¹ Abis tu, Yesus maninggalkan tompat tu dan porgi ke tompat yang banamo Yudea dan kasaborang sunge Yordan. Dan banyak orang bakumpul mangarumuni DIO. kek biasonyo, DIO mangajar orang tu lagi. ² Abis tu datang lah orang orang Farisi tu mendatangi-NYO, dan untuk mancuboi-NYO, orang tu pun batanyo, "apokah dibotulkan lakiknyo mancorekan biniknyo? ³ Torus dijawab Yesus lah orang tu, "Jadi Apo yang disuruh Musa samo kamu?" ⁴ Torus dijawab orang tu lah, "si musa manijinkan si lakik mambuat surat core dan mancorekan biniknyo." ⁵ Tetapi, Yesus bacakap samo orang tu, lantaran gingging kamutulah, mangkonyo dituliskan si Musa parintah ni samo kamu. ⁶ Jadi, pas mulo mulo di ciptakan-NYO anak bujang dan anak perawan. ⁷ Karono itulah anak bujang maninggalkan ayahnyo samo omaknyo. ⁸ dan kaduonyo akan menjadi satu daging, itulah mangkonyo orangtu baduo bukan lagi duo malah jadi satu daging. ⁹ nah, kalo sudah di satukan Allah, mana boleh di pisahkan orang. ¹⁰ Abistu, pas dalam rumah, ditanyo murid murid-NYO lah samo DIO lagi tentang pasal tadi tu. ¹¹ Mako, dijawab-NYO lah, "siapo nang mancorekan biniknyo dan kawin lagi samo yang lain, berarti bajinah samo biniknyo tu ¹² Dan kalo biniknyo nang mancorekan lakiknyo dan kawin pulak lagi samo yang lain, bajinah jugo lah dio samo lakiknyo. ¹³ Dan orangtu membawak budak-budak kocik samo Yesus agar di sontuh-NYO budak-budak kocik tu, tapi di togur murid-murid -NYO orangtu. ¹⁴ jadi, pas ditengok Yesus lah itu, jadi marah lah DIO dan di togur-NYO murid-murid-NYO, "biarkan sajolah budak-budak kocik tu datang samo-KU dan jangan pulak kamu halangi budak-budak kocik tu karono Kerajaan Allah adalah punyo orang-orang kek budak-budak kocik tu. ¹⁵ Inilah nang ondak ku cakapkan sabotulnyo samo kau, siapo sajo nang tak manyambut Kerajaan Allah kayak budak-budak kocik ni, tak akan masuk ke dalamnyo. ¹⁶ Abistu dipoluk Yesus lah budak-budak kocik tu, di upah-upah-NYO lah budak-budak kocik tu dan tangan-NYO di tarok ke kapala budak-budak kocik tu. ¹⁷ Pas lagi basiap-siap lah Yesus ondak pogi, tibo-tibo ado datang laki-laki balari-lari sampe tasungkur topat di mukak-NYO sambil batanyo dio, "Oii Guru nan baik hati, supayo dapatku warisan yang kokal, apolah sakironyo nang aku ondak korjokan?" ¹⁸ Bacakap Yesus ka DIO, "mangapo pulak ko bilang AKU baik? manado nang baek salaen Allah kito tu. ¹⁹ Tau ato tidak nyo kau ajaran tu: 'macam jangan mambunuh, jangan bajinah, jangan mancuri, jangan mambongak, jangan manokoh, hargai dan sogani ayah samo omak kau."' ²⁰ Abis tu di jawab orang tu lah, 'Samuonyo itu udah ku karojokan pas mulai aku kocik, Guru!." ²¹ Jadi kasihanlah Yesus manengok anak mudo tu, jadi dibilang-NYo lah kayak gini, "Ado nang bolum ko korjokan. Cak ko jual dulu samuo harto kau tu, torus tuh, ko bagi-bagikan samuo ka orang-orang nang miskin, KU jamin ko pasti dapat harto nang sabotulnyo. Abis tu, moh ikut samo KU." ²² Jadi tak tonang dio gara-gara cakap Yesus tu, lanjar jadi pogi lah dio korno suntuk, sankinkan banyak nyo harta dio tu. ²³ Di tengo i Yesus lah di sakitar-NYO sambil bacakap ka murid-murid-NYO, "nang sulitan bayah orang kayo biso masuk ka dalam Kerajaan Allah!" ²⁴ Jadi Takojut murid-murid tu korno cakap-NYO itu, " tapi di jolaskan Yesus lagi, bagini katonyo, "Oi Anak-anak KU, nang susahan lah ondak masuk ka Karajaan Allah tuh! ²⁵ Lobih sonang lagi saekor onta masuk ka Karajaan Allah dari pado orang kaya tu." ²⁶ Makin takojut lah murid-murid tu, batanyo lah orang tu, "bah, jadi siaponyo yang botul di salamatkan?" ²⁷ Ditengok i Yesus lah orang tu sambil bacakap, "Kolok samo manusio tu, mustahil lah memang, tapi tak bagitu samo Allah kito. Korno tak ado nang tak mungkin bagi DIO." (Upah Pangikut Yesus) ²⁸ Bacakaplah si Petrus ka Yesus, "Sudah samuo kami lopaskan supayo