¹ Kamudian, urang-urang Farisi jongon Saduki datang untuk mancuboi Yesus. Sidak mamintak padia Yesus mampaliekkan kapado sidak suatu tando dari surga. ² Akan tatapi, jawab Yesus, "Saat manjalang malam, kau bacakkap, 'Cuaco tarang karano langit merah.' ³ Dan, pado pagi hari, 'Hari ko kan ado angin kancang karano langit merah dan kalam.' Kau tau baapo mambedakan rupo langit, tatapi indak talok mambedakan tando-tando zaman. ⁴ Suatu ganarasi na jahek jongon pazino ko manuntut sabuah tando, tatapi saincek tando pun indak akan diagikan kapadonyo, kacuali tando Nabi Yunus. "Lalu, Inyo maninggakan sidak jongon pai. PANJALASAN TANTANG RAGI URANG FARISI JONGON SADUKI ⁵ Katiko murid-murid tibo di subarang dano, sidak lupo mambaok roti. ⁶ Dan, Yesus bacakkap kapado sidak, "Parhatikanlah jongon waspadalah tahadok ragi urang-urang Farisi dan paro Saduki." ⁷ Dan, sidak mule mambicarokan hal tu di antaro sidak surang dan bacakkap, "Ikko karano kito indak mambaok roti." ⁸ AKan tatapi, Yesus manau hal ko jongon bacakkap, "Hai, urang na kurang iman, mangapo kau mambicarokan di antarokau surang tantang indak ado roti? ⁹ Apokah kau masih balum mangarati dan indak pulo ingek akan limo ribu urang, dan barapo banyak karanjang sisonyo na kau kumpukan? ¹⁰ Ato, tuju roti untuk ampek ribu urang, jongon barapo banyak karanjang sisonyo na kau kumpukan? ¹¹ Baapokah kau indak mangarti bahwo Ambo indak sadang mangeccek kapadokau tantang roti? Akan tatapi, waspadolah tahadok ragi urang-urang Farisi jongon paro Saduki." ¹² Kamudian, sidak mangarti bahwo Inyo indak mangatokan untuk waspado tahadok ragi roti, tatapi tahadok ajaran urang-urang Farisi jongon paro Saduki. YESUS IYOLAH MESIAS ¹³ Katiko Yesus tibo di daerah Kaisarea Filipi, Inyo batanyo kapado murid-murid-Nyo, "Manurut pakatoan urang, siapokah Anak Manusio tu?" ¹⁴ Sidak manjawab, "Babarapo mangatokan Yohanes Pambabtis, na lain mangatokan Elia, jongon na lain lai mangatokan Yeremia, ato salah saincek dari paro nabi." ¹⁵ Lalu, Yesus batanyo kapado sidak, "Akan tatapi, manurutkau, siapokah Ambo ko?" ¹⁶ Simon Petrus manjawab, "Kau iyolah Mesias, Anak Allah na hidup!" ¹⁷ Yesus bacakkap kapadonyo, "Dibarkatilah kau, Simon anak Yunus, sabab indak daging jongon darah na manyatokan ikko kapadokau, malainkan Ayah-Ambo na di surga. ¹⁸ Dan, ambo pulo mangatokan kapadokau bahwo kau iyolah Petrus. Dan, di ate batu ko, Ambo akan mambangun jemaat-Ambo jongon gerbang-gerbang Hades indak nakkan manguasainyo. ¹⁹ Ambo akan mangangikau kunci-kunci Karajaan Surga. Dan, apo sajo na kau kabek di bumi akan takabek di surga. Dan, apo sajo na kau lapekan di bumi akan talape di surga." ²⁰ Lalu, Yesus mamparingekkan murid-murid supayo indak mangagitaukan siapo-siapo bahwa Inyo iyolah Mesias. YESUS MANGAGITAUKAN TANTANG KAMATIAN-NYO ²¹ Sajak saat tu, Yesus mule manunjukkan kapado murid-murid-Nyo bahwo Inyo harus pai ka Yerusalem jongon mandarito banyak hal dari paro tuo-tu, imam-imam kapalo, maupun ahli-ahli Taurek, lalu, dibunuh jongon dibangkikkan pado hari katigo. ²² Kamudian, Petrus manarik Yesus ka samping, manyapo-Nyo, jongon bacakkap, Tuhan, kironyo Allah manjauhkan hal tu dari Kau! Hal ko indak akan pana tajadi pado-Kau." ²³ Akan tatapi, Yesus babalik jongon bacakkap kapado Petrus, Enyahlah dari hadapan-Ambo, hai Iblis! Kau iyolah batu sandungan bagi Ambo sabab kau indak manatapkan pikkirankau pado hal-hal dari Allah, malainkan hal-hal dari manusio." ²⁴ Kamudian Yesus bacakkap kapado murid-murid-Nyo, "Jiko ado na mau mangikkuti Ambo, inyo harus manyangkal dirinyo surang, mamikul salibnyo, jongon mangikkut Ambo. ²⁵ Karano siapo na nandak manyalamekkan nyawonyo akan kahilangan nyawonyo. Akan tatapi, siapo na kahilangan nyawonyo karano Ambo, inyo akan mandapekkannyo. ²⁶ Apo untungnyo jiko sasaurang manghasilkan saluru dunio, tatapi kahilangan nyawonyo? Ato, apo na biso sasaurang agikan sabage ganti nyawonyo? ²⁷ Sabab, Anak Manusio akan datang dalam kamuliaan Ayah-Nyo basamo jongon paro malaikat-Nyo dan kamudian akan mambale satiok urang manurut pabuatannyo. ²⁸ Ambo mangatokan na sabananyo kapadokau, ado babarapo urang na tagak di sikko na indak akan mangalami kamatian sampe sidak maliek Anak Manusio datang dalam Karajaan-Nyo."