila lali sei etang ing ge ckhowi gu ila ckhumit pin tasi di nang etang wang ia tutuk. ¹³ nala yedi par moi ta wat ega, nang wang i britit ge yes ge meyang, ¹⁴ nang wang nom meyi sei namata user ma ga ming bino emung am ula mi netaring egu pi Latala,Yesus kristus. ¹⁵ Etang, tarangdi nang wangkriang er gackhanap e nang gi sei si ila yedi wang iyom meyo. ¹⁶ Yesus Kristus, ge rening ning niyet guackh mi lalo Ningga ning ulul geningang-ningang gumurung bino asi gingdi esu Latala ge rening mi am ga taring. ¹⁷ Gamam Latala gang ckhowi mi rai unang mi Yesus geng, emung Gamam nuk wang-Ge tutuk gedaning, '' egala Nuackh-ge nang wang tianing, Gang la Nom gedano, '' ¹⁸ Am gamang Surga mi rening gu nindi wati nuk wang ning-Gat esa-samung buku mosoing ge elesing ming. ¹⁹ Egu nindi esu kilwal ge tutuk gu molo, ingdi wang urung ni ckhuno emung i la ickhani gom mi damar ge ler lalang ge daning, wang get wad da dat om gom ming wang ckhanang. ²⁰ urang asi, ge tutut ing wang iano gu esu kilwal gu we bino egu sur mosoing ge gom uyackhi ge ckheyei wal. ²¹ ui nuku di ang mi taring esu gang kilwal bino; asi, uyackhi-namung gila wang tutuk ckheu mosoing la Latala gen mi wang tutuk