¹ Pado waktu tu, Herodes, rajo wilayoh, mandanga barito-barito tantang Yesus. ² Dan, inyo bacakkap kapado hamba-hambanyo, "Ikkolah Yohanes Pambabtis. Inyo tala bangkik dari antaro urang mati dan karano itulah mukjizat-mukjizat ko bakarajo di dalam-Nyo." PARISTIWO KAMATIAN YOHANES PAMBABTIS Sabab, Herodes talo manangkok Yohanes, mangkabeknyo, dan manjebloskannyo ka panjaro karano Herodias, bini Filipus, sodaro Herodes. ⁴ Karano Yohanes pana bacakkap kapadonyo, "Indak di benarkan kadi kau untuk mamiliki Herodias." Dan, meskipun Herodes nandak mambunuh Yohanes, into takkut kapado urang banyak karano sidak manggangap Yohanes sabage nabi. ⁶ Akan tatapi, katiko hari ulang tahun Herodes tibo, anak padusi Herodias manari di hadapan sidak, dan itu manyanangkan Herodes, ⁷ sahinggo inyo basumpah untuk mangagikan apo sajo na di mintak gadi tu. ⁸ Mako, satala disasak oeh umaknyo, gadi tu bacakkap, "Agikanlah kapadoambo di sikko, kapalo Yohanes Pambabtis di ate nampan." ⁹ Meskipun rajo sedih, tatapi karano sumpahnyo dan karano urang-urang na makkan basamonyo, inyo pun mamarintokan agar hal tu diagikan. ¹⁰ Inyo manyuruh untuk mangkudung kapalo Yohanes di panjaro. ¹¹ Dan, kapalo Yohanes dibaok di ate nampan, diagikan kapado gadi tu dan inyo mambaoknyo kapado umaknyo. ¹² Kamudian, murid-murid Yohanes datang, mangambil badannyo, dan mangkubukannyo. Lalu, sidak pai dan mangagitaukan Yesus. LIMO ROTI DAN DUO LAUK UNTUK LIMO RIBU URANG ¹³ Katiko Yesus mandanga hal ko, Inyo manarik diri dari sinun jongon sanpam, ka tampek na sunyi sandirian. Dan, katiko urang-urang mandanga ikko, sidak mangikkuti-Nyo, jongon bajalan kaki dari kota-kota. ¹⁴ Katiko Yesus kalua, Inyo maliek karumunan gadang urang, dan bable kasihan kapado sidak, dan mancegakkan sakkik sidak. ¹⁵ Katiko hari manjalang malam, paro murid datang kapado Yesus, dan bacakkap, "Tampek ko sunyi dan hari ala mule malam. Surulah urang banyak tu pai ka desa-desa dan mambali makkanan bagi sidak sorang." ¹⁶ Akan tatapi, Yesus bacakkap kapado sidak, "Sidak, indak parlu pai. Kau, agilah sidak makkan makanan." ¹⁷ Sidak bacakkap kapado-Nyo,''disikko kita indak mampunyai apo-apo, limo roti dan duo lauk.'' Dan, inyo bacakkap, baoklah itu kasikko,kapado-ambo.'' ¹⁹ Kamudian, inyo manyuruh urang banyak tu duduk di rumput, dan inyo mangambik limo roti dan duo lauk tu, lalu sambi mamandang ka langit, Inyo mangakikan-Nyo kapado murid- murid-Nyo kapado urang banyak.'' ²⁰ Dan, sidak sadonyo makkan dan dikayangkan. Lalu, sidak mangambik kandungan-kandungan nan siso, ado dua bale karanjang panuh. ²¹ Dan, sidak na makkan kiro- kiro ado limo ribu lakki-lakki, balum tamasuk padusi dan anak-anak. YESUS BAJALAN DI ALE AI ²² Yesus sagera mandesak murid-murid-Nyo masuk ka sampan dan pai mandaluani-nyo ka sabarang, samantaro inyo manyuruh urang banyak tu pulang. ²³ Dan, satala yesus manyuruh urang banyak tu pulang, Inyo na naik ka ate gunung saurang dari dan badoa. katiko manjalang malam, inyo sandirian disinun. ²⁴ Akan tatapi, sampan tu ala jauh dari daratan, diombang ambingkan galombang karano balawanan jongon angin. ²⁵ Dan, pado jam ka ampek malam tu, Inya datang kapado sidak, bajalan di ate ai, ²⁶ Katiko paro murid maliek-Nyo bajalan diate ai, sidak takkut bana dan baseru, "Itu setan!" Lalu, sidak mamakkik-makkik karano katakutan. ²⁷ Akan tatapi, Yesus langsung mangaccek kapado sidak, cakkap-Nyo, "Kuekkanlah hatikau, Ikko Ambo, jangan takkut." ²⁸ Dan, Petrus bacakkap kapado-Nyo, "Tuhan, jiko itu Kau, surulah ambo datang kapdo-Kau di ate ai." ²⁹ Yesus bacakkap, "Datanglah!" Mako, Petrus kalua dari sampan, dan bajalan di ate ai, dan datang kapado Yesus. ³⁰ Namun, katiko maliek angin, inyo katakutan jongon mule tabanam. Inyo mamakkik, "Tuhan, salamekkan ambo!" ³¹ Yesus langsung mangulurkan tangan-Nyo, mamaccik Petrus, jongon bacakkap, "Kau na kurang iman, mangapo kau ragu-ragu?" ³² Katiko sidak masuk ka dalam sampan, angin pun baranti. ³³ Kamudian, sidak na ado di sampan manyambah Yesus dan bacakkap, "Sasunggunyo, Kau iyolah Anak Allah!" YESUS MANCEGAKKAN URANG-URANG SAKKIK ³⁴ Satala manyubarang, sidak sampe di tanah Genesaret. ³⁵ Katiko urang-urang di tampek tu manando-Nyo, sidak mangagitaukannyo ka saluruh daerah tu jongon mambaok sadonyo urang na sakkik kapado Yesus. ³⁶ Sidak mamohon kapado Yesus padia sidak mamaccik ujung jubah-Nyo, dan sadonyo urang na mamacciknyo manjadi cegak.