¹ Satala sadonyo ikko, ambo maliek malaikat lain turun dari surga, na mampunyoi kuaso na gadang, jongon bumi ditarangi samo kamulioannyo. ² Inyo baseru jongon suaro nakare, kecceknyo, "Runtuh! ala runtuh Babel na gadang tu! Inyo ala manjadi tampek tingga setan-setan jongon panjaro bagi satiok roh najis. sarang bagi satiok jenis pipik na najis jongon na di banci. ³ Sabab, sadonyo bangsa ala mabuk anggur nafsu zinonyo, rajo-rajo di bumi ala bazino jongon inyo, jongon pedagang-pedangang di bumi manjadi kayo samo hawa nafsunyo na gadang." ⁴ Lalu, ambo mandanga suaro lain dari surga mangeccek, "Hai uamt-Ambo, kalualah darinyo supayo kau indak talibek dalam dosonyo jongon indak manarimo bancano na kan manimponyo. ⁵ Sabab, doso-dosonyo ala batumpuk sampe ka langit jongon Allah ala mangigek palanggarn-palanggarannyo. ⁶ Palakuan kota tu samo sakiro inyo ala mampalakukan, balaskan kapadonyo duo kali lipek ate pabuekan-pabuekannyo, jongon dalam cawan na inyo gunokan untuk mancampu, campukanlah duo kali lipek. ⁷ Sabanyak inyo ala mamuliokan jongon mangagikan kamewahan pado dirinyo surang, agikanlah siksoan jongon pangkabungan kapadonyo sabanyak tu. Sabab, inyo mangeccek dalam hatinyo, 'Ambo duduk sakiro saurang ratu, ambo indaklah jando jongon indak akan panah maliek pangkabungan.' ⁸ Karano itu, dalam saincek hari sajo bancano-bancanonyo akan datang kapadonyo, yaitu kamatian, pangkabungan, jongon kalaparan. Inyo akan di dibakkarkan jongon api karano Tuhan Allah na manghakimi inyo tu bakuaso." ⁹ Rajo-rajo di bumi, na ala bazino jongon hidup dalam kamewahan basamonyo, akan manangi jongon maratapinyo saat sidak maliek asok api pambakkarannyo, ¹⁰ tagak jauh-]jauh karano takkut tahadok siksoannyo, jongon manangi, "Celaka! Celakalah, kota na gadang, Babel, kota na kuek tu! Sabab, dalam satu jam sajo panghakimankau ala datang!" ¹¹ Padagang-padagang di bumi akan manangi jongon bakabung untuk kota tu karano indak saurang pun akan mambali dagangan sidak lai, ¹² yaitu ame, perak, permato, mutiaro, kain linen halus, kain ungu, kain sutra, kainkirmizi, babage maccam barang dari kayu na harum baunyo, barang-barang na tabuek dari gading, dari kayu na maha, dari tembago, basi, marmer, ¹³ kayu mani, rempah-rempah, wewangian, mur, kumayan, anggur, min , tapung halus, gandum, lembu sapi, domba, kudo, kereta, budak, bahkan nyawo manusio. ¹⁴ Sidak akan mangeccek, "Buah na nandak jiwokau ala hilang darikau, sadonyo na mewah jongon indah ala lanyap darikau, jongon indak akan dijumpoi lai." ¹⁵ Paro paadagang barang-barang ko, na manjadi kayo karano kota tu, akan tagak jauh-jauh karano takkut tahadok siksoan na di alami kota tu, sambi manangi jongon baabung. ¹⁶ Sidak mangeccek, "Celaka! Celakalah koya gadang tu, na bapakkean linen halus; na mamakke kain ungu jongon kain kirmizi, jongon bahiaskan ame, batu-batu permato, jongon mutiaro! ¹⁷ Sabab, dalam satu jam sajo, sadonyo kakayoan tu ala dimusnahan!" Sadonyo nahkoda, panumpang, awak kapal, jongon sadonyo urang na mancari nafkah dari laut akan tagak jauh-jauh, ¹⁸ jongon baseru katiko sidak maliek asok pambakkaran kota tu, "Kota manokah sakiro kota gadang tu?" ¹⁹ Sidak manaburkan debu ka kapalo sidak jongon baseru sambi manangi jongon berkabung, kecceknyo, "Celaka! Celakalah kota gadang tu, na darinyo sadonyo pampunyo kapal di laut ala manjadi kayo samo kalimpohannyo! Sabab, dalam satu jam sajo, kota tu ala dibuek manjadi sunyi!" ²⁰ Basukkocitolah ate inyo, hai surga, hai urang-urang kudus, rasul-rasul, jongon nabi-nabi! karano Allah ala manjatuhkan hukkuman ate kota tu kadikau. ²¹ Lalu, saincek malaikat na kuek mangangkek sainceh batu na gadangnyo sakiro batu kilangan jongon malantingkannyo ka laut sarto mangeccek, "Sakiro itulah Babel, kota gadang tu, akan dijatuhkan jongon indak akan panah dijumpoi lai. ²² Suaro paro pamain kecapi, panghombus saruling, panghombus trompet, jongon alat musik lainnyo indak akan tadanga lai di dalamkau. Indak ado pengrajin, na dapek mambuek sadonyo karajinan, na akan dijumpoi di dalamkau. Suaro panggilingan indak akan tadanga lai di dalamkau. ²³ Cahayo lampu indak akan basinar lai di dalamkau. Suaro pangantin padusi indak akan tadanga lai di dalamkau, karano padagang-padagangkau iyolah panggadang di bumi. Sabab, sadonyo bangsa ala disasekkan samo sihirkau. ²⁴ Jongon didalam kota tu ditamukan darah nabi-nabi, urang-urang kudus, jongon darah sadonyo urang na ala dibunuh di bumi."