¹ Pado hari tu, Yesus kalua dari rumoh jongon duduk di tapi dano. ² Dan, urang banyak takumpu kapado-Nyo. Karano itu, Inyo naik ka sampan dan duduk, jongon sadonyo urang banyak tu tagak di tapi dano. ³ Dan, Inyo mangatokan banyak hal kapado dalam parumpamoan, cakkap-Nyo, "Ado saurang panabur pai untuk manabur, ⁴ jongon waktu tu manabur, babarapo bani jatuh di pinggi jalan, pipik-pipik datang jongon mamakkannyo sampe habis. ⁵ Bani na lain jatuh di tampek babatu, na indak mangandung banyak tanah, jongon lakke tumbuh karano indak mampunyoi kadalaman tanah. ⁶ Akan tatapi, satala matohari terbit, tanaman tu tersengat panas. Dan, karano indak mampunyo urek, tanaman tu manjadi karing. ⁷ Bani na lain jatuh di antaro samak duri, jongon samak duri tu batumbuh, dan mangimpiknyo. ⁸ Namun, bani na lain jatuh di tanah na elok dan manghasilkan buah, ado na saratus kali lippek, ado na anam pulu kali lippek, ado na tigo puluh kali lippek, jongon ado na tigo pulu kali lippek. ⁹ Siapo na batalingo, padialah inyo mandanga." YESUS MANGAJAR JONGON PARUMPAMOAN ¹⁰ Dan, murid-murid Yesus datang jongon batanyo kapado-Nyo, "Mangapo Kau bacakkap kapado sidak dalam parumpamoan?" ¹¹ Yesus manjawab sidak, "Kapadokau ala dikaruniokan untuk manau rahasio Karajaan Surga, tatapi kapado sidak indak dikaruniokan. ¹² Sabab, urang na mampunyoi, kapadonyo akan di agikan dan inyo akan bakalimpoan. Namun, siapo na indak mampunyoi, bahkan apo na inyo punyoi akan diambik dari padonyo. ¹³ Karano, itulah, ambo bacakkap kapado sidak dalam parumpamoan karano katiko maliek, sidak indak maliek, jongon katiko mandanga, sidak indak mandanga, indak juo mangarti. ¹⁴ takana sidak, diganapilah nubuat Yesaya na bacakkap, 'Jongon pandangaan, kau akan mandanga, tatapi indak nakkan pana mangarti. Dan, jongon maliek, kau akan maliek, tatapi indak nakkan mamahami.' ¹⁵ Karano hati bangsa ko ala manaba, talingo sidak malas untuk mandanga , dan sidak manutup mato sidak. Jiko indak, tantu sidak dapek maliek jongon mato sidak, mandanga jongon talingo sidak, dan dapek mangarti jongon hati sidak, lalu babalik kapado-Ambo jongon dicegakkan.' Yesaya 6:9-10 ¹⁶ Akan tatapi, dibarkatilah matokau karano maliek jongon talingokau karano mandanga. ¹⁷ Ambo mangatokan na sabananyo kapado kau bahwo banyak nabi jongon urang-urang benar na nandak maliek apo na kau liek, tatapi indak malieknyo, jongon nandak mandanga apo na kau danga, tatapi indak mandanganyo." PANJELASAN TANTANG PARUMPAMOAN PANABUR ¹⁸ "Oleh karano nyotu, dangakanlah arti parumpamoan tantang panabur. ¹⁹ Katiko urang mandanga firman Karajaan jongon indak mamahaminyo, si jahek datang jongon marampas apo na tala tatabur dalam hati urang tu. Ikkolah urang na banihnyo tatabur di pinggi jalan. ²⁰ Adapun na tatabur di tampek-tampek na babatu, ikkolah urang na babatu, ikkolah urang na mandangakan firman dan langsung manarimonyo jongon sukkocito, ²¹ tatapi inyo indak mampunyoi urek dalam