¹ Korno, satiap imam bosar nang dipilih dari antaro manusio ditunjuk untuk manjadi wakil manusio dalam hal-hal nang barkonan samo Allah, bak supayo dio dapat mamparsombahkan parsombahan-parsombahan jugo kurban-kurban korno doso-doso. ² Karono imam bosar jugo banyak kalomahan, makanyo dio jugo dapat basikap lombut tarhadap orang-orang nang tak punyo pangatahuan dan gampang tasosat. ³ Itu sobabnyo, dio wajib mamparsombahkan kurban panghapus doso, bukannyo buek umat sajo, tapi jugo buek dirinyo sandiri. ⁴ Tak ado imam bosar nang biso mangambek kahormtan ni buek dirinyo sandiri, dio cumak manarimonyo pas dio dipanggil samo Allah, kek halnyo Harun. ⁵ Bagitu jugo Kristus tidak mamuliokan diri-Nyo sandiri bak manjadi Imam Bosar, tapi oleh Dio nang bacakap, "Engkau Anak-Ku. Pado hari ni Aku sudah manjadi AYAH-Mu." ⁶ di bagian laen Dio jugo bacakap, "Engkau adalah Imam buek salamonyo, manurut paraturan Melkisedek." ⁷ Dalam hidupnyo macam manusio, Yesus mamparsombahkan doa jugo parmintaan samo ratap dan aer mato, kepado Dio nang biso manyalamatkan-Nyo dari kamatian. Dan, Dio didongarkan karono kasalehan-Nyo. ⁸ Biarpun Yesus adalah Anak, tapi Dio balajar untuk patuh malalui pandaritoan nang dialami-Nyo. ⁹ Satolah siap disampurnokan, Dio manjadi sumber kasalamatan kokal bagi samuo orang nang patuh kepado-Nyo, ¹⁰ dan Dio UDah dipanggil Allah sebage Imam Bosar sasuai paraturan Melkisedek. (Malangkah Manuju Kadewasaan Rohani) ¹¹ Ado nang banyakan nang dapat dibilangkan tontang hal ni. Akan tatapi, susah ondak manjolaskanyo korno kalian sudah manjadi lambat untuk mandongar. ¹² Sobabnyo, walopun kinin saharusnyo kamu udah biso mangajar tapi tarnyato kamu masih mamorlukan sasaorang buek mangajari ko lagi tontang parinsip-parinsip dasar mangonai firman Allah. Kau masih mambutuhkan susu. ¹³ Korno, orang nang hidup dari susu adolah orang nang bolum pangalaman dalam mamahami ajaran tontang kabonaran, dio masih bayi. Akan tatapi, makanan koras adolah buek orang nang udah dewaso, yakni orang tu nang udah malatih panca indera orang tu bak mambedokan apo nang baek samo apo nang jahat.