¹ Kaena otou, dulo-dulo awak nan kukasihi dan kurinduen, nan menjadi sukacita dan kebanggaan awak, togaklah dongan teguh dalam Tuhan. ² Awak sangat memohon kepada Euodia dan jugo kepada Sintihe nak hidup rukun dalam Tuhan. ³ Ya Awak meminta kepadamu, kawan-kawan sejati awak, tolonglah batina-batina ikok kaena pungkau lah bakeje keoas basam awak demi pelayanan Injil, jugo basama Klemens dan kawan-kawan sekeje awak nan lain, nan nama-namanyeh tatulis dalam buku kehidupan. ⁴ Basukacitalah selalu dalam Tuhan. Sikok lagi kukateen, basukacitalah! ⁵ biaklah kelmbutan hatimu tontui samua urang. Tuhan lah dokat. ⁶ Janganlah kahwatir tontang apo pun jugo. Namun, dalam sagalo sasuatu nyataen keinginanmu kepada Allah dalam doa dan pemohonan seata ucapan syukur. ⁷ Damai sejahtera Allah nan melampaui segalo pengertian nak memelihara hati dan pikienmu dalam Yesus Kristus. ⁸ Akhirnyeh, Dulo-dulo, samua nan bone, samua nan mulia, samua nan adil, samua nan suci, samua nan indah, samua nan tepuji, samua nan sempurna, samua nan patut dipuji, pikienlah samuanyeh otou. ⁹ Apo nan lah kamu pelajari, terimalah, donge, dan lihat dai awak, lakuenlah samua otou, maka Allah sumber damai sejahtera nak menyertai mika. (Paulus Beterimakasih kepada urang-urang Percaya di Filipi) ¹⁰ Awak, akhenyeh mikak memboien balek perhatain mikak kepada awak. Memang, sabolumnyeh mikak mamboien perhatian kepada awak, tatopi mikak dak memiliki kesempatan. ¹¹ Awak mengataen hal ikok bukan kaena awak sodang kakurangan, sebab awak lah belaje mencukupen dewek dalam keadaa apo pun. ¹² Awak tontu apo artinyeh kakurangan, dan awak jugo tontu apo artinyeh kelimpahan. Dalam segalo dan satiap keadaan, awak lah belaje rahasia hidup bekecukupan, apokah dongan konyang atau lape apakah hidup banyak uang atau dak punya uang. ¹³ Awak bisa melakuen segalo sasuatu melalui Dia nan mamboi kakuatan kepada awak. ¹⁴ Namun, mikak lah babuat baik mau bebagi beban dongan awak. ¹⁵ Mikak sendewek tontu, jemaat Filipi, bahwa kadang awal petama pelayanan Injil, satolah awak eninggalen wilayah kaedonia, dak ado jemaat nan mau bebagi beban dongan awak dalam hal mamboi dan meneima, kacuali mikak. ¹⁶ Bahkan, kadang di kota Tesalonika, mikak mengirim bantuan nak kebutuhan awak lobih dai sekali. ¹⁷ Namun, bukan bantuan otou nan awak cai, melainen awak mencai buah nan nak mempebose keuntungan mikak. ¹⁸ Awak lah meneima pembayaran pouh, bahkan lobih. Awak memiliki samua nan awak butuhen kaena pemboien nan mikak kirim kepadaku melalui Eparoditus. Pemboienmu otou menjadi pesembahan nan harum, kurban nan bekenan, dan menyenagen Allah. ¹⁹ Allah awak nak memenuhi segalo kepeluenmu menurtu kekayaan-Nyeh nan mulai dalam Yesus Kristus. ²⁰ Kamulien bagi Allah dan Bapa kito nak selamo-lamonyeh. Amin. ²¹ Sampeienlah salam kami kepada satiap urang suci dalam Yesus Kristus. Salam nak mikak dai dulo-dulo seiman nan ado besama awak disikok. ²² Samua urang suci mengirim salam nak mikak, khususnyeh pungkau nan bekeje melayani di istana Kaiser ²³ Kemurahan dai Tuhan Yesus Kristus menyertai rohmu. Amin.