¹ Barisuk paginyo,Yesus pai bakaliling ka kota-kota jongo desa-desa untuk mambaritokan samo manyatokan Injil karajaan Allah.Kadua bale rasul ado basamo-samo jongon Inyo. ² Baitu juo babarapo padusi na ala dicegakkan Yesus dari sagalo roh-roh jahek jongon bamaccam panyakkik.Di antaro sidak adolah Maria,na disabut Magdalena,na dibebaskan Yesus dari tujuh roh jahek. ³ Ado juo Yohana istri Khuza bandaharo Herodes Susana jongon masih banyak padusi na lain mamakke kakayaan sidak sandiri untuk mandukkung Inyo. ⁴ Katiko urang banyak bakumpu jongon urang-urang dari bamaccam kota datang kapado Yesus,Inyo mangeccek kapado sidak jongon sabuah parumpamaan: ⁵ "Saurang patani sabagian na jatuh di pinggi jalan jongon tarinjak-injak,samo dimakkan olh burung-burung diudaro. ⁶ Sabagian lai jatih di ate tampej babatu,jongon katiko banih tu manjadi kaing karano indak ado a'i. ⁷ Sabagian lainnyo jatih di tangah-tangah semak duri na tumbuh basamonyo sahinggo semak tu mancakkiknyo. ⁸ Sisa banih lainnyo jatuh di tanah na subur jongon batumbuh sahinggo mangagi hasil saratus kali lippek banyaknyo." Satalah mangakhiri parumpamaan tu Yesus basorak,"Inyo na mamiliki talingo untuk mandanga, hendaklah mangdangakan elok-elok!" ⁹ Satalah tu,murid-murid Yesus batanyo kapado-Nyo tantang arti parumpamaan tu. ¹⁰ Inyo mangeccek"Kapado kau dibaritahukan rahasio Karajaan Allah, tatapi kapado urang lain di agitaukan dalom parumpamaan supayo, 'Sakalipun mamandang, sidak indak maliek, dan sakalipun mandanga, sidak indak mangarti.’’’ Yesaya 6:9 Panjelasan Yesus tantang Parumpamaan Benih ¹¹ Ikkolah arti parumpamaan itu: “Benih itu adolah firman Allah. ¹² Benih nan jatuh di pinggir jalan itu adolah sidak nan mandanga firman Allah. Kamudian, datanglah setan dan mangambik firman itu dari hati sidak supayo sidak jangan pitcayo dan di salamekkan. ¹³ Benih nan jatuh di ate tanah babatu adolah urang-urang nan mandanga firman Allah dan manarimonyo jongon sukko cito, tatapi indak barakkar. Sidak hanyo pitcayo sabantar, katiko kasulitan datang, sidak ssegera babalik dari Allah. ¹⁴ Benih nan jatuh di antaro semak baduri adolah urang-urang nan mandangarkan firman Allah, tatapi samantaro sidak batumbuh, sidak di cakkik oleh raso khawatir, kakayaan, sarto kasenangan hidup sahinggo sidak indak manghasilkan buah nan matang. ¹⁵ Sadangkan benih nan jatuh di tanah subur itu adolah urang-urang nan mandangarkan firman Allah dan manyimpannyo dalom hati nan jujur dan baik, sarto babuah dalom katekkunan.” parliekkan Cahayo kau ¹⁶ “Indak ado saurang pun nan satalah manyalokan palito, Kamudian, manutupinyo jongon tantang atau malatakkan nyo di bawah tampek tidur. Sabaliknyo, innyo akkan malatakkan palito itu di ate kakki supayo urang nan masuk ka dalam rumah dapek maliek cahanyo nyo. ¹⁷ Sabab, indak ado hal nan tasambunyi nan indak akkan di nyatokan, dan indak akkan di ungkap dan di bawo kapado tarang. ¹⁸ Karano itu, parhatikanlah bagaimano kau mandanga karano siapo nan mamiliki labih banyak lai. Akkan tatapi, siapo nan indak mamiliki, darinyo akkan di ambik, bahkan apo nan innyo kito dimilikinyo.” Kaluargo Yesus