¹ Torus tu, Yesus ondak bacakap. "Ado orang nang baladang kobun anggur. Di pagari nyo lah samuo ladang anggur tu, dan manggali lubang tompat manampung air anggur tu, dan di buatnyo jugo pondok-pondok panjago. Dio manyewokan nyo ka paladang-paladang nang ado di situ punyo ladang tu pun pogi ka luar nogori. ² Tibo lah panen, di kirimnyo lah palayannyo ka panggarap ladang tu ondak mamintak hasil ladang anggur nyo. ³ Di tangkap orang tu pulak lah palayan nyo tu, dan di topuk nyo dan manghalangnyo torus pulang tak bawak apo-apo. ⁴ Torus tu, di suruh nyo lagi palayan nang lain ka orang tu, di topuk orang tu pulak la kapalonyo, dan dan di kasih malu orang tu jugo. ⁵ Torus tu, di suruhnyo pelayan nang lain nyo, dio bunuh jugo. tajadi jugak samo nang lainnyo, ado nang dilopuki, ado nang di bunuh. ⁶ Nang punyo ladang tu punyo satu budak, itu pun budak nang paling disayang nyo habis tu, di suruhnyo lagi pogi budak nyo samo orang tu torus bacakap lah dio, 'Pasti di hormati orangtu budak ku.' ⁷ Abis tu samuo panggarap kobun tu bakombur, 'Dio tu lah pawarisnyo, moh kito bunuh dio abis tu samo kito lah warisannyo tu.' ⁸ Torus tu, orang tu pun manangkap dan mambunuh nyo, dibuangkan nyo pulak ka luar ladang anggur tu. ⁹ Apo nang di buat nang punyo ladang anggur tu? datang lah dio di lonyapkan nyo lah samuo paladang tu dan di kasihnyo lah ladang anggur nyo samo nang lain. ¹⁰ Tak pornah nyo kamu mambaco Kitab Suci: 'Batu nang di buang bangunan, tu dah manjadi Batu panjuru. ¹¹ ini lah nang di buat Tuhan, nang di buat-NYO ni ajaib botul di mato kito ni'?". ¹² Torus tu, orang tu pun barusaho manangkap-NYO, tibo-tibo orang tu pun ciut manengok orang-orang nang banyak tu, nang mano umpamo-umpamonyo manyindir orang tu. Orang tu pun pogi maninggalkan Yesus. ¹³ Pas tu, datang pulo lah orang Farisi dan orang Herodian ondak manjobak Yesus dongan kato-kato-NYO tu sandiri. ¹⁴ Bacarito pulak lah orang ka pado Yesus, "Guru, tau nyo kami KAU botul dan tak paduli samo nang lain. Sobab, tak ponting samo KAU panampilan tapi, ondak kau ajari lah orang-orang tu nang botul-botul dari Allah tu. Apokah kito mambayar pajak samo kaisar tu ato tidak ". ¹⁵ Boleh kito mambayar ato tidak? Torus tu Yesus, pas dah tau orang tu munafik, Dio bacakap samo orang tu, "Kanapo kau cuboi Aku? kasih AKU 1 dinar tu bak bisa KU tengok." ¹⁶ Abis tu, di bawak orang tu lah dio, bacakaplah Yesus ka orang tu, "Siapo lah agaknyo nang punyo gambar samo tulisan ni?" Orang tu manjawab-NYO, " Kaisar lah nang punyo gambaran tu," ¹⁷ Torus, bacakap lah Yesus ka orang tu, "Apo nang punya Kaisar kau kasih lah, dan apo nang punya Allah kasih jugo ka Allah." Torus tu, takojut lah orang tu manengok Yesus. ¹⁸ Torus tu, orang-orang Saduki, nang bacakap tak ado nang bangkit, batanyo pula orang tu ka Yesus, kato-NYO, ¹⁹ "Guru, Musa manulis samo kami bilo ado nang punya sudaro bujang, mati di tinggalkannyo binik nyo, dan di tinggalkannyo budak nyo, Sudaronyo nang bujang tu harus mangawini janda tu dan manambah katurunan ka sudaro nyo. ²⁰ Ado tujuh orang basudaro. Sudaro partamo mandapat saorang binik, tapi dio mati, dio tak punyo katurunan. ²¹ Torus tu, sudaronyo nang kaduo tu mangawini daro tadi tu, mati dio tak ado maninggalkan katurunan nyo. Samo jugo sudaro nang katigo. ²² Torus, tak ado dari nang tujuh tu maninggalkan budak. Akhirnyo mati jugo daro tu. ²³ Pas masa