¹ Pado hari partamo minggu tu,katiko hari masih pagi bana,padusi-padusi tu pai ka kubur Yesus sambi mambaok rempah-rempah na alasidak parsiapkan. ² Dan sidak mandapei batu gadang ala taguling darikubur. ³ Akan tatapi,saat sidak masuk,sidak indak manamukan mayat Tuhan Yesus. ⁴ Katiko sidak masih taheran-heran karano hal tu,tibo-tibo ado dua urang na mamakke pakkean bakilau0-kilauan badiri di samping sidak. ⁵ Padusi-padusi tu katakkutan bana jongon manundukkan mukko sidak,tatapi kaduo urang tu mangeccek,"Mangapo kau mancari urang na hidup di antaro urang-urang mati? ⁶ Yesus indak ado di sikko, Inyo ala bangkik. Ingeklah tantang apo na ala dikatokan-Nyo kapadokau katiko Inyo masih di Galilea. ⁷ Inyo mangeccek bahwo Anak Manusio harus di serahkan ka tangan urang-urang badoso, disalibkan, jongon akan bangkik kambali pado hari katigo." ⁸ Mako, padusi-padusi itu taringek akan pangeccean Yesus. ⁹ Satala sidak kambali dari kubur Yesus, sidak mancaritokan saluruh paristiwo tu kapado kasabale rasul sarto paro pangikkut Yesus na lainnyo. ¹⁰ Padusi-padusi na mancaritokan hal tu kapado paro rasul iyolah Maria Magdalena, Yohana, Maria umak Yakobus, jongon babarapo padusi lain. ¹¹ Akan tatapi, pangeccean padusi-padusi itu dianggap omong kosong samo paro rasul jongon sidak indak piccayo kapado padusi-padusi tu. ¹² Akan tatapi, Petrus tagak jogon balari ka kubur Yesus. Inyo mambungkuk jogon maliek ka dalam, tatapi inyo hanyo manumukan kain linen pambungkus mayat. Satala itu, Petrus pulang jongon heran bana ate apo na ala tajadi. Yesus Manampakkan Diri kapado Pagikkut-Nyo di Jalan Manuju Emaus ¹³ Pado hari tu pulo, 2 urang pangikkut Yesus barangkat ka sabuah desa banamo Emaus na jaraknyo kiro-kiro 60 stadia dari Kota Yerusalem. ¹⁴ Kaduo urang tu sagalo paristiwo na tajadi. ¹⁵ Katiko sidak sadang bacakkap-cakkap jongon batukka pikkiran, Yesus sandiri datang mandakkek serta bajalan basamo-samo sidak. ¹⁶ Akan tatapi, mato sidak tahalang sahinggo sidak indak dapek manganali Inyo. ¹⁷ Yesus mangeccek kapado sidak,"Apo na kau baduo bicarokan sambi bajalan?" Kaduo urang tu pun baranti jongon mukko sidak nampak sedih bana. ¹⁸ Salah saurang dari sidak na banamo Kleopas mangeccek kapado-Nyo,"Apokah Kau satu-satunyo urang asing di Yerusalem na indak mangatahui tantang apo na tajadi di sinun baru-baru ko?" ¹⁹ Yesus mangeccek, "Tantang apo?"Sidak pun mangeccek kapado Inyo,"Tantang Yesus dari Nazaret.Inyo adolah saurang nai kuaso dalam pangeccean serta pabuekan-pabuekan-Nyo di mukko allah dan di mukko saluruh bangsa kami. ²⁰ Akan tatapi,imam-imam kapalo jongon paro pamimpin kami manyerahkan Inyo untuk dihukkum mati,dan sidak manyalikan-Nyo. ²¹ Sabanaryo kami baharok bahwa Inyolah na akan mambebaskan bangsa Israel.Namun,hari ko adolah hari katigo sajak sadonyo tu tajadi. ²² Akan tatapi,babarapo padusi dari antaro kami ala mangajutkan kami.Katiko sidak barado di kuburan pagi-pagi bana, ²³ sidak indak manamukan jenazah Yesus.Lalu,sidak kambali jongon mangatokan bahwa sidak ala maliek panampakan malaikat-malaikat,na mangatokan bahwa Inyo hidup. ²⁴ Kamudian,babarapo dari kami pai ka kubur jongon mandapei pulo sakiro na dikatokan oleh padusi-padusi tu.Akan tatapi,sidak indak maliek Yesus." ²⁵ Kamudian Yesus mangeccek kapado sidak,"Oh,bodoh bana kau jongon lamban hati untuk mampiccayoi sagalo sasuatu na ala dikatokan oleh paro nabi. ²⁶ Bukkan kah Kristus harus managalami pandaritoan ikko jongon masuk ka dalam