¹ Yesus,na panuh jongon Roh Kudus kambali dari Yordan.Kamudian,Inyo dipimpin samo Roh Kudus manuju padang balantaro ² Salamo 40 hari untuk dicobai Iblis.Inyo indak makkan apopun salamo hari-hari tu.Katiko ala barakhir,Inyo manjadi lapa. ³ Lalu,Iblis mangeccek kapado-Nyo,"Kok kau Anak Allah,suruhlah batu ikko manjadi roti." ⁴ Yesus ,manjawabnyo,"Ado tatulis, 'Manusia hidup indak dari roti sajo."'Ulangan 8:3 ⁵ Kamudian,Iblis mambaok Yesus ka tampek na tinggi jongon maliekkan kapado-Nyo sadonyo karajaan dunio sacaro sakilas. ⁶ Lalu iblis mangeccek kapado-Nyo,"Ambo akan mangagi Kau kuaso jongon kamuliaan ate sadonyo tampek tu,sabab sadonyo ala diagikan kapado ambo.Samo ambo mangagikannyo kapado siapo sajo na ambo nandak. ⁷ Jadi,jiko kau manyembah ambo,sadonyo tu akan manjadi milik-Kau." ⁸ Lalu,Yesus manjawab,"ado tatulis, 'Kau harus manyembah Tuhan Allah kau, jongon hanyo kapado-Nyo kau harus barbakti."'Ulangan 6:13 ⁹ Kamudian,Iblis mambaok ka yerusalem lalu manampekkan-Nyo di puncak Bait Allah. Keccek Iblis kapado Yesus,"Jiko kau Anak Allah jatuhkanlah diri-Kau dari sikko ka bawah, ¹⁰ karano ado tatulis, 'Taringek kau,Allah akan mamarintokan malaikat-malaikat-Nyo untuk manjaga-Kau.' Mazmur 91:11 ¹¹ Samo ,jongon tangan sidak,sidak akan manopang-Kau supayo kakki-Kau indak ta tokkok batu.'''Mazmur 91:12 ¹² Jawab Yesus kapado Iblis,"Ado tatulis, 'Jangan mancuboi Tuhan Allah kau.'''Ulangan 6:16 ¹³ Satalah Iblis salase mancuboi Yesus,inyo paimaninggakan-Nyo jongon manunggu kasempatan na lain. ¹⁴ Yesus kambali ka Galilea jongon panuh kuaso Roh,barito tantang-Nyo manyebar ka sadanyo daerah di sakitarnyo. ¹⁵ Lalu Inyo mulei mangajar di sinagoge jongon sadonyo urang mamuji-Nyo. ¹⁶ Kamudian Yesus pai ka Nazaret,kota tampek Inyo digadangkan.sakiro kabiasaan-Nyo,Yesus pai ka sinagoge pado hari sabat jongon tagak untuk mambacco. ¹⁷ Kitab Nab Yesaya diagaikan kapado-Nyo,lalu Inyo mambukka kitab tu samo manamukan bagian na manuliskan, ¹⁸ "Roh Tuhan ado pado-Ambo, karano Inyo tala mangarupi Ambo untuk mambaritokan kabar elok apado urang-urang miskin. Inyo mangutus Ambo untuk mambaritokan pambebasan kapado para tahanan, jongon pamulihan pangaliekan kapado urang-urang buto, untuk mambebaskan urang-urang na tatinde, ¹⁹ jongon untuk mangabarkan bahwa tahun rahmat Tuhan ala datang."Yesaya 61:1-2 ²⁰ Yesus manutup kitab tu lalu mamulangkannyo kapado pajabat rumoh ibadah,jongon kamudian Inyo duduk.Mato sadonyo urang di dalam sinagoge tu tatarik pado diri-Nyo. ²¹ Lalu,Yesus mulei mangeccek kapado sidak,"Hari ikko,ganaplah apo na dituliskan Kitab Suci ko saat kau madanganyo." ²² Jongon,sadonyo urang mambenarkan-Nyo sambi taheran-heran jongon pangeccean rancaak na kalua dari mulut-Nyo.Sidak mangeccek,"Indaklah Inyo anak Yusuf?" ²³ Kamudian,Yesus mangeccek kapado sidak,"Kau pasti mangatokan pribahasa ikko kapado-Ambo,'Dukku n sambuhkanlah diri-Kau surang!Kami mandanga tantang hal-hal na Kau lakukan si Kapernaum,pabueklah