¹ kamudian, ambo maliek saikku binatang buas kalua dari dalam laut, mampunyoi sappulu tanduk jongon tujuh kapalo. Pado satiok tanduknyo tadapek saincek mahkota jongon satiok kapalonyo tatulis namo-namo hinoan. ² Binatang buas na ambo liek tu mirip jongon macam tutul, kakkinyo sakiro kakki beruang, jongon mulutnyo sakiro mulut singo. Naga tu mangagi binatang buas tu kakuatan, tahta, jongon kuaso na gadang. ³ Ambo maliek saincek dari kapalo-kapalonyo sakiro takane luko na dapek mangakibekkan kamatian, tatapi lukko tu manjadi cegak. Saluruh dunio kagum jongon mangikkuti binatang buas tu. ⁴ Dan, sidak manyambah naga tu karano ala mangagikan kakuatannyo kapado binatang buas tu; jongon sidak manyambah binatang buas tu jongon mangeccek, "Siapokah na sakiro binatang na dapek baparang malawan inyo?" ⁵ Dan, kapadonyo diagikan saince mulut na mangeccek-ngeccek sombong jongon manghujek, jongon kuaso untuk malakukannyo salamo 42 bulan. ⁶ Inyo mambukka mulutnyo dalam hujatan malawan Allah, untuk manghujek namo-Nyo, dan kemah-Nyo, dan sidak na tingga di surga. ⁷ Inyo juo dibisakan untuk mamarangi urang-urang kudus jongon mangalahkan sidak; dan kapadonyo diagikan kuaso ate sadonyo suku, kaum, bahaso, dan bagsa. ⁸ Sadonyo na tingga di bumi akan manyembahnyo, yaitu satiok urang na namonyo indak tatulis sajak dunio dijadikan dalam kitab kahidupan punyo Anak Domba, na ala di kudung. ⁹ Satiok urang na batalingo handaklah inyo mandangakan ikko: ¹⁰ "Apobilo sasaurang ditantukan sabage tawanan, inyo akan manjadi tawanan; apobilo sasaurang mambunuh jongon lading, jongon lading inyo harus dibunuh." Itulah katekunan jongon iman urang-urang kudus. Binatang na Kalua dari Bumi ¹¹ Lalu, ambo maliek saikku binatang buas lain kalua dari dalam bumi; jongon binatang tu mampunyoi duo tanduk sakiro anak domba, tatapi inyo mangeccek sakiro saikku naga. ¹² Inyo manjalankan sadonyo kuasa binatang buas na diluan tu di mukkonyo, jongon mambuek bumi dan sidak na tingga di dalmnyo manyembah binatang buas duluan, na lukko parahnyo ala dicegakkan. ¹³ Inyo malakukan tando-tando ajaib na gadang, bahkan manurunkan api dari langit ka bumi, di mukko urang-urang. ¹⁴ Dan, inyo manyasekkan urang-urang na tingga di bumi jongon tando-tando ajaib na di iizinkan kadinyo untuk dilakukan di mukko binatang buas na duluan. Inyo mangatokan kapado sidak na tingga di bumi untuk mambuek patung binatang buas na duluan, na talukko samo lading, tatapi tetap hidup tu. ¹⁵ Inyo diizinkan untuk mangagikan hangok kapado patung binatang buas tu sahinggo patung binatang buas tu bisa mangeccek jongon manyababkan urang-urang na indak manyambah patung tu dibunuh. ¹⁶ Dan, inyo manyababkan sadonyo urang, kayo ato miskin, budak ato urang merdeka, diagi saincek tando pado tangan kanan ato dahinyo, ¹⁷ supayo indak ado saurang pun dapek mambali ato manjua kacuali inyo mampunyoi tando tu, yaitu namo binatang buas tu ato bilangan namonyo. ¹⁸ Hal ko mambutuhkan hikmat. Padialah urang-urang bijaksano manghitung angko binatang buas tu karano angko tu iyolah nagko saurang manusio; jongon angkonyo anam ratus anam puluh anam.