EE ANDE KRISTUS MOLO ¹ Pi Kristus omi mi anguse, etang, ariak, Roh tomimu tahanu tomi metma tejajahi angu ue. ² Nesuka navera angu ening aung. Vaila itumenu , iandenu, tomi tejahi partat anung metma Roh omi mi. ³ Eke ava ovi , oanghuring angu ahala arunge oomi ening alolang eke hula aing hengi, arunge nehe aabeung angu miaung. ⁴ Eke nehe nanut engmetma emamolo euling, arunge metma nehee angu dieuling. ⁵ Kilang ukur anga ue iahama angumi, emenghula ue Yesus Kristus abung mi angu. ⁶ Aing anguba Lahatala, arunge ana bae ava angu vengtahang hula aing angu Lahatala oole hama niang. ⁷ Ana ening emanghula naipa bae ue abung niang. Ana ava angu alolang metma malea angu edadenang, bot manusia molo. ⁸ Emanusia omimi angu, ana ava angu ening alolang va eamulung, ila amina tang boat aminat doe leut venghili. ⁹ Angepek anguba, Lahatala aing ohit atela bot ene angu nehe toang ene angu mi ateng oa. ¹⁰ Aulange Yesus ene omimi, nehe manut iia kuku muding, eba doe burangmi aeporalolang tang, poe porivang. ¹¹ Bot nehe nanut ajabur vengbanang, Kristus Yesus Lahatalah metma imang ening. LAHATALAH TOMIMI KARAJANG ¹² Nekaku, neserang nomi ijahi iini kilang kalaka selamat ela angu vengkarajang. Metma paliul eke hula na jedung uesehi arunge naueniangdi kilang vengkarajang. ¹³ Lahatala anguba iiomimi karajang, bot naba iiomimi delanang se vengkarajang mi omi asanang. ^{16 14} Emampi angu vengkarajang omi vang bot malavang ekang. ¹⁵ Aulange ini elue jasi bot ahala niang iing anguba Lahatala oalbot ini bae jasit nehe toang omimi niang, ini jarah metma nehe toang omi angumi bot jarah poralolang tang. Pinat anamang Lahatala ene apetang, angu aulange Kristus eved omimi naing meditmet nava ohit veng banang. Na karajang angu bae parasumang niang. ¹⁷ Neve angume bokonge menghula jar sadaka engu edadenang, metma ekarajang ebalenta angu adana, na lebale tojang suka navera metma. ¹⁸ Aulang dibaiing, hurnu kolang omimi iingmetma naing veng hama-hama lebale tojang. PAULUS ANA TIMOTIUS BOT EPAFRODITUS GAHING ¹⁹ V 19 Tuhan Yesus omimi, nami kuat metma Timotius gahing met apele ile aulange isarenta bana vengme angu nakudi lebal. ²⁰ Na ateing, neheipa bae aing edadenang niang omi kenap ana neape bae aing eda denang niang, omi kenap ana neape tang adang na ena ateing. ²¹ Nehe abeung angu ini apetat iapetang anguba vengtaburi, ini bae Yesus eapetang angu veng taburi niang. ²² Emenghula iini ateing, Timotius angu eboaipi angu epili veng ene amal angu angu ana nat veng balentat hama-hama emanghula val metma imang adenaangu adedenang. ²³ Nami kuat metma ainggahing, sengilase naateing nababa nepele hoa, ²⁴ bot nomi metma Lahatalah venganamang minuse nenangkolang di naepele hoa. ²⁵ Aulang arunge, etabit navengukur minuse Epafroditus gahingepele ila. ²⁶ Ana etabit omi metmaiing emampiing mi dadanang omi susa veng mee sehula ini dila. ²⁷ Etabit tura anguana dilaamper amina arunge Lahatalah omi metma ejahi bae metma enang kolang niang aulang arange nandi aulange na lebal apang angu ateing bot iiomi vava vang angu niang. ²⁸ Angepele, nomi etabit midadanang metma aing gahing epele ila aulange bale lebal apang angu ateing bot iiomi vava vang angu niang. ²⁹ Epafroditus aing vengariak Lahatalah omimi me suka navera bot neheba aing edadenang angu aingheda. ³⁰ Kristus ekarajang ana amper eming; Ana ava metma mainang me naba ini maenang angu veng aboi