itu juo disikko,di kota asal-Kau surang.''' ²⁴ Kamudian Inyo mangeccek,"Ambo mangeccek kapado kau sasungguhnyo indak ado nabi na ditarimo di kota asalnyo surang." ²⁵ Dalam kabanaran,Ambo mangatokan kapado kau,ado banyak jando di Israel pada zaman Elia,katiko langit tatutup salamo tigo tahun anam bulan,katiko kalaparan hebat tajadi di saluruh negeri. ²⁶ Akan tatapi,Elia indak diutus kapado siapopun kacuali kapado saurang jando di Sarfat,di daerah Sidon. ²⁷ Ado banyak pandarito kusta di Israel pado zaman Nabi Elisa,tatapi indak ado saurang pun dari sidak na ditahirkan salain Naaman ,urang siria tu." ²⁸ Katiko mandanga hal-hal ko,sadonyo urang didalam sinagoge tu dipanuhi jongon amarah. ²⁹ Mako,tagaklah sidak jongon manyeret Yesus kalua dari kota tu,lalu mambaok-Nyo kapuncak bukkit tampek kota sidak di bangun untuk manjatuhkan-Nyo dari tabing. ³⁰ Akan tatapi,Yesus berlalu dari tanga-tanga sidak jongon pai. ³¹ Yesus pai ka Kapernaum,sabuah kota di wilayah Galilea,jongon mangajar urang banyak pado hari Sabat. ³² Sidak kagum tahadop pangajaran-Nyo sabab pangeccean-Nyo panuh jongon kuaso. ³³ Di sinagoge,ado surang lakki-lakki na karasukan roh setan na najis.Urang tu mamakkik jongon suara kare, ³⁴ "Padiakan kami surang!Apo urusan-Kau jongon kami,hai Yesus,Urang Nazaret?Apokah Kau datang untuk mambinasokan kami?Ambo tau siapo Kau,Na Kudus dari Allah!" ³⁵ Akan tatapi,Yesus manyonggak roh setan tu,kato-Nyo,"Diam!kalualah dari urang ikko!"Satalah setan tu mambanting urang tu ka tanah,di mukko sadonyo urang,inyo kalua dari tubuh urang samo indak manyakkitinyo. ³⁶ Jongon panuh kakaguman,sadonyo urang na ado di situ mangeccek saincek jongon lain,"Pangeccean apo ikko? karano jongon wibawa samo kuaso,Inyo mamarintokan roh-roh najis tu jongon sidak kalua." ³⁷ Barito tantang Yesus tasebar kasaluruh tampek disaluruh daerah tu. ³⁸ Kamudian,Yesus maninggakan rumoh ibadah tu jongon pai karumah Simon.Saat tu,ibu mintuo Simon sadang damam tinggi,karano itu sidak maminta Yesus untuk manyambuhkannyo. ³⁹ Lalu,tagaklah Yesus di dakke ibu mintuo Simon jongon manyonggak damam tu,sakkiknyo pun cegak.Sakatiko tu juo,ibu mintuo Simon jago jongon mulei malayani sidak. ⁴⁰ Katiko matohari mulai tabanam,sadonyo urang mambaaok kaluargo sidak na mandarito bamaccam panyakkit kapado Yesus.Kamudian Yesus malatakkan tangan-Nyo ka ate sidak masing-masing jongon mancegakkan sidak. ⁴¹ Setan-setan pun kalua Dari urang banyak tu sambi mamakkik,"Kau adolah Anak Allah!"Akan tatapi,Yesus manyonggak sidak,Inyo indak mampadiakan sidak tau bahwa Inyo adolah Yesus. ⁴² Barisuk pagi Yesus pai ka suatu tampek na sunyi untuk manyandiri.Urang banyak mancari-Nyo,jongon katiko sidak manamukan-Nyo,sidak barusaha manghalaangi Inyo agar indak maninggakan sidak. ⁴³ Akan tatapi,Inyo mangeccek kapado sidak,"Ambo harus mambaritokan Injil karajaan Allah ka kota-kota lain juo karano ikkolah Ambo diutus." ⁴⁴ Lalu,yesus bakhotbah di sinagoge-sinagoge di Yudea.