mangikuti KAU!" ²⁹ "Inilah cakap KU nang samotan-motan nyo, kato Yesus, tak saorang pun hanya korno Injil ni jadi maninggalkan rumah nyo, sodaro-sodaro nang bujang ato nang parawan, omak nyo, ayah nyo ato budak-budak kocik nyo ato sawah ladang nyo, ³⁰ Nang saat ni mandapat saratus kale lipat -- rumah-rumah, sodaro nang bujang ato nang parawan, omak-omak dan budak-budak kocik, sawah ladang, dengan pambantaiyan; ondak sampe karang, hidup nang kokal. ³¹ Aneh nyo, banyak pulak yang mulonyo dio di awal, jadi nang tarakhir pulak dio, dan nang tarakhir, jadi nang di awal pulak." ³² Torus pogilah orang tu nan dipimpun Yesus naik ka Yerusalem. Orang tu pun tacongan dan nan mangikuti-NYO pun ciut nyalinyo, lalu dibawak-NYO lah balek kaduo bolas murid-NYO, di bagi tau nyo lah apo nang tarjadi ka DIO. ³³ Katonyo, kamu tengok lah sakarang ni kito nang naik ke Yerusalem dan Anak Manusio ondak dibagikan ka Imam-imam kapalo dan Ahli-ahli Taurat, orang tu pun manghukum-NYO sampek mati dan mambagikan-NYO ka orang-orang nang bukan Yahudi. ³⁴ Dicaci dan di ludahi orang tu lah DIO dan digimbalnyo hinggo di bunuh nyo, pas sasudah tigo hari tu bangkit lah DIO. ³⁵ Salose tu, Yakobus dan Yohanes, basamo-samo anak-anak Zebedeus, badatangan lah ka Yesus dan bacakap, Guru, pengen kali nyo kami ni manengok KAU mambuat nan kami inginkan. ³⁶ Lalu bacakpalah Yesus ka orang tu, apo nang ondak AKU bikin ka kamu samuo?" ³⁷ Bacakaplah orang tu ka DIO, KO bagilah kami dulu duduk di sabolah kanan dan di sabolah kiri. ³⁸ Lalu bacakaplah Yesus ka orang tu, nag tak tau nyo kamu apo nang kamu minta tuh, sanggup kah kalian maminum dari cangkir nang tompat minum KU tu, ato di baptis nang di baptiskan samo kayak aku?" ³⁹ Lalu di jawab orang tu lah, "sanggup bah!" torus bacakap lah Yesus ka orang tu cangkir nang ondak KU minum tu, pasti kalian minun jugo dan kalian pun di baptis samo macamano aku di batis kan. ⁴⁰ Nang manopun duduk di sabolah kanan bak sabolah kiri ku, tak lah aku nang mangkasi nyo, tapi tompat tu orang-orang tu sandirilah nang manontukan nyo. ⁴¹ Takojut sapuluh murid NYO tu mandongar NYO, mangamuk orang-orang ka Yakobus dan Yohanes. ⁴² Torus tuh, Yesus mamanggil dan bacakaplah Yesus ka orang tu "Tau tidak kamu woi, orang tu nang dianggap sabagai pamarintah orang-orang bukan Yahudi mambuat saolah bakuaso atas orang tu, dan katuo-katuo orang tu mamakek kakuasoan atas orang tu. ⁴³ Tapi kan diantaro kawan ondak nyo jangan lah bagitu, ado baiknyo siapo nang ondak manjadi bosar diantaro kalian, harus manjadi pambantu kalian. ⁴⁴ Dan siapo ajo nang ondak jadi nang partamo diantaro kalian harus manjadi pambantu ka samuo nyo. ⁴⁵ Sobab bahkan saorang budak pun datang bukan ondak di layani, malainkan ondak malayani, dan ondak mamborikan nyawo-NYO manjadi tobusan ka banyakan orang." ⁴⁶ Sampeklah orang tu di Yerikho, waktu tu Yesus pogi maninggalkan Yerikho samo-samolah DIO dengan murid-murid-NYO jumpolah orang tu samo pangomis buto nang banamo Bartimeus busak si Timeas, io duduk di pinggir jalan. ⁴⁷ Di dongar orang buto tuh lah Yesus dari Nazaret lewat, Mako batariak dio, "Kasihanilah aku oh Yesus budak Daud" v 48 Samakin koncang dio manjorit " o Yesus budak Daud, kasihanilah aku bayo," lanjar di suruh orang-orang pun dio supayo diam. ⁴⁹ Lalu barontilah Yesus sambil bacakap "bak panggil dio kasinin" di panggil orang-orang tu lah orang buto tu, lalu bacakap "Tonang ko yo! togak kau! di panggil-NYO kau." ⁵⁰ Torus di lopaskan orang buta tu lah jubah nyo, torus togak lah dan datang ka Yesus. ⁵¹ Bacakaplah Yesus samo nyo, apo ondak ati kau bak ku bikin, buek lah aku bisa manengok, Guru, kato nang buto tu. ⁵² Torus kato Yesus samonyo, "kinin ko dah sombuh, korno kayakinan ko tu," dio pun langsung manengok dan pogi mangikut Yesus bajalan.