¹ Kamudian, Yesus pai dari situ dan sampe di kota asal-Nyo,dan murid-murid-Nyo mangikkuti-Nyo. ² Katika hari sabat tibo,Yesus mulai mangajar di Sinagoge. Dan, banyak urang nan mandanga-Nyo maraso heran, dan mangeccek, '' Dari mano Inyo mandapek sagalo hal tu? Hikmat apo nan di agikan kapado-Nyo dan mukjizat-mukjizat sarupo tu dilakukan jongon tangan-Nyo ? ³ Indakkah Inyo tukang kayu, anak Maria, dan dusanak Yakobus dan Yoses dan Yudas dan Simon ? Indakkah dusanak-dusanak padusi-Nyo ado di sikko basamo kito ? '' Lalu, sidak pun tasandung dan manolak Inyo. ⁴ Kamudian, Yesus mangeccek samo sidak,''Dimano-mano urang manghormati saurang nabi, kacuali ditampek asalnyo sorang, dan diantaro dusanak-dusanaknyo sorang, dan di rumahnyo sorang. '' ⁵ Maka, Yesus indak dapek mangadokan Mukjizat disinun, kacuali malatakkan tangan-Nyo di ate babarapo urang sakkik dan mancegakkan sidak. ⁶ Dan, Inyo heran karano ka indak piccayoan sidak. Kamudian, Inyo pai bakaliling ka kampung-kampung dan mangajar. ⁷ Kamudian, Yesus mangimbo kaduo bale murid dan mulai mangutus sidak baduo-duo, dan mangagi sidak kuaso ate roh-roh najis. ⁸ Lalu, Inyo mangagi parintah kapado sidak, bia sidak indak mambaok apo-apo dalam pajalanan, kacuali hanyo tungkek, tanpa roti,tanpa tas, tanpa kepeng dalam kabek pinggang sidak, ⁹ tatapi mamakke solop dan indak mamakke duo pakkean. ¹⁰ Dan, Yesus mangeccek samo sidak, '' Dimano sajo munak mamasuki sabuah rumah, tinggakanlah disinun sampe munak kalua dari sinun. ¹¹ Dan, jika ado tampek nan indak manarimo munak dan indak mandanga munak, katiko munak pai hapuskanlah dabu dari kakki kau maccam sabuah kasaksian untuk sidak. '' ¹² Lalu, sidak pun pai dan mambaritokan bahwa urang-urang harus batobat. ¹³ Maka, sidak mangusir banyak setan dan mangurapi banyak urang sakkik jongon minyak, serta mancegakkan sidak. ¹⁴ Dan, Raja Herodes ala mandanganyo, karano namo Yesus ala tenar, dan urang mangeccek, '' Yohanes Pambaptis ala bangkik dari antaro urang mati, maka mukjizat-mukjizat tu bakarajo didalam Inyo '' ¹⁵ Sabagian mangeccek, '' Inyo adolah Elia.'' Namun, sabagian mangeccek, '' Inyo adolah saurang nabi, sarupo saincek dari para nabi.'' ¹⁶ Akan tatapi, katika Herodes mandanga hal tu, inyo mangeccek, '' Yohanes, nan ala ambo kudung kapalonyo, ala dibangkikkan, ! '' ¹⁷ Memang Herodes saurang nan ala manyuruh urang, manyuruh untuk manangkok Yohanes, dan mangurungnyo didalam penjara dami Herodias, bini dusanak lakki-lakkinyo, Filipus, karano Herodes ala manikkahi Herodias. ¹⁸ Sabab, Yohanes babarapo kali mangeccek kapado Herodes, '' Indak benar kau mangambik bini dusanak kau.'' ¹⁹ Oleh karano itu, Herodias manyimpan dendam kapado Yohanes dan nandak mambunuhnyo, tapi inyo indak bisa. ²⁰ Sabab, Herodes takkut kapado Yohanes sasudah inyo tau bahwa Yohanes adolah urang elok dan urang suci, dan Herodes malindunginyo. Katika Herodes mandangakan Yohanes, inyo manjadi bingung, tatapi Herodes sanang mandangakan Yohanes. ²¹ Namun, tibolah hari nan pas, katika Herodes pado hari ulang tahunnyo mangadokan sabuah pakumpulan untuk pajabat-pajabat tengginyo, dan pawira-pawiranyo, dan pamimpin-pamimpin Galilea. ²² Lalu katika anak padusi Herodias masuk dan manari, inyo manyanangkan hati Herodes dan sidak nan duduk basamonyo. Dan, rajo mangeccek kapado padusi tu, '' Mintaklah apo sajo nan kau nandakkan dan ambo akan mangagikannyo kadi kau.'' ²³ Dan, Herodes basumpa kapadonyo, '' Apo sajo nan kau mintak kapado ambo, akan ambo agikan kadi kau, bah kan sampe saparuh dari karajaan ambo.'' ²⁴ Dan, padusitu pai dan mangeccek kapado umaknyo,'' Ambo harus mintak apo ? '' umaknyo manjawab, '' Kapalo Yohanes pambaptis.'' ²⁵ Dan, saat tu juo jongon tagasa-gasa, padusitu datang kapado rajo dan mangeccek, '' Ambo nandak kini ko juo kau agikan kadi ambo kapalo Yohanes Pambaptis di ate talam.'' ²⁶ Karano nyotu, rajo manjadi hibo, tatapi karano sumpahnyo dan urang-urang nan makkan samo inyo indak nandak inyo manolak padusi tu. ²⁷ Lalu, rajo salakke mangirim saurang algojo jongon