¹ Lalu, Yesus mulai mangecce samo sidak dalam parumpamoan-parumpamoan. ''Ado urang nan mangusahokan sabua kabun anggur. Inyo mambangun pagar di sakalilingnyo dan manggali sabua lubang untuk marame anggur, dan mambangun sabun menara pangawas. kamudian, inyo manyewakannyo kapado panggarap-panggarap kabun dan pai kalua negri. ² Waktu musim panen inyo mangirim saurang pelayan kapado para panggarap kabun tu untuk manarimo dari sidak hasil kabun anggurnyo. ³ Akan tatapi, sidak mangangkok palayan tu, dan malibenyo, lalu mangusirnyo jongon tangan hampo. ⁴ Karano itu, inyo mangirimkan lai pelayan lainnyo kapado sidak, dan sidak malibei kapalo nyo dan mamparlakukannyo jongon caro nan mamalukan. ⁵ Lalu, inyo mangirim pelayan lainnyo dan sidak mambunuhnyo. hal tu tajadi kapado banyak lainnyo, sabagian di libei, dan sabagian dibunuh. ⁶ Nampunyo kabun tu masih mampunyoi sabua lai, yaitu anak nan dikasihinyo. Akhirnyo, inyo mangirim anak nyo tu kapado sidak dan mangecce, 'sidak nakkan manghormati anak ambo. ⁷ Akan tatapi, para panggarap kabun tu mangecce sabua jongon nan lain, 'ikko adolah ahli warisnyo. Mo, kito bunuh inyo dan warisannyo nakkan manjadi punyo kito.' ⁸ Lalu, sidak manangkoknyo dan mambunuhnyo, lalu mancampakkannyo kalua kabun anggur. ⁹ Apo nan nandak dikarejokan nampunyo kabun anggur tu? inyo nandak datang dan mambinasakan para panggarap tu dan mangagikan kabun anggur nyo kapado nan lain. ¹⁰ Balum panakah kau mambacco ayat Kitab Suci ko: 'batu nan dicapakkan oleh tukang bangunan, ala manjadi batu panjuru. ¹¹ Ikkolah pambuekan Tuhan, dan pambuekan ko ajaib dimato kito'?" Mazmur 118:22-23 ¹² Kamudian, sidak barusaho manangkok-Nyo, tatapi sidak takkut samo urang banyak karano sidak mangetahui bahwa Yesus manyampekan parumpamoan tu untuk sidak. Lalu, sidak maninggakan Yesus dan pai. ¹³ Kamudian, sidak manyuru datang kapado Yesus babarapo urang Farisi dan urang-urang Herodian untuk manjebak inyo jongon pangeccekan-Nyo saurang. ¹⁴ Sidak datang dan mangecce kapado Yesus, "Guru, kami tau bahwa Kau benar dan indak paduli jongon pandapek urang lain. Sabab, Kau indak maliek penampilan urang tatapi mangarajokan jalan Allah nan sasuai jongon kabanaran. Apokah benar mambai pajak kapado kaisar atau indak?" ¹⁵ Haruskah kami mambai atau haruskah kami indak mambai? Akan tatapi Yesus, sasudah mangetahui kamunafikan sidak, Inyo mangecce samo sidak, "Mangapo kau mancuboi Ambo? baok samo-Ambo sabua dinar dan padialah Ambo malieknyo," ¹⁶ Lalu, sidak mambaoknyo, dan Yesus mangecce samo sidak, "Gambar dan tulisan siapokah ikko?" Sidak manjawab-Nyo, "Gambar dan tulisan kaisar." ¹⁷ Kamudian, Yesus mangecce samo sidak, "Agikan samo Kaisar hal-hal nan manjadi punyo kaisar dan kapado Allah hal-hal nan manjadi Punyo Allah." Dan, sidak heran samo Yesus. ¹⁸ Lalu, urang-urang saduki, nan mangatokan bahwa indak ado kabangkitan, datang kapado Yesus dan batanyo kapado-Nyo, keccek sidak, ¹⁹ "Guru, Musa manulis kapado kito bahwa jika sasaurang, nan mampunyoi saudara lakkik-lakki, mati dan maninggakan saurang bini, tatapi indak maninggakan anak, saudaranyo nan lakki-lakki tu harus manikkahi janda tu dan mambangkitkan katurunan untuk saudaranyo. ²⁰ Ado tujuh urang basaudara. saudara nan partamo mangambik saurang bini, dan katika inyo mati, inyo indak maninggakan katurunan. ²¹ Lalu, sanak nan kaduo manikkai padusi tu, dan mati tanpa maninggakan katurunan. baitu juo jongon sanak nan katigo. ²² Dan, indak ado dari katuju basaudara tu nan maninggakan anak. Akhir dari sadonyo, padusi