dirinyo dan batahan sabanta sajo. Jongon, katiko panindasan ato panganiayoaan tajadi karano firman tu, inyo langsung tajatuh. ²² Banih na jatu di tanga samak-samak duri iyolah urang na mandanga firman tu, kamudian, kakawatirannyo dunio jongon tipu dayo kakayoan mandasak firman tu sahinggo indak babuah. ²³ Namun, urang na banihnyo tatabur di tanah na elok, ikkolah urang na mandangakan firman tu jongon mamahaminyo. Inyolah na benar-benar babuah jongon manghasilkan, ado na 100 kali lippek, babarapo 60, jongon babarapo 30." PARUMPAMOAN TANTANG RUMPUT LIAR JONGON GANDUM ²⁴ Yesus manyampekan parumpamoan na lainnyo kapado sidak, cakkap-Nyo, "Karajoan Surga tu dapek di umpamokan sakiro urang na manaburkan banih na elok di ladangnyo. ²⁵ Akan tatapi, samantaro urang-urang tidu, musuhnyo datang jongon manaburkan banih lalang di antaro banih gandum, dan pai. ²⁶ Katiko tanaman batune jongon babulir, kamudian lalang tu taliek juo. ²⁷ Mako, hambo-hambo dari pampunyo lalang tu datang jongon batanyo kapadonyo, 'Tuan, indakkah kau manabur banih na elok di ladangkau? Lalu, dari manokahdatangnyo lalang tu?' ²⁸ Inyo bacakkap kapado sidak, 'Saurang musuh tala malakukannyo.' Lalu, hambo-hambo tu bacakkap kapadonyo,' Apokah kau nandak kami pai jongon mangumpukannyo?" ²⁹ Akan tatapi, tuan tu bacakkap, ' Jangan! Sabab, katiko kau mangumpukan lalang-lalang tu, biso-biso kau pulo mancabut gandum tu basamonyo. ³⁰ Padialah kaduonyo tumbuh basamo sampe musim panen. Jongon, pado waktu panen, ambo nandak bacakkap kapado paro panabur, "Patamo-tamo, kumpukanlah lalang-lalang tu jongon kabeklah dalam berkas-berkas untuk dibakkar. Namun, kumpukanlah gandumnyo ka dalam lumbung ambo." KARAJAAN ALLAH SAKIRO INCEK SASAWI JONGON RAGI ³¹ Kamudian Yesus mancaritokan parumpamoan na lain kapado sidak, cakkap-Nyo, "Karajaan Surga tu sakiro incek sasawi na di ambik urang jongon diserakkan di ladangnyo. ³² Incek tu iyolah na taketek dari sadonyo maccam banih, tatapi katiko tumbuh, inyo labi gadang dari sadonyo maccam sayuran, bahkan manjadi batang sahinggo pipik-pipik di langit datang jongon basarang di cabang-cabangnyo." ³³ Kamudian Yesus mancaritokan saincek parumpamoan na lain kapado sidak, "Karajoan Surga tu sakiro ragi, na saurang padusi diambik jongon dimasukkan ka dalam adonan tapung tarigu sabanyak tigo sukat sampe saluruh adonan tu tacampu ragi. ³⁴ Sadonyo hal ko Yesus katokan kapado urang banyak dalam parumpamoan-parumpamoan, jongon Inyo indak mangeccek kapado sidak tanpa parumpamoan. ³⁵ Jongon damikian, taganapilah apo na disampekan malalui nabi, "Ambo akan mambukkak muklut ambo dalam parumpamoan-parumpamoan, Ambo akan mangucapkan hal-hal na tasondok sajak dunio dijadikan." Mazmur 78:2 PARUMPAMOAN TANTANG RUMPUT LIAR DI LADANG ³⁶ Kamudian, Yesus maninggakan urang banyak tu lalu masuk ka rumoh. Jongon, murid-murid-Nyo datang kapado-Nyo jongon bacakkap, "Jalekanlah kapado kami parumpamoan tantang lalang-lalang