(Orang-orang Majus Manyombah Yesus) ¹ Kinin, satolah Yesus lahir di Betlehem, di Yudea, pas zaman Rajo Herodes, tengoklah, orang-orang Majus dari timur datang ka Yerusalem. ² Orang tu batanyo, "Dimanonyo Dio, Rajo orang Yahudi nan dilahirkan tu? Korno, kami dah manengok bintang-Nyo di timur dan kami datang ondak manyombah-Nyo" ³ Pas Rajo Herodes mandongar hal ni, suntuklah dio dan saluruh Yerusalem basamonyo. ⁴ Trus, dio mangumpulkan samuo imam kapalo dan ahli-ahli taurat bangso tu. Dio batanyo samo orang tu, dimano Kristus dilahirkan. ⁵ Orang tu manjawab, "Di Betlehem, wilayah Yudea, karono kek ginilah nan ditulis oleh nabi: ⁶ 'Tatapi engkau, hai Betlehem Efrata di tanah Yudea, engkau tak lagi nan takocik diantaro panguaso Yehuda, karono darimu akan bangkit untuk-Ku, saorang nan akan mamarintah Israel.'" ⁷ Torus tu, Herodes diam-diam mamanggil orang-orang Majus tu, minta kapastian dari orang tu, tontang waktu basinarnyo bintang tu. ⁸ Trus, dio manyuruh orang tu ka Betlehem dan bacakap, "Pogi dan salidikilah motan-motan tontang Anak tu. Dan, kolok kamu dah manomukan-Nyo, kasihtaukanlah samoku bak supayo aku jugo bisa datang dan manyombah-Nyo." ⁹ Satolah mandongarkan rajo, orang tu pun pogi, dan, tengoklah, bintang nan orang tu tengok di timur tu manuntun orang tu sampe tibo dan baronti di atas tompat Anak tu barado. ¹⁰ Pas manengok bintang tu, orang tu basukocito , dan dengan sukocito nan sangat bosar. ¹¹ Satolah masuk kadalam rumah, orang tu manjumpoi Anak tu basamo omak-Nyo, Maria. trus, orang tu tasungkur dan manyombah-Nyo. Kamudian, orang tu mambuko tompat-tompat harto orang tu dan mamparsombahkan hadiah-hadiah samo Dio, yaitu: Omas, Kamonyan dan Mur. ¹² Dan, Sasudah diparingatkan dalam mimpi bak supayo jangan balek samo Herodes, orang tu balek ka nogrinyo lewat jalan nan laen. ¹³ Satolah orang-orang Majus tu pogi, tengoklah, Malekat Tuhan manampakkan diri samo si Yusuf dalam mimpi dan bacakap, "Bangunlah! kau bawaklah Anak tu samo omak-Nyo dan larilah ka Mesir. Ontoklah disanan sampe Aku bacakap samo kau, korno Herodes ondak mambunuh Anak tu dan mambinasokan-Nyo." ¹⁴ Torus tu, Yusuf bangun dan mambawak Anak tu samo omak-Nyo pas waktu malam ondak pogi ka Mesir. ¹⁵ Dan ontok disanan, sampek Herodes mati, bak supayo digonapilah nan difirmankan Tuhan malalui nabi, "Dan dari Mesir Kupanggila Anak-Ku." ¹⁶ Kamudian, pas Herodes tahu, kolok dio dah dibongak'i samo orang-orang Majus tu, marah kalilah dio dan mamarintahkan ondak mambunuh samuo anak laki-laki di Betlehem dan saluruh wilayah di sakitarnyo, nan barumur duo tahun kabawah, sasuei samo waktu nan dah dio pastikan dari orang-orang Majus. ¹⁷ Maka, gonaplah nan disampekan samo Nabi Yeremia: ¹⁸ "Suatu suaro tadongar di Rama, tangisan dan ratapan nan sangat sodih. Rahel manangisi anak-anaknyo, dan tak mau dihibur, korno orang tu dah tiado. ¹⁹ Namun, pas Herodes mati, tengoklah, malaekat Tuhan manampakkan diri dalam mimpi si Yusuf di Mesir. ²⁰ Dan bacakap, "Bangunlah, bawak Anak tu samo omak-Nyo dan pogilah ka tanah Israel, karono orang-orang nan barusaho ondak mambunuh nyawo Anak tu dah mati. ²¹ Trus, dio bangun dan mambawak Anak tu samo omak-Nyo dan balek katanah Israel. ²² Tak taunyo, pas di dongarnyo, kolok Arkhelaus mamarintah di Yudea manggantikan Herodes, ayahnyo, Yusuf takut ondak pogi kasanan. Satolah diparingatkan dalam mimpi, dio pogi ka wilayah Galilea. ²³ Tibo lah dio dan tinggal di satu kota nan banamo Nazaret, bak supayo gonaplah nan disampekan para Nabi, "Dia akan disobut orang Nazaret"