¹ Katiko Yesus salase mambarikan parinto kapado kaduo bale murid-Nyo, Inyopai dari sinun untuk mangajar jongon bakotbah di kota-kota sidak. YESUS JONGON YOHANES PAMBABTIS ² Kini, katiko Yohanes, na ado di panjaro, mandanga pakarajoan-pakarajoan Kristus, into mangirim pasan malalui murid-murid-Nyo, "Apokah Kau na nandak datang tu, ato haruskah kami manunggu na lainnyo?" ⁴ Yesus manjawab jongon bacakkap kapado sidak, "Pai dan baritaukan kapado Yohanes apo na kau danga jongon liek, ⁵ na buto maliek, na lumpuh bajalan, na sakkik kusta ditahirkan, na pakkak mandanga, na mati dibangkikkan, jogon kapado na miskin diabritokan Injil. ⁶ Dan, dibarkatilah urang na indak tasandung samo Ambo." ⁷ Dan, satala sidak pai, Yesus mulai bacakkap kapado urang banyak tantang Yohanes, "Apo na nandak kau liek dipadang balantaro? Sabatang buluh na digoyang angin? ⁸ Kau pai untuk maliek apo? Saurang na bapekkean halus? Sidak na bapakkean halus tu ado di istano-istano rajo. ⁹ Untuk maliek apokah kau pai? Saurang nabi? Yo, Ambo mangatokan kapadokau, inyo bahkan labi gadang daripado saurang nabi. ¹⁰ Sabab, inyolah urang na tantangnyo ala tatulis: 'Liek! Ambo mangirim utusan-Ambo mandaului-Kau. Inyo na nandak mampasiapkan jalan kadi-Kau di hadapan-Kau.' Maleakhi 3:1 ¹¹ Ambo mangatokan na sabananyo kapadokau, di antaro sidak na dilahekan samo padusi, indak panah tampil urang na labi gadang daripado Yohanes Pambabtis. Akan tatapi, na paling ketek dalam Karajaan Surga, labi gadang daripado inyo. ¹² Sajak zaman Yohanes Pambabtis sampe kini, Karajaan Surga mandarito kakarasan, jongon urang-urang na kajam tu malakukannyo jongon pakso. ¹³ Sabab, sadonyo nabi jongon Hukum Taurek banubuat sampe zaman Yohanes. ¹⁴ Dan, kok kau mau manarimonyo, inyolah Elia na nandak datang tu. ¹⁵ Siapo na mampunyoi talingo untuk mandanga, handaklah inyo mandangakan! ¹⁶ Namun, jongon apokah akan Ambo bandingkan ganarasi ko? Sidak tu sakiro na duduk ditampek-tampek umum, na mangimbo kawan-kawannyo, ¹⁷ jongon bacakkap, ' Kami manghombuskan saruling untukkau, tatapi kau indak manari, Kami malagukan lagu dukkocito, tatapi kau indak baduko.' ¹⁸ Karano Yohanes datang tanpa makkan, tanpa minum, jongon sidak bacakkap, 'Inyo karasukan roh jahek.' ¹⁹ Akan tatapi, katiko anak Manusio datang lalu makkan dan minum, jongon bacakkap, 'Liek, saurang na rakkus dan pamabuk, kawan paro pangumpu pajak jongon urang-urang badoso.' Akan tataoi, hikmat dibenarkan samo pabuatannyo." PARINGEKSN UNTUK URANG NA INDAK MAU PICCAYO ²⁰ Kamudian Yesus mulai mancaccek kota-kota tampek Inyo malakukan paling banyak mukjizat karano sidak indak batobat. ²¹ "Celakalah kau, Khorazim! Celakalah kau, Betsaida! Sabab, jiko mukjizat-mukjizat na tala tajadi di antaro kau juo tajadi di Tirus jongon Sidon, sidak ala lamo batobat jongon bapakkean kabung dan abu. ²² Akan tatapi, Ambo mangatokan kapadokau bahwo pado hari panghakiman, Tirus jongon Sidon akan labih biso mananggungnyo daripado kau. ²³ Dan, kau, Kapernaum, akankah kau ditinggikan sampe ka langit? Indak, kau akan diturunkan ka dunio urang mati, sabab jiko mukjizat-mukjizat na tala tajadi di antaro kau tu tajadi di Sodom, kota tu akan tatop ado sampe hari ko. ²⁴ Akan tatapi, AMbo mangatokan kapadokau bahwo pado hari panghakiman, tanah Sodom akan labi biso mananggungnyo daripado kau." KALEGAAN KADI URANG NA DATANG KAPADO YESUS ²⁵ Pado waktu tu Yesus bacakkap, "Ambo mamuliokan Kau, Ayah, Tuhan ate langit jongon bumi, bahwo Kau manyondokkan sadonyo ko dari urang-urang na bijaksano dan pande, jongon mangungkapkannyo kapado anak-anak ketek. ²⁶ Yo, Ayah, karano sakiro itulah na bakanan di hadapan-Kau. ²⁷ Sagalo sesuatu tala di serahkan kapado-Ambo samo Ayah-Ambo. Jongon, indak saurang pun na manando Anak, salain Ayah; indak saurang pun manando Ayah salain Anak dan satiok orang na dikahandaki Sang Anak untuk mangungkapkannyo. ²⁸ Datanglah kapado-Ambo, sadonyo na litak lesu jongon babeban barek, dan Ambo akan mangagikau kalegaan. ²⁹ Pikkulah kuk na Ambo pasang, jongon balajarlah dari-Ambo lemah lembut jongon randah hati, dan kau akan mandapekkan katenangan dalam jiwokau. ³⁰ Sabab, kuk na Ambo pasang tu mudoh dan baban-Ambo ringan."