kabangkitan tu, pas orang tu bangkit, jadi binik siapo lah daro tu? Sobab, katujuh basudaro tu manjadikannyo binik." ²⁴ Di jawab Yesus orang tu, "Tak lah ini alasan kau manjadi sosat, korno tak paham Kitab Suci ato kuaso Allah? ²⁵ Sobab, pas bangkit orang tu dari orang nang mati tu, orang tu pun tak ado nang kawin ato dikawini, tapi orangtu kek malaikat di surgo. ²⁶ Umpamo orang nang dibangkitkan dari kamatian, cok ko baco di kitab Musa tu, di bagian tontang somak balukar? bukannyo Allah bacakap samanyo, "Aku adolah Allah Abraham, Allah Ishak jugo Allah Yakub. ²⁷ DIO bukan Allah orang nang maninggal, tapi Allah orang nang hidup. Kau botul-botul sosat!". ²⁸ Torus tu, datang pulak lah saorang nang mandongar orang tu batongkar. Manengok lah orang tu pas Yesus manjawab orang tu dongan botul, batanyo lah dio samo Yesus, "Nang mano nang paling ponting dari perintah ni?". ²⁹ Manjawab Yesus, "Hukum nang ponting adolah: 'Dongarkan, woi orang-orang Israel! Cumo Tuhan Allah sajolah Tuhan kito tak ado nang laen. ³⁰ Torus tu, kau sayangi lah Tuhan Allah kau tu dongan samua jiwo kau, dongan samuo pikiran kau jugo samuo kakuatan kau.' ³¹ Torus, nang ka duo tu: 'Kau kasihi lah sasamo kau kek kau mangasihi diri kau tu sandiri.' Tak ado hukum nang lobih bosar dari ni." ³² Torus tu, bacakap lah ahli Taurat tu samo Yesus, "Kau tu bonar, Guru. Kau bonar nang mangatokan DIO tu satu, tak ado salain DIO. ³³ Torus tu botul botul lah kau mangasihi DIO dongan sagonap hati dan ponuh pengortian, dan samuo kakuatan, dongan mangasihi sasamo kau sandiri nang lobih ponting macam mangasihi kau sandiri lobih ponting lagi itu daripado bakurban bakan samo pasombahan," ³⁴ Torus tu, pas di tengok Yesus orang tu manjawab dongan bijaksano, DIO bacakap samonyo, "Tak jauh kau dari Karajaan Allah." Udah tu, tak ado lagi nang barani batanyo ka Yesus. ³⁵ Pas Yesus mangajar di Bait Allah bacakap lah DIO, " Kek mano biso ahli-ahli Taurat tu bacakap Kritus tu budaknyo si Daud? ³⁶ Samantaro si Daud sandiri nang bacakap samo Roh Kudus, 'Bacakap lah Tuhan samo Tuanku: Duduklah kau di sabolah kanan-KU, sampek ku tarok lawan KAU di bawah kakik-KAU.' ³⁷ Si Daud tu nang bacakap Kristus tu 'Tuhan.' Torus tu, kek mano biso Kristus adolah budaknyo?" dan samuo orang tu mandongar-NYO dongan sonang. ³⁸ lv 38 Dalam ajaran-NYO, bacakap Yesus, "Bajago-jagolah samo ahli-ahli Taurat tu, ado nang suko bajalan mamakek jubah panjang dan ado jugo nang suko mamintak salam hormat di tompat-tompat umum, ³⁹ Punyo dio jugo tompat duduk nang tahormat di sinagoge-sinagoge dan tompat-tompat kahormatan di pajamuan-pajamuan. ⁴⁰ Samuo orang tu marampok rumah jando dan dio pun ba bolit-bolit badoa nang panjangan pulak itu doanyo. Orangtu nang akan mandapat hukuman nang lobih borat." ⁴¹ Torus tu, pas kali Yesus duduk di mukak pasombahan tu dan manengok orang-orang nang mambori uang ka kotak pasombahan tu. Rame orang kaya nang manyumbang banyak. ⁴² Abis tu, ado jando nang miskin mangasih duo koping uang logam nang banilai 1 sen. ⁴³ Torus tu DIO mamanggil murid-NYO dan bacakap lah DIO, "Nang botul nyo nang ku bilang ni samo kamu, lobih banyak jando miskin tu mangkasih ka dalam kotak tu daripado nang lain. ⁴⁴ korno orang tu samuo mangasih dari kalimpahan orang tu, tak macam jando miskin tu, mangkasih dari kamiskinannyo, mangasih samuo nang dio punyo, samuo nang rajokinyo."