¹ Kamudian, satu darikatujuh malaikat nang mamegang tujuh mangkok tu mandokat dan bacakap samoku, katanyo, "Kamarilah, awak ondak manunjukkan samo kau hukuman buek palacur bosar tu, nang duduk di atas banyak aer, ² nang samo dio rajo-rajo bazinah orang tu nang tinggal di bumi udah mabuk oleh anggur parjinahannyo." ³ Mlaikat tu mambawak awak dalam roh ka padang balantaro, dan awak manengok saorang batino duduk di atas saekor binantang warnonyo merah nng ponuh nao-namo hujat, nang ado punyo tujuh kepalo dan sapuluh tanduk. ⁴ Batino tu mamakek baju bawarno ungu dan merah nang barhiaskan omas, batu-batu parmata dan mutiaro. Dio mamogang sabuah mangkok omas nang ponuh dongan kakojian samo kanajisan parjinahannyo. ⁵ Di koningnyo, ado tacatat suatu namo, suatu rahasio: "BABEL NANG BOSAR, OMAK PARA PALACUR DAN SAGALO KAKOJIAN DI BUMI." ⁶ Awak tengok batino tu7 mabuk oleh darah orang-orang suci dan oleh darah saksi-saksi Yesus. Pas waktu awak manengoknyo, awak rasa taheran-heran. ⁷ Lantas, malaikat bacakap samoku, "Knapo kau heran? Awak ondak bilangkan samo kau rahasio parompuan tu samo binatang nang dinaekinyo, nang kapalonyo tujuh samo batanduk sapuluh tu. ⁸ Binatang nang ka u tengok tu pornah ado, tapi udah tak ado sakarang, dan kojap ondak kaluar dari jurang maut manuju kabinasaannyo. Dan, orang tu nang tinggal di bumi, nang namonyo tak tacatat dalam kitab kahidupan sojak dunio diciptakan, akan taheran manengok binatang tu, nang paronah ado, tapi udah tak ado lagi sakarang, dan ondak muncul balek. ⁹ Parkaro ni mamorlukan hikmat jugo akal. Tujuh kapalo tu adolah tujuh gunung nang diatasnyo batino tu duduk. ¹⁰ Tujuh kapalo tu jugo adolah tujuh rajo, limo diantaronyo udah jatuh, satu rajo masih ado, dan satu rajo lagi bolum tibo, tapi pas dio tibo, dio harus tinggal sakojap sajo. ¹¹ Binatang nang dulu udah paronah ado, tapi sakarang tak ado lagi tu, adolah rajo nang kadalapan tapi dio tarmasuk dalam tujuh rajo tadi, dan dio manuju kabinasoannyo. ¹² Kasapuluh tanduk nang kau tengok adolah sapuluh rajo nang bolum manarimo pamarintahan, tapi rajo-rajo tu manarimo kuaso bak sebage rajo salamo satu jam basamo binatang tu. ¹³ Orang tu mamiliki tujuan gang samo, dan orang tu mambagikan kuaso dan kahondak orang tu samo binatang tu. ¹⁴ Orang tu ondak baporang malawan Anak Domba, tapu Anak Domba akan mangalahkan orang tu kartono Dio adalah Tuhan atas sagalo tuhan dan Raja atas sagala rajo dan orang-orag nang basamo-Nyo adolah nang dipanggil, dipilih, dan nang satio." ¹⁵ Torus, malaikat tu bacakap kepadoku, "Aer nang kau tengok, nang di atasnyo palacur tu duduk, adolah masyarakat, orang banyak, bangso, dan bahaso. ¹⁶ Kasapuluh tanduk nang kau tengok dan binatang tu akan mambonci si palcur. Orang tu ondak mambueknyo talantar dab talanjang, hinggo mamakan dagingnyo dan mambakar dio pakek api. ¹⁷ Karono, Allah udah mambikin hal tu di hati orang tu buek mancapai tujuan-Nyo dengan satuju ondak mambagikan kakuasoan orang tu kepado binatang tu hinggo firman Allah digonapi. ¹⁸ Batino nang kau tengok tu adolah kota bosar nang mamarintah atas rajo-rajo di bumi."