nan Sasungguhnyo ¹⁹ Lalu, ibu dan saudaro-saudaro Yesus datang manamui-Nyo, tatapi sidak indak bisa mandekkati-Nyo karano karumunan urang. ²⁰ Jadi di agitaukan kapdo-Nyo, “Ibu dan saudaro-saudaro-Kau sasang badiri di luar, sidak ingin bajumpo jongon Kau.” ²¹ Akkan tatapi, Yesus manjawab sidak, “ Ibu-Ambo dan saudaro-saudaro Ambo sidak nan mandanga firman Allah dan malakkukan nyo.” Yesus manghentikan An in Ribut ²² Pado suatu hati, Yesus naik ka dalam parahu basamo murid-murid-Nyo dan mangecek kapado sidak,” Mari kito manyubarang ka sisi lain danau ikko.”Mako, barangkeklah sidak. ²³ Namum, katiko sidak balayar, Yesus tatidur. Lalu, Batiuplah angin ribut ka danau itu dan parahu sidak kamasukan air sahinggo sidak barado dalom bahayo. ²⁴ Kamudian, paro murid datang kapado Yesus dan mambangunkan-Nyo sambil mangecek, "Guru! Guru! kito akkan binasa!" Lalu, Yesus pun bangun dan mambantak angin ribut sarto galombang nan bergelora itu. Angin ribut itu pun barhanti dan danau itu manjadi tanang. ²⁵ Dan, Innyo mangecek kapado sidak, "Dimabokah imankau?" Sidak manjadi katakkutan dan heran sambil mangecek satu kapado nan lain, " Siapokah Urang ikko? Innyo bahkan mangagi parintah kapado angin dan air, dan sidak mamatuhi-Nyo." Surang Gerasa Dibebaskan dari Roh Jahek ²⁶ Lalu sampelah Yesus dan murid-murid-Nyo di wilayah urang Gerasa di subarang Galilea. ²⁷ pado saat Yesus turun ka darat, innyo ditamui oleh saurang lakki-lakki dari kota itu nan dirasuki oleh roh-roh jahek. Urang itu ala lamo indak mangenakan pakkean dan indak tingga di rumah, malainkan di kuburan. ²⁸ Katiko urang itu maliek Yesus, innyo pun batariak dan sujut di hadapan-Nyo, jongon suaro nan nyaring innyo mangecek, " Apokah urusan antaro Kau dan ambo, hai Yesus, Anal Allah Nan Mahatinggi? Ambo mamohon kapado-Kau jangan siksa ambo!" ²⁹ Hal itu tajadi karano Yesus mamarintokan roh jahek itu kalua dari urang itu. Setan itu saring kali manyeret- nyeret urang itu sahinggo innyo di rante, di borgol, tatapi dijago urang, tatapi innyo dapek mamutuskan rante nyo dan dibawo oleh setan ka tampek-tampek nan sapi. ³⁰ Kamudian, Yesus batanyo kapado urang itu, "Siapo namo kau?" Jawab urang itu, "Legion" Karano ado banyak setan nan marasukinyo. ³¹ Setan-setan itu mamohon kapado-Nyo agar Innyo jangan mamarintahkan sidak untuk pai ka jurang maut. ³² Di tampek itu ado sakawanan gadang babi nan sadang mancari makkan di bukkit. Setan-setan itu mamohon kapado Yesus untuk mambiakan sidak masuk ka dalam kawanan babi itu, dan Yesus mangizinkan sidak. ³³ Mako, setan-setan itu pun kalua dari urang itu dan masuk ka dalom babi-babi, lalu kawanan babi itu balarian manuruni lereng bukkit nan curam manuju ka danau dan tanggalam. ³⁴ Katiko pangembala babi maliekanyo, sidak balarian diri dan mancaritokan kajadian itu di kota dan di kampung sakitarnyo. ³⁵ Jadi, urang banyak datang untuk malieak apo nan tajadi. Sidak datang kapado Yesus dan mandapei urang nan ala di bebaskan dari setan-setan itu sadang duduk di dakkek kakki Yesus, ala bapakkean, san ala waras pikkirannyo. Hal itu mambuek sidak katakkutan. ³⁶ Sidak nan maliek kajadian