parintah untuk mambaok kapalo Yohanes, lalu algojo tu pai dan mangkudung kapalo Yohanes dipenjara. ²⁸ Kamudian, inyo mambaok kapalo Yohanes diate talam dan mangagikannyo kapado padusi tu, dan padusitu mangagikannyo ka umaknyo. ²⁹ Dan, katika murid-murid Yohanes mandanganyo,sidak datang dan mangambik tubuh Yohanes dan malatakkannyo didalam kubur. ³⁰ Kamudian, para rasul bakumpul basamo jongon Yesus dan mambararitahukan kapado-Nyo apo sajo nan ala sidak lakukan dan apo sajo nan ala sidak ajarkan. ³¹ Dan, Yesus mangeccek kapado sidak, '' mola mangasingkan badan ka tampek nan sunyi dan barantilah sabanta. '' Sabab, ado banyak urang nan datang dan pai, dan untuk makkan pun sidak indak sampat. ³² Lalu, Yesus dan murid-murid-Nyo pai mangasingkan badan jongon sampan ka tampek nan sunyi. ³³ Akan tatapi, urang banyak maliek sidak dan manando sidak. Dan, urang banyak tu balari basamo-samo malewati jalan darek dari sadonyo kota, dan tibo disinun mandaului Yesus dan para murid-Nyo. ³⁴ Katika Yesus pai katapi danau, Inyo maliek baitu banyak urang, dan Inyo maraso babale kasian kapado sidak, sidak sarupo domba nan indak mampunyoi gembala. Maka, Yesus mulai mangajarkan sidak banyak hal. ³⁵ Katika hari mulai malam, murid-murid Yesus datang kapado Yesus dan mangeccek, '' Tampek ikko tampek nan sunyi dan ala larut malam. ³⁶ Sadonyo sidak pai kadaerah sakaliling dan kadesa-desa supayo sidak mambali sasuatu untuk dimakkan.'' ³⁷ Akan tatapi Yesus manjawab,'' Kaulah nan mangagi sidak makkan.'' Dan, sidak mangeccek kapado-Nyo,'' Haruskah kami pai dan mambali roti sahago dua ratus Dinar dan mangagikannyo untuk sidak makkan ?'' ³⁸ Yesus mangeccek kapado sidak, '' Ado barapo roti nan kau punyoi ? pai dan lieklah,! '' Sasudah sidak managatahuinyo sisak, sidak mangeccek,'' Lima roti dan duo lauk.'' ³⁹ Lalu, Yesus mamaritahkan sadonyo untuk duduk dalam kalompok-kalompok di rumput hijo. ⁴⁰ Urang banyak tu duduk bakalompok, ado nan saratu urang dan ado nan limo puluh urang. ⁴¹ Sasudah itu, Yesus managmbik limo roti dan duo lauk tu, mamandang ka langit, Inyo mangucap syukur dam mamacca-maccakan roti tu, lalu Inyo mangagikannyo kapado murid-murid-Nyo supayo manghidangkannyo kapado urang banyak. Inyo juo mambagi-bagi duo lauk tu kapado sadonyo urang. ⁴² Dan, sidak sadonyo makkan sampe kanyang. ⁴³ Kamudian, sidak mangambik duo bale karanjang nan panuh jongon sisa roti dan lauk. ⁴⁴ Dan, ado limo ribu lakki-lakki nan mamakkan roti. ⁴⁵ Kamudian, Yesus lakke mamarintakan murid-murid-Nyo naik ka sampan dan pai mandaului-Nyo kasubarang, ka Betsaida, samantaro Inyo manyuruh urang banyak tu pai. ⁴⁶ Sasudah bapamitan jongon sidak, Inyo pai ka bukki untuk badoa. ⁴⁷ Katika manjelang malam, sampan barado ditangah danau, dan Yesus saurang didarek. ⁴⁸ Dan,sasudah maliek murid-murid-Nyo mandayung jongon susah payah karano angin bahambus balawanan arah jongon sidak, kiro-kiro pada jam jaga malam kaampek, Yesus mandatangi sidak jongon bajalan di ate danau dan Inyo nandak bajalan malewati sidak. ⁴⁹ Akan tatapi katiko sidak maliek Yesus bajalan diate danau,sidak manyangko bahwa Inyo adolah setan, lalu sidak mamakkik, ⁵⁰ karano sidak sadonyo maliek Yesus dan katakkutan. Namun, Yesus lakke mangeccek kapado sidak, '' Tananglah. Ikko Ambo! Jangan takkut.'' ⁵¹ Lalu, Inyo naik basamo sidak ka sampan, dan angin tu pun redah, dan sidak jadi heran, ⁵² sabab, sidak balum mamahami tantang mukjizat limo roti tu karano hati sidak masih dikarekan. ⁵³ Dan, sasudah Yesus dan murid-murid-Nyo manyubarang, sidak mandarek di tanah Genesaret dan balabu. ⁵⁴ Katika, sidak turun dari sampan, urang-urang lakke manando Yesus, ⁵⁵ dan balari kasadonyo daerah tu dan mulai mambaok urang-urang sakkik diate kasu, kamanopun sidak mandanga tantang kabaradoan Yesus. ⁵⁶ Maka, kamanopun Yesus masuk kadesa-desa, atau kota-kota, atau daerah-daerah sakitarnyo, sidak manidukan urang-urang sakkik ditampek karamean dan mamohon kapado-Nyo supayo sidak bisa mamaccik ujung jubah-Nyo sajo. Dan siapopun nan mamaccik jubah-Nyo manjadi cegak.