¹ Bagitu jugo kamu, woi binik-binik, tunduklah samo lakik ko, sobab, bilo ado di antaro orang tu nang tidak patuh samo Firman, orang tu dapat di monangkan oleh kalakuan biniknyo. ² Sobab orang tu manengok batapo murni dan tarhormatnyo kalakuan ko. ³ Janganlah kamolean ko barasal dari hiasan luar, misalnyo, mangikat rambut, mamake parhiasan omas, ato mamake baju nang mahal-mahal. ⁴ Ondaknyo kamolean barasal dari dalam batin ko, yaitu kamolean nang tak pudar, nang datang dari roh lomah lombut. Itulah nang bahargo di mato Allah. ⁵ Domikianlah parompuan-parompuan kudus pada zaman dahulu, nang manaruh pangharapan kapado Allah, mamparcantik diri dongan patuh samo lakiknyo. ⁶ Domikian sara patuh samo lakiknyo, Abraham, dan mamanggilnyo 'Tuan', Kau tu budak-budak sara, bilo ko babuat elok dengan tak di kuasoi oleh raso takut katiko mangkorjokannyo. ⁷ Bagitu jugo kamu, woi lakik-lakik, hiduplah basamo binik ko, pangortian ko, korno orang tu kaum nang lomah, Hormatilah orang tu sasama ahli waris dalam manarimo anugrah hidup supayo doa ko tak tahambat. ⁸ Ondak nyo kamu samuo mampunyoi kasatuan pikiran, belas kasih, kasih parsaudaroan, hati nang lomah lombut, dan karondahan hati. ⁹ Janganlah mambalas kajahatan samo kajahatan, makian samo makian. Sabaliknyo, ondak nyo kamu mamborkati, sobab untuk itulah kalean di panggil, supayo kalean mandapat borkat. ¹⁰ Sobab kitab Suci bakato, siapo manyayangi hidup, dan ondak manengok hari-hari nang elok, dio harus manjago lidahnyo dari kajahatan, ¹¹ Dio jugo harus manjauhkan diri dari nang jahat dan mangkojokan nang elok. Ondak nyo dio mancari kadamean, dan barusaho mangojarnyo. ¹² Sobab, mato Tuhan manengok orang-orang bonar, dan talingo-Nyo mandongarkan doa-doa orang tu. Tapi muko-Nyo manontang orang-orang nang mangkorojokan kajahatan. ¹³ Siapokah nang akan malukoi ko, kamu rajin mangkorjokan nang elok? ¹⁴ Saumpamonyo, kamu harus mandarito domi kabonaran, mako kamu akan di borkati. Tak usah takut dan tak usah gontar tarhadap orang tu nang mambuek ko mandarito. ¹⁵ Akan tatapi, kuduskanlah Kristus sabage Tuhan dalam hati ko!, Siap sadiolah untuk mangkasih jawaban kapado siapopun nang manuntut ko mangonai pangharapan nang ko punyo. ¹⁶ Tapi korjokan itu dongan lomah lombut dan hormat, milikilah hatinurani nang borsih, supayo katiko ko di fitnah, orang nang mancaci caro hidup ko nang elok di dalam Kristus manjadi malu. ¹⁷ Sobab, lobih elok mandarito korno mambuek nang elok, bilo itu kahondak Allah, dari pada mandarito korno mambuek jahat. ¹⁸ Kristus jugo sudoh mandarito korno doso-doso samuo orang, Dio mati untuk orang-orang nang badoso, sahinggo Dio mambawak kito kapada Allah. ¹⁹ Dalam Roh, Dio jugo pogi dan mangkorjokan pambaritoan kapado roh-roh di panjaro. ²⁰ Yaitu, orang tu nang dulu tak patuh katiko Allah dongan sabar mananti orang tu, pada zaman Nuh, samantaro Nuh mambangun Bahteronya. Malalui Bahteronyo tu, cuma sadikit, yaitu delapan orang sajo nang di salamatkan oleh air bah. ²¹ Air bah tu malambangkan Baptisan nangsakarang manyalamtkan ko. Baptisan bukan untuk mambosrsihkan kotoran dari badan, tapi marupokan parmohonan samo Allah, untuk hati nurani nang murni malalui kabangkitan Yesus Kristus. ²² Sakarang Dio sudoh naik ka surgo dan barado di sabolah kanan Allah, sasudah samuo malaikan, para pamarintah dan para panguaso di tundukkan kapado-Nyo.