¹ Lalu malekat tu pun manengokkan ka aku air sunge kahidupan nang jornih macam kristal, mangalir dari tahta Allah dan Anak Domba. ² Ditongah-tongah jalan kota tu, di kaduo sisi sunge tu, tumbuhlah pokok kahidupan nang manghasilkan duo bolas jonis buah dan manghasilkan buah satiap bulannyo, daun-daun pokok tu di pargunakan buek manyombuhkan bangso-bangso tu. ³ Tak ado lagi kutuk, tahta Allah dan Anak Domba akan ado dalam kota tuh. Hamba-hamba-Nyo akan manyombah Dio. ⁴ Orang tu akan manengok muko-Nyo dan namo-Nyo akan tacatat di koning orang tu. ⁵ Takkan ado lagi malam, sahinggo orang tu tak mambutuhkan cahayo lampu ato matahari, karono Tuhan Allah manorangi orang tu, dan orang tu akan mangatur salamo-lamonyo. ⁶ Malekat tu bacakap samo ku, "samuo parkatoan ni botul dan biso di parcayo, Tuhan Allah dari roh para nabi, mangutus malekat-Nyo buek mangengokkan ka hamba-hamba-Nyo apo nang akan sacopatnyo tajadi. ⁷ Dongarlah, sacopatnyo Aku datang! Diborkatilah orang nang manuruti parkatoan-parkatoan nubuat Kitab ni." ⁸ Aku Yohanes, nang sudoh mandongar dan manengok sagalonyo, waktu aku mandongar dan manengok sagalonyo, aku balutut ondak manyombah di kaki malekat nang sudoh manunjukkan sagalonyo ka aku. ⁹ Tapi dio bacakap ka aku, "Usah buek bagitu! Aku adolah hamba, samo kayak kau dan sodaro-sodaro kau, para nabi, jugo kayak orang nang manuruti parkatoan-parkatoan dalam kitab nih, sombahlah Allah." ¹⁰ Torus tu, malekat tu pun bacakap ka aku, "Usah manyegel parkatoan-parkatoan nubuat dalam kitab ni, karono waktunyo sudoh dokat. ¹¹ Bak biarlah orang nang babuat jahat totap babuat jahat, orang nang tak suci totap tak suci, orang nang bonar totap babuat kabonaran, dan orang nang kudus totap manguduskan dirinyo." ¹² "Dongarlah, sacopatnyo Aku datang!" Aku mambawak upah-Ku, buek mambalas satiap orang sasuei parangainyo. ¹³ Aku adolah Alpa dan Omega, nang Partamo dan nang Tarakhir, nang Awal dan nang Akhir. ¹⁴ Diborkatilah orang tu nang mancuci jubah orang tu, sahinggo orang tu mampunyoi pokok kahidupan dan masuk ka kota tu lewat pintu-pintu gorbangnyo. ¹⁵ Nang diluar kota tu adolah anjing-anjing, orang nang mambuek sihir, orang-orang cabul, paro pambunuh, paro panyombah bahalo, dan orang-orang nang manyukoi mambongak ¹⁶ Aku, Yesus, sudoh mangutus malekat-Ku buek basaksi ka kau, tontang sagalonyo ka jamaah-jamaah. Akulah Tunas dan katurunan Daud. Si Bintang Timur nang bacahayo torang bandorang. ¹⁷ Roh dan mampolei parampuan tu bacakap, " 'Moh lah!' Biarkan sajo orang nang mandongar ni bacakap, "Moh lah, biar sajo orang nang haus datang, biar sajo orang nang mau mangambek air kahidupan sacaro cumo-cumo." ¹⁸ Aku basaksi ka samuo orang nang mandongar parkatoan nubuat kitab ni "Bilo ado nang manambahkan sasuatu samo parkatoan-parkatoan ni, Allah akan manambahkan ka dio sagalo bancano nang tacatat dalam kitab ni. ¹⁹ Dan bilo ado nang mangurangi sasuatu dari parkatoan-parkatoan dalam kitab nubuat ni, Allah akan mangambek bagiannyo dari pokok kahidupan, dari suci, dan dari hal nang tacatat dalam kitab nih." ²⁰ Dio nang basaksi mangonoi hal ni bacakap, "Yo, Datang pun Aku sacopatnyo," Amen.! Datanglah, Tuhan Yesus!. ²¹ Anugrah Tuhan Yesus Manyortoi kamu samuo. Amen.