¹ Pado waktu tu, Yesus bajalan malalui ladang gandum pado hari Sabat, jongon murid-murid-Nyo lapa, dan sidak mule mamatik bulir-bulir gandum, jongon mamakkannyo. ² Akan tatapi, katiko urang-urang Farisi malieknyo, sidak bacakkap kapado-Nyo, "Liek, murid-murid-Kau malakukan apo na indak dibenarkan untuk dilakukan pado hari Sabat." ³ Namun, Yesus bacakkap kapado sidak, "Balum panakah kau mambacco apo na dilakukan Daud katiko inyo jongon paro pangikkutnyo lapa, ⁴ maccammano inyo masuk ka dalam Rumoh Allah dan makkan roti pasembahan na indak dibenarkan bagi-Nyo untuk mamakkannyo, baitu juo samo urang-urang na basamonyo, kacuali hanyo untuk paro imam? ⁵ Ato, balum panakah kau mambacco dalam Hukkum Taurek, bahwo pado hari Sabat, paro imam di Bait Allah malanggar Sabat dan sidak indak basalah? ⁶ Akan tatapi, Ambo mangatokan kapadokau bahwo na labi gadang daripado Bait Allah ado di sikko. ⁷ Namun, jiko kau ala manau artinyo ikko: 'Ambo mangkahandaki bale kasihan jongon indak nakkan pana manghukkum na indak basalah. ⁸ Sabab, Anak Manusio iyolah Tuhan ate hari Sabat." YESUS MANCEGAKKAN PADO HARI SABAT ⁹ Satala barangkek dari sinun, Yesus tibo di sinagoge sidak. ¹⁰ Liek, ado saurang lakki-lakki na lumpuh sabala tangannyo. Jongon, sidak batanyo kapado Yesus, kato sidak, "Apokah dibenarkan untuk mancegakkan pado hari Sabat?" supayo sidak bisa mampasala Yesus. ¹¹ Dan, Inyo bacakkap kapado sidak, "Siapo urangnyo di antaro kau mampunyoi saikku domba, dan kok domba tu tajatu ka dalam lubang pado hari Sabat, indakkah inyo akan maraihnyo jongon mangkaluakannyo? ¹² Batapo jauh labi banilenyo manusio daripado saikku domba! Karano itu, dibenarkan babuk elok pado hari sabat." ¹³ Kamudian, Yesus bacakkap kapado urang tu, "Ulurkan tangankau." Urang tu mangulurkan tangannyo jongon dicegakkan sapanuhnyo sakiro tangannyo na lain. ¹⁴ Akan tatapi, urang-urang Farisi pai dari situ jongon basekongkol malawan Inyo, maccammano sidak bisa mambinasokan-Nyo. YESUS, HAMBO PILIHAN ALLAH ¹⁵ Namun, Yesus, katiko manau hal ko, manyingki dari sinun. Banyak na mangikkuti-Nyo jongon Inyo mancegakkan sidak sadonyo, ¹⁶ dan mamparingeki sidak untuk indak mambuek diri-Nyo dikatahui. ¹⁷ Hal ko tajadi untuk manggenapi apo na disampekan malalui Nabi Yesaya: ¹⁸ "Lieklah, hambo-Ambo na ala Ambo pilih, na Ambo kasihi, na kapado-Nyo jiwo-Ambo bakanan. Ambo akan manaruh roh-Ambo ka ate-Nyo, jongon INyo manyatokan kaadilan kapado bangsa-bangsa lain. ¹⁹ Inyo indak akan malawan, ato mamakkik, jongon indak akan ado saurang pun na mandanga suaro-Nyo di jalan-jalan. ²⁰ Bulu na pata indak akan Inyo putuskan, dan sumbu na hampir padam na hampir padam indak nakkan inyo matikan, sampe Inyo mambuek kaadilan manang, ²¹ jongon dalam namo-Nyo, bangsa-bangsa lain akan baharop." Yesaya 42:1-4 KUASO YESUS BARASAL DARI ROH ALLAH ²² Kamudian saurang na karasukan roh jahek, na buto jongon bisu, dibaok kapado Yesus. Dan, Yesus mancegakkannyo sahinggo urang buto na buto jongon na bisu tu mangeccek dan maliek. ²³ Sadonyo urang manjadi taheran-heran jongon batanyo, "Mungkinkah Inyo ko Anak Daud?" ²⁴ Akan tatapi, katiko urang-urang Farisi mandanganyo siidak bacakkap, "Urang ko indak mungkin mangusi roh-roh jahek jiko indak jongon Beelzebul, pamimpin roh-roh jahek." ²⁵ Yesus manau pikkiran sidak jongon bacakkap kapado sidak, "Satiok karajaan na tapacca-pacca malawan dirinyo sandiri, ditinggakan. Jongon, satiok kota ato rumoh na tapacca-pacca malawan dirinyo sandiri, indak akan batahan. ²⁶ Kok Iblis mangusi Iblis, inyo tapacca-pacca malawan dirinyo sandiri. jiko damikian, maccammano karajaannyo akan batahan? ²⁷ Jongon, jiko Ambo, mangusi roh-roh jahek jongon Beelzebul, jongon siapokah anak-anakkau mangusi sidak? Karano