(Hukum Allah dan Tradisi Manusio) ¹ Abistu, babarapo orang Farisi dan ahli-ahli Taurat dari Yerusalem datang samo Yesus dan bacakap. ² "Mangapo murid-murid-Mu malanggar tradisi nenek moyang kito? Korno, orang tu tak mancuci tangan pas makan roti." ³ Dan, Yesus manjawab jugo bacakap samo orang tu, "Dan, mangapo kamu malanggar parintah Allah demi tradisimu? ⁴ Korno Allah bafirman, 'Hormatilah ayah dan omakmu, dan 'Siapo nan mangutuki ayah ato omaknyo, harus dihukum mati.' ⁵ Namun, kamu bakato, "siapo sajo nan bakato samo ayah ato omaknyo, ' apo pun pamborian untuk mu dah diparsombahkan samo Allah." ⁶ dio tak porlu manghormati ayah ato omaknyo. Dengan kek gitu kamu mambatalkan firman Allah demi tradisimu. ⁷ Kamu, orang-orang munafik, memang botullah nubuatan nabi Yesaya tontang kalian. : ⁸ 'Bangso ni manghormati Aku pakek mulut orang tu, tatapi hati orang tu jauh dari-Ku. ⁹ Dan, sio-sio lah orang tu manyombah Aku pakek pangajaran parintah-parintah manusio." ¹⁰ Dan, Yesus mamanggil orang banyak dan bacakap, "Dongar dan pahamilah! ¹¹ Bukan apo nan masuk kadalam mulut nan manajiskan orang, tatapi, apo nan kaluar dari mulutnyo lah, itulah nan manajiskan orang. ¹² Abistu, murid-murid Yesus datang dan batanyo samo-Nyo, "Taunyo Engkau, kolok orang-orang Farisi tasinggung pas mandongar cakap Kau ni? ¹³ Yesus manjawab dan bakato, "satiap tanaman nan tak ditanam samo Ayah-Ku nan disurgo akan dicabut sampe akar-akarnyo. ¹⁴ Bak biarlah orangtu, orang tu adolah panuntun-panuntun buto dari orang-orang buto. Dan, kolok orang buto manuntun orang buto, kaduonyo akan jatuh kadalam lubang." ¹⁵ Petrus bakato samo Dio, "jolaskanlah parumpamoan tu samo kami." ¹⁶ Yesus manjawab, "apo masih bolum paham jugonyo kalian? ¹⁷ Apo tak paham kalian, kolok apopun nan masuk kadalam mulut akan turun ka porut dan dibuang kadalam jamban? ¹⁸ Akan tatapi, apo nan kaluar dari mulut, muncul dari hati, dan itulah nan manajiskan orang. ¹⁹ Karono dari hati timbul pikiran-pikiran jahat, pambunuhan, parzinaan, doso-doso seksual, pancurian, kasaksisan palsu dan fitnah. ²⁰ Hal-hal inilah nan manajiskan orang, tatapi makan tanpo mancuci tangan tak manajiskan orang." ²¹ Abistu, Yesus pogi dari sanan dan manyingkir ka daerah Tirus dan Sidon. ²² Dan, Tengoklah, sorang parampuan Kanaan nan barasal dari daerah tu datang dan berseru, "Kasihanilah aku, Tuhan, Anak Daud, anak parampuanku karasukan roh ta'un nan sangat parah." ²³ Akan tatapi Yesus tak manjawab parampuan tu, satu kato pun tidak, dan, murid-murid-Nyo datang dan mandosaknyo, kato orang tu, "Suruh ajolah dio ni pogi, karono dio torus-torusan batariak dibalakang kito." ²⁴ Trus, Dio manjawab dan bacakap, Aku ni hanyo diutus kapado domba-domba nan hilang dari umat Israel." ²⁵ Kamudian, parampuan tu mandatangi dan sujud dihadapan Yesus, katonyo, "Tuhan, tolonglah aku!" ²⁶ Yesus manjawab dan bacakap, "Tak cocok mangambek roti punyo anak-anak dan mancampakkannyo samo anjing-anjing." ²⁷ Parampuan tu pun manjawab pulak, "Botulnyo itu Tuhan, tapi, anjing-anjing tu pun ondak jugonyo mamakan bokas pocahan nan jatuh dari meja tuannyo." ²⁸ Abistu, Yesus bakato samo dio, Hai parampuan, iman kau tu bosar!, jadilah samo kau kayak apo nankau inginkan." Pada saat itu jugo, anak parampuannyo pun disombuhkan. ²⁹ Yesus pogi dari sanan, manyusuri pinggir danao Galilea. dan sasudah mandaki kaatas bukit, Dio duduk disanan. ³⁰ Abistu, karumunan bosar orang datang samo Dio, mambawak orang-orang nan lumpuh, cacat, buto, bisu dan orang banyak nan lainnyo. Lalu, orang tu mambaringkan orang-orang tu di kaki Yesus dan Dio manyombuhkan orang tu. ³¹ Sahinggo orang banyak tu tacongang-congang pas orang tu manengok nan bisu bisa bacakap, nan cacat dipulihkan, nan lumpuh bisa bajalan, dan nan buto bisa manongok, dan orang tu mamuliokan Allah Israel. ³⁵ (Yesus Mangasih Makan Samo Ompat Ribu orang Lobih) ³² Yesus mamanggil murid-murid-Nyo dan bakato, "Jadi kasihan pulak Aku samo orang-orang itu, karono mereka dah basamo-Ku salamo tigo hari dan tak mampunyoi makanan. Dan Aku tak ondak manyuruh orang tu pulang kalaparan, bak supayo orang tu tak pengsan di jalan." ³³ Abistu, para murid bakato samo Dio, "Dari manolah kito ondak mandapatkan roti sabanyak itu, ditompat nan sunyi ni, ondak mangonyangkan orang tu pulak nyo. ³⁴ Yesus batanyo samo orang tu, "Ado barapo banyak roti nan ado samo kamu?" dijawab orang tu, "ado tujuh roti dan babarapo ikan kocik." Trus Yesus mamarintahkan orang banyak tu duduk ditanah. ³⁶ Abistu, Dio mangambek katujuh roti jugo ikan-ikan itu, dan sambil mangucap syukur, Dio mamocah-mocahkannyo dan mangasihkannyo samo murid-murid-Nyo, dan murid-murid-Nyo mambagikannyo samo orang nan banyak tu. ³⁷ Orang tu samuo makan dan dikonyangkan, Trus orang tu mangambek potongan-potongan nan sisah, ado tujuh karanjang ponuh. ³⁸ Orang nan makan tu samuo, jumlahnyo ompat ribu orang laki-laki, bolum tarmasuk parampuan dan anak-anak. ³⁹ Satolah manyuruh orang banyak tu pulang, Yesus masuk ka parahu dan pogi ka daerah Magadan.