¹ Sobab, Melkisedek, Raja Salem dan Imam Allah yang Mahatinggi, manjumpoi Abraham satolah Abraham balek dari mambantai Rajo-rajo, dan mamborkatinyo. ² Kapado Melkisedek, Abraham jugo mambagikan saparsapuluh dari samuo harto rampasan yang di dapatnyo. Mulo-mulo namo Melkisedek bararti, "Rajo Kabonaran," torus tu "Rajo Salem" nang bararti "Raja Damai". ³ Io tak bar Ayah ato barOmak, ato tak punyo sodaro, dan hidupnyo tak barawal ato barakhir. Tapi, maam Anak Allah, io ondak manjadi Imam bak salamo-lamonyo. ⁴ Tengoklah, batapo agungnyo orang ni, bahkan Abraham leluhur kito pun manyorahkan ka dio saparsapuluh dari samuo hasil rampasan porang nyo. ⁵ Manurut hukum taurat, budak si Lewi nang manarimo jabatan Imam tu borhak mangumpulkan parsapuluhan dari umat nang marupokan sodaro orang tu. Meskipun orang tu samo-samo katurunan Abaraham. ⁶ Tapikan! Melkisedek nang tak dari katurunan Lewi pun, totap manarimo parsapuluhan dari Abraham dan mamborkati dio nang mamegang janji-janji Allah. ⁷ Dan, tak biso disangkal, nang lobih rondah di borkati samo nang lobih tinggi. ⁸ Dalam satu hal, parsapuluhan di tarimo oleh manusio fana nang biso mati, tapikan!, dalam hal ni di tarimo oleh dio, nang di pastikan hidup. ⁹ Karono tu, biso di bilangkan bahwo kaum Lewi nang borhak manarimo parsapuluhan pun jugo mambayar parsapuluhan orang tu malalui Abraham. ¹⁰ Sobab katiko Melkisedek manamuinyo, Lewi masih ado dalam badan nenek moyangnyo. ¹¹ Saat ni, saandainyo kasampurnaan biso dicapai lewat kaimanan Lewi [Nang karononyo, Umat Israel mandapat Hukum Taurat], untuk apo ado iman lain nang harus di bangkitkan manurut aturan Melkisedek, dan bukan iman dari garis katurunan Harun? ¹² Sobab, Jiko aturan kaimanan barubah, mako Hukum Taurat pun harus di ubah. ¹³ Orang nang lagi kito caritokan ni, barasal dari suku nang lain, dan tak ado saorang pun dari sukunyo nang pornah bakarojo jadi pambantu Altar. ¹⁴ Sobab, sudoh jolas bahwa Tuhan kito barasal dari suku Yehuda, suku nang tontangnyo Musa tak pornah mambilangkan hal apo pun nang barhubungan dengan para Imam. ¹⁵ Samuo tontang ni manjadi samakin jolas, katiko manengok munculnyo saorang Imam lain, nang sarupo ka si Melkisedek. ¹⁶ Nang manjadi Imam bukan berdasarkan persyaratan katurunan jasmani, tapi sasuai kakuatan kahidupan nang tak biso binaso. ¹⁷ Sobab, kitab suci basaksi tontang Dio: "Kau iolah Imam buat salamo-lamonyo, manurut paraturan Melkisedek". ¹⁸ Di satu sisi, paratuuran nang lami sudoh salosai, karini mampunyoi kalomahan dan tak baguno, ¹⁹ dan karono hukum tak manyampurnokan apopun. Tapikan!, disisi laen, ado pangharapan tu manarik kito bak mandokat ka Allah. ²⁰ Dan karono pangharapan itu di bawa ka kito dengan sabuah sumpah -- imam nang laen manjadi imam tanpa di sortai sumpah. ²¹ Tapikan!, Io manjadi Imam dengan sumpah nang di buek oleh Dio nang bacakap ka Dio, "Tuhan sudah basumpah dan Io tak ondak barubah pikiran: "Kau adolah Imam untuk salamo-lamonyo." ²² Karono sumpah ni, Yesus sudoh manjadi jaminan dari parjanjian nang baek, ²³ Sabolumnyo, ado banyak Imam, sahinggo katiko ado Imam nang mati, ado nang biso manggantikannyo. ²⁴ Tapikan!, Yesus mamogang kaimaman sacara totap salamonyo, Karono Io ondak torus hidup salamonyo. ²⁵ Lantas, Yesus biso manyalamatkan dongan saumpama orang tu nang datang ka Allah malalui-Nyo, karono Io salalu hidup bak badoa ka orang-orang tu. ²⁶ Imam bosar macam tu lah nang kito butuhkan, yaitu Imam bosar nang suci, tak bacolah, murni, di pisahkan dari orang-orang badoso, dan ditinggikan malobihi tingkat-tingkat Surgawi. ²⁷ Yesus tak macam Imam bosar nang lain, orang tu harus mamparsombahkan kurban satiap hari, mulo-mulo bagi doso orang tu sandiri, torustu bagi doso-doso umat, Tapikan!, Yesus tak porlu mambuatnyo. Io hanyo mamparsombahkan kurban sakali bak salamonyo, yaitu dirinyo sandiri. ²⁸ Hukum Musa manorapkan manusio nang ponuh kalomahan bak manjadi Imam-Imam bosar, tapikan!, sumpah nang barasal dari Allah, nang datang satolah Hukum Musa, manotapkan Anak-Nyo, nang sudah di jadikan sampurno sampek salamo-lamonyo.