Duo Saksi ¹ Lalu, diagikan kapado ambo saincek buluh, ruponyo sakiro tongkat pangukku, jongon kato-kato, "Pai jongon ukkulah bait Allah dan alatarnyo sarto sidak na baribadah di dalamnyo. ² Akan tatapi, padiakanlah palataran Bait Allah na di sabala lua, jangan mangukkunyo karano itu ala diagikan kapado bangsa-bangsa; dan sidak akan mamijak-mijak Kota Suci tu salamo 42 bulan. ³ Dan, Ambo akan mangagi kuaso kapado duo saksiambo dan sidak akan banubuat salamo 1260 hari jongon manggunokan kain kabung." ⁴ Sidak ikko iyolah 2 batang zaitun jongon 2 kakki dian na tagak di mukko Tuhan na mampunyoi bumi. ⁵ Dan, jiko ado urang na nandak manyakkiti sidak, api kalua dari mulut sidak jongon manghanguskan musuh-musuh sidak. jIko siapo sajo na handak manyakkiti sidak, inyo akan di bunuh jongon caro sakiro itu. ⁶ Kaduonyo ikko mampunyoi kuaso untuk manutup langit supayo hujan indak turun pado hari-hari nubuat sidak; dan mampunyoi kuaso ate a'i untuk mangubahnyo manjadi darah jongon untuk mangampok bumi jongon satiok malapetaka, saaccok sidak nandakkan. ⁷ Dan, katiko sidak ala manyalasekan kasaksian sidak, binatang na muncu dari dalam jurang maut akan baparang malawan sidak jongon mangalahkan sidak, sarto mambunuh sidak. ⁸ Dan, mayat kaduonyo akan tagalatak di jalan kota gadang, na sacaro simbolis disabut Sodom jongon Mesir, tampek Tuhan kito di salibkan. ⁹ Dan, dari saluruh bangsa jongon suku dan bahaso dan kaum akan maliek mayat kaduonyo salamo 3,5 hari jongon indak akan mangizinkan mayat kaduonyo digolrkkan di kuburan. ¹⁰ dan, na tingga di bumi akan basukkocito ate sidak jongon basanang; dan sidak saling mangirimkan hadiah saincek samo lain ko manyikso sidak na tingga di bumi. ¹¹ Akan tatapi, satala 3,5 hari, roh kahidupan dari Allah masuk ka dalam kaduo mayat tu, dan sidak tagak di ate kakki sidak sahinggo na mamparhatikan sidak manjadi katakkutan. ¹² Lalu, sidak mandanga suaro na kare dari surga,"Naiklah kasikko!" Dan, sidak pun naik ka surga dalam awan, disaksikan samo musuh-musuh sidak. ¹³ Dan, pado saat tu, tajadilah gampo bumi na hebat sahinggo sapersappuluh kota tu runtuh; jongon tujuh ribu urang mati karano gampe bumi tu, jongon na indak mati manjadi kuek bana, lalu mamuliokan Allah na di surga. ¹⁴ Bancano na kaduo ala lewat; lieklah bancano na katigo akan lakke datang. Trompet na Katujuh Babunyi ¹⁵ Lalu, malaikat na katujuh manghombus trompetnyo jongon tadangalah suaro kare di surga na mangeccek, "Pamarintohan dunio ala manjadi pamarintohan Tuhan kito dan Inyo Na Diurapi-Nyo, jongon Inyo akan mamarintoh sampe salamo-lamonyo." ¹⁶ Kamudian, duo puluh ampek tuo-tuo na duduk di tahta sidak, di mukko Allah, basujud jongon manyambah Allah, ¹⁷ jongon mangeccek, "Kami basyukur kapado-Kau, ya TUhan, Allah Na Mahakuaso, Na Ado dan na Ala Ado, karano Kau ala mangambik kuaso-Kau na gadang jongon mule mamarintoh. ¹⁸ Dan, bangsa-bangsa ala berang, tatapi murko-Kau ala datang, jongon waktunyo ala tibo kadi urang-urang mati untuk dihakkimi jongon mangagi upoh hamba-hamba-Kau, nabi-nabi jongon urang-urang kudus jongon na takkut akan namo-Kau, na ketek jongon na gadang, jongon untuk manghancurkan paro panghancur bumi!" ¹⁹ Kamudian, tabukkaklah Bait Allah di surga jongon tacaliklah Tabut Pajanjian Allah dalam Bait-Nyo, jongon munvulah kilek jongon suaro guntur jongon gampo bumi dan hujan es na labek.