¹ Samuo parjanjian nang lamo pun barisi tontang paraturan Ibadah dan tompat Kudus nang ado di bumi. ² Bagitulah Kemah Allah di parsiapkan, bagian luar nyo tardapat Cahayo, meja dan Roti sajian. ³ Dibalakang tirai kaduo iolah bagian kemah nang di bilang ruang Mahasuci, ⁴ Di tompat tu tardapat Altar padupaan nang di buat dari omas dan Tabut parjanjian nang saluruh sisinyo di lapisi omas. Didalam Tabut tu, tardapat sabuah kendi omas nang barisi Manna, Tongkat Harun nang pornah batunas, jugo duo Lempeng Batu Parjanjian. ⁵ Diatasnyo, ado duo Kerub Kamulioan nang manaungi tutup pandamaean tu, tapi saat ni, bukanlah waktu nang pas buat mancaritokannyo sacara tarparinci. ⁶ Sasudoh samuonyo tu di parsiapkan sacocok mungkin, samuo Imam tu masuk ka bagian partamo dari kemah, secara rutin, agar malakukan palayanan Ibadah samo Allah. ⁷ Tapi cuman Imam bosar sajo nang boleh masuk ka bagian kaduo dari kemah tu. Itu hanyo satahun sakali, dan mambawak darah buek di parsombahkan samo Allah domi dirinyo sandiri dan domi doso-doso Umat nang di lakukan tanpo sangajo. ⁸ Roh Kudus manyatokan kapado kito, bahwa jalan manuju ruang Mahasuci bolum tabuko salamo ruang Suci masih ado. ⁹ Hal tu iolah kiasan mangonoi aman ini, jugo sabagai pamborian dan kurban-kurban nang di parsombahkan tuk dapat mayampurnokan nurani orang-orang nang baribadah. ¹⁰ Sobab tu adolah bakaitan dengan makanan, minuman dan ritual pambasuhan buek tubuh jasmani nang balaku hinggo waktu pambaharuan. ¹¹ Tapikan! saat Kristus datang sabagai Imam Bosar atas hal-hal nang akan datang, Io masuk malalui tompat Suci nang lobih dan lobih sampurno nang tak di buek samo tangan manusio dan tidak suatu ciptoan. ¹² Io masuk ka Ruang Mahasuci satu kale buek salamonyo, bukan dengan mambawa darah kambing jantan, dan darah anak sapi, tatapi dengan mambawo darah-Nyo sandiri, sahinggokan mandapat panobusan nang kokal. ¹³ Sudoh waktunyo pamorcikan darah kambing jantan dan sapi jantan dan jugo abu anak sapi batino, kapado orang nang najis, dapat manyucikan tubuh jasmani orang tu. ¹⁴ Lobih-lobih lagi darah Kristus, yaitu Io nang malalui Roh nang kokal, mamparsombahkan diri-Nyo, sabage kurban nang tak bacacat samo Allah, buek manyucikan hati nurani kau, dari parbuatan2 nang sio-sio, supayo kamu dapat malayani Allah nang hidup tu. ¹⁵ Dengan alasan inilah Kristus manjadi parantara dari parjanjian nang baru, supayo orang sudoh dipanggil Allah, biso manarimo warisan kokal nang sudoh di janjikan-Nyo, sobab kamatian sudoh tajadi, buek manobus orang dari palanggaran-palanggaran nang orang lakukan di bawah parjanjian nang partamo. ¹⁶ Jiko ado surat-surat wasiat, mako harus adolah kamatian orang nang mabeuknyo. ¹⁷ Sobab tu, surat wasiat hanyo balaku jika orang nang mambueknyo sudoh mati, surat tu tak kan mamiliki kuaso, kalok orang nang mabueknyo masih hidup. ¹⁸ Itulah mangapo parjajnjian partama pun tak balaku tanpu korban darah. ¹⁹ Sobab tu lah, sawaktu Musa mangkasih tahukan satiap parintah dalam hukum taurat samo umat Israel, Io mangambil darah anak sapi dan kambing, lalu manyatukannyo samo air, dan manggunokan kain wol merah serta sabatang hisop, Io mamorcikkannyo pado Kitab Taurat, pado samuo Umat. ²¹ Sarupo caranyo Musa, jugo mamorcikkan kemah suci dan samuo parlongkapan nang di gunokan dalam Ibada dengan darah. ²² Manurut Hukum Taurat sagalo sasuatu harus di sucikan dengan darah, tanpo adonyo panumpahan darah, tak kan ado pangampunan. ²³ Karono tu, sagalo sasuatu nang malambangkan hal-hal Surgawi, porlu di sucikan dengan hal ni, tatapi sagalo sasuatu nang di surgo di sucikan samo korban nang lobih elok. ²⁴ Sobab Kristus tak masuk ka dalam Ruang Mahasuci nang dibuek samo tangan manusio, nang hanyolah tiruan dari nang sasungguhnyo. tatapi Io masuk ka dalam Surgo tu sandiri dan sakarang barada di muka Allah, demi kito. ²⁵ Kristus jugo tak mamparsombahkan diri-Nyo barulang kali, saporti Imam bosar nang harus masuk ka ruang Mahasuci dari tahun ka tahun, dengan mambawa darah nang bukan dara-Nyo sandiri. ²⁶ Tapinyo, Kristus harus mandarito barulang kali sojak dunio di ciptakan-Nyo, akan tatapi Kristus hanyo manyatukan diri-Nyo satu kale sajo, buek salamo-lamonyo, pada akhir zaman, domi manghapus doso, dengan caro mamparsombahkan diri-Nyo sandiri ²⁷ Saporti manusio, nang di tontukan buek mati satu kale sajo, dan sasudoh tu, manghadap panghakiman. ²⁸ Bagitu jugo Kristus, sakali sajo Dio di parsombahkan buek mananggung doso banyak orang, Io akan datang buek kaduo kalinyo, bukan buek manganggung doso, malainkan buek mambawa kasalamatan bagi mereka nang manantikan Dio