itu mancaritokan kapado urang lain maccam mano urang karasukan setan itu di sambuhkan. ³⁷ Lalu sadonyo urang nan tingga di daerah sakitar Gerasa maminto Yesus untuk maninggakan sidak sabab sidak dikecam oleh katakkutan nan gadang. Karano itu, Yesus naik ka parahu dan kambali ka Galilea. ³⁸ Akkan tatapi, urang nan ala di bebaskan dari setan-setan itu mamohon kapado Yesus supayo innyo boleh basamo-samo jongon Yesus. Namun, Yesus manyuruhnyi pai, kato-Nyo, ³⁹ "Pulanglah ka rumah kau dan caritokanlah hal-hal gadang nan ala Allah pabuek bagi kau." Urang itu pun pai ka saluruh panjuru kota dan macaritokan apo nan ala Yesus pabuek baginyo. ANAK YAIRUS DI BANGKITKAN DAN SAURANG PARAMPUAN DISAMBUHKAN ⁴⁰ Katiko Yesus kambali ka Galilea, urang banyak mayambut-Nyo karano sidak sadonyo ala manunggu-Nyo. ⁴¹ Di situ ado sasaurang banamo Yairus an datang kapado-Nyo , innyo adolagh saurang kapali Sinagoge. Sambil sujud manyembah di kakki Yesus, Yairus mamohon supayo Innyo datang ka rumahnyo ⁴² karano inyo mamilikki saurang putri kiro-kiro barumur duo bale tahun, dan anak itu hampir mati. Dan, katiko Yesus manuju ka sinun, urang banyak badesak-desakan di sakaliling-Nyo. ⁴³ Di situ ado saurang parampuan nan ala mandarito pandarahan barek salamo 12 tahun, dan indak saurang pun nan dapek manyembuhkannyo. ⁴⁴ Parampuan itu mandakkei Yesus dari balakkang dan manyentuh ujung jubah-Nyo mako seketiko itu juo pandarahannyo baranti. ⁴⁵ Lalu, Yesus mangecek, "Siapo nan manyentuh-Ambo?" Karano sadonyo urang manyangkal, Petrus mangecek, "Guru, urang banyak bakumpul di sakaliling-Kau dan badesak-desakan jongon-Kau!" Akkan tatapi, Yesus mangecek, "Sasaurang manyentuh-Ambo karano Ambo maraso ado kuaso nan kalua dari-Ambo." ⁴⁷ Katiko parampuan itu maliek bahwa innyo indak dapek manyambunyikan diri, innyo datang kapado Yesus dan gemetar dan basujud di hadapan-Nyo. Di depan sadonyo urang, innyo mancaritokan mangapo innyo manyentuh Yesus, dan maccam mano inngo jongon sakatiko disambuhkan. ⁴⁸ Kamudian, Yesus mangecek kapadonyo, "Anak-Ambo, iman kau ala mayembuhkan kau. Pailah dalom damai sajahtaro." ⁴⁹ Katiko Yesus masih babicaro, sasaurang dari rumah kapalo sinagoge itu datang dan mangecek kapado Yairus, "Putri kau ala maninggal. Jangan lai marepotkan Guru." ⁵⁰ Akkan tatapi, mandanga hal itu Yesus mangecek kapado Yairus, "Jangan takkut. Piccayo sajo dan anak kau akkan salamat." ⁵¹ Katiko Yesus sampe di rumah Yairus, Innyo indak mambolehkan siapo pun masuk basamo-Nyo kacuali Petrus, Yohanes, Yakobus, samo ayah dan ibu anak itu. ⁵² Sadonyo urang manangi dan maratapi anak parampuan, tatapi Yesus mangecek, "Jangab manangi, innyo indak maninggal tatapi tidur." ⁵³ Urang banyak itu pun manertawakan-Nyo karano sidak tau anak parampuan itu ala maninggal. ⁵⁴ Akkan tatapi, Yesus mamaccik tangan anak itu dan mangimbonyo, "Bangunlah, nak!" ⁵⁵ Mako, kambalilah roh anak itu dan sakatiko itu kuo innyo badiri. Lalu Yesus mamarintahkan agar anak itu di agi sasuatu untuk di makkan. ⁵⁶ Kaduo urang tuo anak itu takjub, tatapi Yesus malarang sidak untuk mangagitau siapo pun tantang apo nan ala tajadi.