di ladang." ³⁷ Dan, jawab-Nyo, "Urang na manaburkan banih na elok iyolah Anak Manusio, ³⁸ jongon ladang tu iyolah dunio ko. Banih na elok iyolah anak-anak Karajaan, jongon lalang iyolah anak-anak si jahek, ³⁹ jongon musuh na manaburnyo iyolah Iblis, jongon musim panen iyolah akhir zaman, jongon paro panue tu iyolah paro malaikat. ⁴⁰ Jadi, samo sakiro lalang na dikumpukan jongon dibakkar dalam api, damikianlah na nandak tajadi pado akhir zaman. ⁴¹ Anak Manusio akan mangutus paro malaikat-Nyo, dan sidak akan mangumpukan sadonyo batu sandungan sarto urang-urang na malakukan kajahekan dari karajaan-Nyo, ⁴² dan akan malantingkannyo ka dalam tungku api ditampek tu akan ado tangisan dan kartak gigi. ⁴³ Kamudian, urang-urang benar akan basinar sakiro matohari dalam karajaan Ayah sidak. Sidak na batalingo padialah inyo mandanga. KARAJAAN SURGA SAKIRO HARTO TAPENDAM DAN MUTIARO " Karajaan surga sakiro harto na tapendam di ladang, na ditamukan urang, lalu disondokkannyo lai. Dan, karano sukkocitonyo, inyo pai, manjua sadonyo na dipunyoinyo, dan mambali ladang tu. ⁴⁵ Sakkali lai, Karajaan surga iyolah sakiro saurang padagang na mancari mutiaro na indah. ⁴⁶ Katiko inyo manamukan sabuah mutiaro na banile tinggi inyo pai dan manjua sadonyo na dipunyoinyo, lalu mambali mutiaro tu." KARAJAAN SURGA SAKIRO JALA NA PANUH LAUK ⁴⁷ "Damikian juo, Karajaan surga sakiro jala na ditabarkan ka dalam laut, jongon mangumpukan bamaccam jenis lauk. ⁴⁸ Katiko jala tu panuh, sidak manyeretnyo ka pantai dan duduk, lalu mangumpukan lauk-lauk na elok ka dalam karanjang-karanjang na gadang, tatapi mancampakkan na indak elok. ⁴⁹ Jadi, itulah na akan tajadipado akhir zaman. Paro malaikat akan kalua dan mamsisahkan na jahek dari urang-urang benar, ⁵⁰ jongon malantingkan urang-urang jahek tu ka dalam tungku api. Ditampek tu akan ado ratapan dan kartak gigi. Alakah kau mangarti akan sadonyo ikko?" Sidak bacakkap kapado-Nyo, "Ya." ⁵² Dan, Yesus bacakkap kapado sidak, "Karano itu, satiok ahli Taurek na tala manjadi murid Karajaan Surga, inyo sakiro tuan rumah na mangaluakan harto na baru dan na lamo dari kakayaannyo." YESUS DITOLAK DIKOTA ASALNYO ⁵³ Katiko Yesus tala manyalasekan parumpamoan-parumpamoan tu, Inyo pai dari sinun. ⁵⁴ Dan, katiko Inyo tibo dikota asal-Nyo, Inyo mangajar di sinagoge-sinagoge sidak sahinggo sidak takjuk dan bacakkap, dari mano urang ko mandapek kabijak sanoan dan mukjizat-mukjizat ko? ⁵⁵ Indak kah Inyo ko anak saurang tukang kayu? Indakkah umak-Nyo, disabut Maria, dan sodaro-sodaro-Nyo iyolah Yakobus, Yusuf, Simon, jongon Yudas? ⁵⁶ Indakkah sodaro-sodaro-Nyo na padusi ado diantaro kito? Lalu, dari mano Urang ko mandapekkan sadonyo hal ko?" ⁵⁷ Dan, sida tasinggung oleh-Nyo. Namun, Yesus bacakkap kapado sidak, "Saurang nabi bukannyo indak dihormati, kacuali di tampek asalnyo dan di rumahnyo surang." ⁵⁸ Dan, Inyo indak malakukan banyak mukjizat di sinun karana kaindakpiccayoan sidak.