tu juo mati. ²³ Pado hari kabangkitan, katika sidak bangkit, manjadi bini siapokah padusi tu? Sabab, katuju basaudara tu ala manjadikannyo bini." ²⁴ Yesus manjawab sidak, "indaklah ikkolah alasan kau manjadi sasek, karano kau indak mangarti Kitab Suci atau pun kuaso Allah? ²⁵ Sabab, katika sidak bangkit dari antaro urang mati, sidak indak ado nan nikkah ataupun dinikkahi, tatapi sidak manjadi sakiro para malaikat di surgo. ²⁶ Tantang urang-urang mati nan dibangkitkan, indakkah kau mambacco dalam Kitab Musa, pado bagian tantang samak balukar, maccammano Allah mangecce kapadonyo, 'Ambo adolah Allah Abraham, dan Allah Isak, dan Allah Yakub? ²⁷ Inyo indak Allah urang mati, tatapi Allah urang nan hidup. Kau benar-benar sasek!" ²⁸ Kamudian, salah sabua dari para ahli Taurat datang dan mandanga sidak badebat. katika inyo maliek bahwa Yesus ala manjawab sidak jongon elok, makonyo inyo batanyo kapado Yesus, "Parintah manokah nan paling penting dari sadonyo?" ²⁹ Yesus manjawab, "Hukum nan paling utamo adalah: 'Danga, hai urang-urang Israel! Tuhan Allah kito adalah satu-satunyo Tuhan. ³⁰ Dan, kasihilah Tuhan Allah kau jongon sagenap hati kau, dan jongon sagenap jiwa kau, dan jongon sagenap pikkiran kau, dan jongon sagenap kakuatan kau. ³¹ Dan, nan kaduo adolah: 'kasihilah sasamo kau sakiro diri kau sorang. 'indak ado hukkum nan labi gadang dari pado ikko." ³² Lalu, ahli Taurat tu mangecce kapado Yesus, "kau benar, Guru. Kau benar jongon mangatokan bahwa Inyo tu sabua, dan indak ado nan lain salain Inyo. ³³ Dan, mangasihi-Nyo jongon saganap hati, dan jongon seganap pangartian, dan jongon seganap kakuatan, serta mangasihisasamo sakiro diri sorang, memang labi penting dari pado sadonyo kurban panggagan dan parsembahan." ³⁴ Kamudian, katika Yesus maliek bahwa urang tu manjawab jongon bijaksana, inyo mangecce kapado inyo, "Kau indak jauh dari karajaan Allah. "Sasudah tu, indak ado lai urang nan barani batanyo kapado Yesus. ³⁵ Dan, sambil mangajar di Bait Allah, Yesus mangecce, "baccammano bisa ahli-ahli Taurat mangecce bahwa Kristus adolah anak Daud? ³⁶ Daud sorang mangecce di dalam Roh Kudus, 'Tuhan mangecce kapado Tuhan kau: Duduklah disaba kanan-Ambo, sampe Ambo manampekkan musuh-musuh-Kau di bawa kakki-Kau,' ³⁷ Daud sorang manyabut Kristus sakiro 'Tuhan'. Jadi, baccammano mungkin Kristus adolah anaknyo?" Dan, urang banyak mandangakan-Nyo jongon sanang. ³⁸ Dalam pangajaran-Nyo, Yesus mangecce, "Hati-hatilah tahadok ahli-ahli Taurat, nan sukko bajalan-jalan mamakke jubah panjang dan sukko manarimo salam panghormatan di tampek-tampek umum, ³⁹ dan mampunyoi tampek duduk tarhormat di sinagoge-sinagoge dan tampek-tampek kahormatan dalam parjamuan-parjamuan. ⁴⁰ Sidak nan marampas rumah-rumah para jando dan sabagai dalih badoa nan panjang-panjang. Sidak nakkan manarimo hukkuman nan labi barek." ⁴¹ Kamudian, Yesus duduk bahadoan jongon kotak pasembahan dan mangamati urang-urang nan mamasukkan kepeng kadalam kotak pasembahan tu. Banyak urang kayo nan mamasukkan dalam jumlah gadang. ⁴² Kamudian, saurang jando mikkin datang dan mamasukkan duo keping kepeng logam, nan sanile jongon sabua sen. ⁴³ Lalu, Yesus mangimbo murid=murid-Nyo dan mangecce kapado sidak, "Ambo mangatokan nan sasungguhnyo samo kau, jando mikkin ko ala mamasukkan labi banyak ka dalam kotak pasembahan tu daripado sadonyo urang lainnyo. ⁴⁴ Sabab, sidak sadonyo mangagi dari kalimpahan sidak, tatapi jando mikkin tu, mangagi dari kamikkinannyo, mangagi sadonyo nan inyo punyo, yaitu sadonyo nafkahnyo."