¹ Sodaro-sodaro nang kukasihi, ini adolah surat kaduo nang awak tulis kapado ko dalam kaduo surattu, awak barusaho mambangkitkan pikiranko nang murni dongan caro mangingatkanko. ² Supayo kamu mangingat parkataan-parkataan nang dulu udah disobutkan oleh nabi-nabi kudus dan parintah-parintah Tuhan dan Juru salamat lewat para rasul. ³ pertamo-tamo, katahuilah bahwa pado akhir zaman nanti para pangejek-pangejek ondak tibo untuk mangikuti hawa nafsu orangtu nang badoso. ⁴ Orangtu bacakap, "Mano janji tontang kadatangan-Nyo? karono sojak nenk moyang kito mati, samuonyo masih totap bajalan saporti pado awal panciptoan". ⁵ Sobab orangtu sangajo malupokan kanyataan bahwa oleh firman-Nyo, langit sudoh ado sojak dulu kala, dan bumi dijadikan dari air dan lewat air. ⁶ Dongan air tu jugo, dunio nang ado katiko dihancurkan dongan air bah. ⁷ Tapi oleh firman nang samo, langit dan bumi nang ado sakarang ni disimpan untuk dibakar dongan api pado hari panghakiman dan kahancuran orang-orang bojat. ⁸ Sodaro-sodaro nang kukasihi, jangan lupokan kanyataan nang satuni: bagi Tuhan, satu hari samo saporti saribu tahun dan saribu tahun samo saporti satu hari. ⁹ Tuhan tak pornah balambat-lambat mamonuhi janjinyo saporti nang dianggap babarapo orang sabagai katarlambatan. Sabaliknyo, Dio sabar tahadap ko karono Dio tak ondak sorangpun binaso, tatapi supayo samuo orang biso sampek kepado partobatan. ¹⁰ Hari kadatangan Tuhan akan tibo saporti saorang pancuri, dan langit akan lonyap dongan suaro nang dahsyat. benda-benda langit sudoh tabakar habis dan maleleh oleh api nang sangat panas, dan dunio baserta segalo isinyo jugo akan tabakar habis. ¹¹ Jiko sagala sasuatu ondak dihancurkan , dongan caroni, bagaimanokah saharusnyo kamu hidup? bukankah kamu harus hidup suci dan mangabdi kepado Allah, ¹² Sambil mananti-nantikan dan mamparcopat hari kadatangan Allah? pado hari Tuhan, langit akan hancur oleh api, dan samuo benda-benda langit maleleh karono panasnyo. ¹³ Namun, sasuai dongan janji Allah, kito mananti-nantikan langit dan bumi nang baru, tompat orang-orang bonar akan tinggal. ¹⁴ Sodaro-sodaro nang kukasihi korono kito manantikan hal ini, mako barusahalah dongan giat supayo Allah mandapati kamu tak badoso, tak banoda, dan badamai dongan Allah. ¹⁵ Anggaplah kasabaran Tuhan sabagai kasompatan untuk kito manarimo kasalamatan. Samo saporti nang Paulus, sodaro takasih kito, tuliskan kepado ko dongan hikmat nang diborikan oleh Allah kepadoNyo. ¹⁶ Dio jugo mambicarokan hal-hal ni dalam samuo suratnyo nang lain. Memang ado hal-hal nang payah dimangorti sahinggo diputarbalikkan oleh orang-orang nang caodoh dan nang lomah imannyo. Orangtu jugo malakukannyo pado bagian-bagian nang lain dari kitab suci, nang mangakibatkan kabinasoan atas diri orangtu sandiri. ¹⁷ Sodaro-sodaro nang kukasihi, karono kamu udah mangatahui tontang hal ni, bahati-hatila supayo kamu jangan dibawo tasosat oleh kasalahan dari orang-orang nang tak mangonal hukum. Janganlah kamu jatuh dari imanko nang toguh. ¹⁸ Namun, batumbuhlah dalam anugerah dan pangonalan akan Tuhan dan Juru salamat kito, Yesus Kristus. Bagi Diolah kamulioan, sakarang dan sampek salamo-lamonyo! Amin.