itu, sidak akan manjadi hakimkau. V28 Akan tatapi,jiko dengan roh allah, ambo mangusir roh-roh jahat, karajaan allah ala datang ateh munak. ²⁹ atau, bagaimano sasaurang bisa masuk ka rumah urang nan kuat jongon marampas benda-bendanyojiko inyo indak mangikat urang kuat itu talabih dahulu? kamudian, inyo baru dapek marampok rumah itu. ³⁰ siapo sajo nan indak basamo dengan ambo, malawan ambo. jongon, siapo saja nan indak mangumpulkan basamo dengan ambo,mancarai-beraikan. ³¹ karano itu, ambo mangatokan kapado munak bahwa satiop doso jongon hujatan tahadap roh indak akkan diampuni. ³² jongon, siapo sajo nan mangatokan sasuatu nan malawan anak manusio akkan diampuni, tatapi siapo saja nan babicaro malawan roh kudus indak akkan diampuni, elok pado massa ikko maupun pado massa nan akkan datang.'' POHON DIKENAL DARI BUAYANYO ³³ "Jiko batang tu elok, buahnyo pun elok pulo. Ato, jiko batang tu indak elok, buahnyo juo indak elok. Sabab, batang ditando dari buahnyo. ³⁴ Hei, katurunan ula baludak, maccammano mungkin kau na jahek mangucapkan hal-hal na elok? Karano dari luapan hati, mulut mangeccek. ³⁵ Urang elok mangaluakan hal-hal na elok dari kakayaannyo na elok, jongon urang jahek mangaluakan hal-hal na jahek dari kakayaanyo na jahek. ³⁶ Namun, Ambo mangatokan kapado kau bahwo satiok cakkap na sio-sio, na diucaokan urang, urang akan mampatanggungjawabkannyo pado hari panghakiman. ³⁷ Karano pacakkapan kau, jongon pakatoankau, kau akan dibenarkan, jongon samo pakatoankau, kau akan dihukum. URANG FARISI JONGON AHLI TAUREK MAMINTAK TANDO ³⁸ Kamudian, babarapo ahli Taurek jongon urang Farisi bacakkap kapado Yesus, "Guru, kami nandak maliek tando dari-Kau." ³⁹ Namun, Yesus manjawab jongon bacakkap kapado sidak, "Ganarasi na jahek jongon bazino ko manuntut suatu tando. Jongon, indak nakkan ado tando na di agikan kapado sidak, kacuali tando Nabi Yunus. ⁴⁰ Sabab, sakiro Yunus na barado di dalam parut lauk gadang salamo tigo hari tigo malam, damikian juo Anak Manusio akan barado salamo tigo hari jongon tigo malam dalam parut bumi. ⁴¹ Urang-urang Niniwe akan tagak basamo-samo jongon ganarasi ko pado panghakiman dan akan manghukumnyo sabab sidak batobat satala mandanga kotbah Yunus. Jongon, liek, na labi gadang daripado Yunus ado di sikko. ⁴² Ratu dari salatan akan bangkik basamo-samo ganarasi ko pado hari panghakiman jongon akan manghukumnya karano inyo datang dari ujung bumi nandak mandanga hikmat Salomo. Jongon, liek, na labi gadang daripado Salomo ado di sikko. BAHAYO DARI KAKOSONGAN ⁴³ "Katiko roh jahek kalua dari manusio, inyo malewati tampek-tampek na indak bara'i untuk mancari tampek istirahat, tatapi indak manamukannyo. ⁴⁴ Lalu, inyo bacakkap, 'Ambo akan kambali ka rumoh Ambo, tampek ambo kalua.' Jongon, katiko tibo, inyo mandapeki rumoh tu kosong, ala disapu, jongon taratur. ⁴⁵ Kamudian, roh jahek tu pai dan mambaok basamonyo tujuh roh lain na labih jahek darinyo, dan sidak masuk serta tingga di sinun. Akhirnyo, kaadaan urang tu manjadi jauh labih buruk daripado sabalumnyo. Damikian juo na nandak tajadi jongon ganarasi na jahek ko." KALUARGO YESUS NA SABANANYO ⁴⁶ Samantaro Yesus masih bacakkap jongon urang banyak, liek, umak jongon sodaro-sodaro-Nyo. ⁴⁷ Sasaurang bacakkap kapado-Nyo, "Liek, umak jongon sodaro-sodaro-Kau tagak di lua, barusaho bacakkap jongon Kau." ⁴⁸ Namun, Yesus manjawab urang na mangagitau-Nyo tu jongon bacakkap, "Siapokah umak-Ambo jogon siapokah sodaro-sodaro-Ambo? ⁴⁹ Sambi marantangkan tangan-Nyo ka arah murid-murid-Nyo, Yesus backkap, "Ikkolah umak-Ambo jongon sodaro-sodaro-Ambo! ⁵⁰ Karano siapo sajo na malakukan kahandak Ayah-Ambo na ado di surga, inyolah sodaro lakki-lakki-Ambo, sodaro padusi-Ambo, jongon umak-Ambo."