kamuliaan-Nyo." ²⁷ Lalu,Yesus manjalaskan sagalo sasuatu na tatulis dalam saluruh Kitab Suci tantang diri-Nyo,mulei dari Kitab Musa sampe saluruh kitab paro nabi. ²⁸ Katiko sidak ala dakkek ka desa Emaus, Yesus tarus bajalan saakan-akan hendak manaruskan parjalanan-Nyo. ²⁹ Akan tatapi, sidak manahan Inyo jongon mangeccek, "Tinggalah basamo kami sabab hari ala hampir malam jongon matohari hampir tabanam."Mako, Yesus masuk untuk tingga basamo sidak. ³⁰ Katiko Inyo bagabung basamo sidak di meja makkan, Yesus mangambik roti jongon mambarkatinyo. Inyo mamacca-maccakannyo, lalu mangagikannyo kapado sidak. ³¹ Saat itu, mato sidak tabukkak jongon sidak manando Yesus. Namun, tibo-tibo Yesus manghilang dari pandangan sidak. ³² Satala itu, mangecceklah sidak satu samo lain, "Indakkah hati kito bakobar-bakobar katiko Inyo mangeccek jongon kito salamo parjalanan dan katiko Inyo manajalaskan kitab Suci kapado kito?" ³³ Pado saat tu juo,sidak tagak dan kambali ka Yerusalem.Sidak manjumpoi kasabale murid dan urang-urang na basamo sidak sadang bakumpu basamo-samo. ³⁴ Murid-murid tu mangeccek kapado sidak baduo,"Tuhan banar-banar ala bangkik jongon manampakkan diri kapado Simon!" ³⁵ Kaduo pangikkuk tu juo mancaritokan apo na ala tajadi dalam parjalanan sidak.Sidak mancaritokan maccam mano sidak manando Yesus katiko Inyo mamacahkan roti. Yesus Manampakkan Diri kapado pangikkuk-pangikkuk-Nyo ³⁶ Katiko kaduo urang tu masih mancaritokan paristiwa ikko,Yesus tagak badiri di tangah-tangah sidak dan mangeccek kapado sidal,"Damai baserta kau." ³⁷ Akan tatapi,sidak takajut jongon katakutan.Sidak manyangko bahwa sidak sadang maliek hantu. ³⁸ Kamudian,Yesus mangeccek kapado sidak,"Mangapo kau takajuk jongon karaguan muncul di hati kau? ³⁹ Lieklah tangan-Ambo dan kakki-Ambo.Ikko banar-banar Ambo.Santuhlah Ambo dan lieklah,hantu indak mampunyoi daging jongon tulang sakiro na kau liek pado-Ambo." ⁴⁰ Satala Yesus mangatokan ikko, Inyo manunjukkan tangan jongon kaki-Nyo kapado sidak. ⁴¹ Samantaro sidak masih balum piccayo karano gembira jongon taheran-heran, Yesus batanyo kapado sidak, "Apokah di sikko kau mampunyoi sasuatu untuk dimakkan?" ⁴² Lalu sidak mangagikan sapotong ikkan panggang kapado-Nyo. ⁴³ Yesus mangambik lauk tu jongon mamakkannyo di mukko sidak. ⁴⁴ Kamudian, Yesus mangeccek kapado sidak, "Ikkolah pangeccean na Ambo katokan kapadokau katiko Ambo masih basamokau. Sagalo sasuatu na tatulis tantang Ambo dalam hukum Taurek Musa, kitab paro nabi, jongon Mazmur harus digenapi." ⁴⁵ kamudian Yesus mambukkak pikkiran sidak sahinggo sidak dapek mamahami Kitab Suci. ⁴⁶ Yesus mangeccek lai kapado sidak, "Ado tatulis bahwo Kristus harus mandarito jongon bagkik dari antaro urang mati pado hari katigo. ⁴⁷ Dan, patobatan untuk pangampunan doso akan dinyatokan dalam namo-Nyo kapado sagalo bangsa, mule dari Yerusalem. ⁴⁸ Kau iyolah saksi-saksi dari sadonyo ikko. ⁴⁹ Katahuilah, Ambo mangirimkan janji Ayah-Ambo kapado ambo. Akan tatapi, tinggalah di kota Yerusalem sampe kau dilengkapi jongon kuaso dari tampek tinggi." Yesus Tarangkek ka Surga ⁵⁰ Kamudian, Yesus mangajak paro pangikkut-Nyo ka lua kota sampe di Betania. Di sinun, Inyo mangangkek tangan-Nyo jongon mamberkati sidak. ⁵¹ Katiko Yesus mamberkati sidak, Inyo bapisoh dari sidak jongon tarangkek ka surga. ⁵² Lalu, sidak manyembah-Nyo jongon kambali ka Yerusalem jongon basukkocito bana. ⁵³ Sidak salalu barado di dalam Bait Allah jongon mamuji Allah.